Yeremiya 16:3 - Tonga Bible 1986

³ Pakuti viyo atiti Ambuya pa ŵana ŵanthurumi ndi ŵana ŵanthukazi wo ŵawiya mu malo yagha, ndi pa anyinawo wo ŵanguŵabara ndi auskeu wo ŵanguŵabara mu charu ichi:

Yeremiya 16:3 ပူးပေါင်းရင်းမြစ်များ

Yeremiya 15:8

Ndandaniska vyoko vyawo, kwakuruska muchenga wa zinyanja; ndatole pa ŵanyinawo ŵa ŵanyamata, wakuŵananga ndi msana pakati; ndatuma kuŵaŵa ndi chofyu kuti viŵawiye kwa mabuchibuchi.

Yeremiya 16:2

“Kuti ukatonga munthukazi cha, chingana nkhuti ukaŵanga ndi ŵana ŵanthurumi pamwenga ŵana ŵanthukazi mu malo yagha cha.

Yeremiya 16:5

“Pakuti viyo atiti Ambuya: Ungaserenga mu nyumba ya maliro, ungarutanga kwachitenje, pamwenga kuŵachitiya chitima; pakuti ndatuzgako chimangu changu ku ŵanthu yaŵa, atiti Ambuya, chanju changu chizirima ndi lisungu.

Yeremiya 16:9

Pakuti atiti viyo Ambuya ŵa maŵanja, Chiuta waku Yisraele: Ehe, ku malo yagha, paurongo pa maso ghako mu mazuŵa ghako, ndikamarizganga mazu gha kadara ndi mazu gha kukondwa, mazu gha mweni nthengwa ndi mazu gha mwali wanthengwa.

Yeremiya 6:21

Chifukwa cho atiti Ambuya; ‘Ehe, ndikaŵikanga paurongo pa ŵanthu yaŵa viguŵisku mwaku vyo ŵakaguŵanga: ŵawiskeu ndi ŵana ŵanthurumi pamoza, muzengezgani ndi bwezi ŵakamaranga.’ ”

Ezekiele 24:21

‘Kamba ku nyumba yaku Yisraele, Viyo atiti Ambuya Chiuta: Ehe, ndikafipiskanga malo ghangu ghakupaturika, kujikuzga kwa mazaza ghamu, likondwa la maso ghinu, ndi linweka la mzimu winu; ndipo ŵana ŵinu ŵanthurumi ndi ŵanthukazi wo mwaŵasiya kuvuli ŵakabayikanga ndi lipanga.