Yeremiya 16:18 - Tonga Bible 1986

¹⁸ Ndipo ndikaŵawerezgiyangapo kwa kaŵi pa utimbanizi ndi uheni wawo, chifukwa ŵakazuzga charu changu ndi viŵanda vya ŵangoza ŵawo ŵa ŵaka, ndipo ŵazaza charu changu ndi maukazuzi ghawo.”

Yeremiya 16:18 ပူးပေါင်းရင်းမြစ်များ

Yesaya 40:2

Kambani ghakuzikiska mtima Yerusalemu, ndi mubongoliyeni kuti nkhondo yake yamara, uheni wake wagowokereka, pakuti waronde ku janja la Ambuya mwakuwerezga kaŵi pa uheni wake wose.

Chivumbuzi 18:6

Muwerezgiyenipo uli ndipo iyo wangupaskiya imwe, ndipo muwerezgiyenge iyo kaŵi vyakaŵi kwakulingana ndi nchitu zake: mu chandi mwenimo wangusazga, msazgiyeni kwakaŵi.

Ezekiele 11:21

Kweni kwaku ŵeniwo mitima yawo yitunthwiya mu maukazuzi ndi maunyakazi ghawo, ndiwezgiyenge nchitu zawo pa mitu ya ŵeneko, atiti Ambuya Chiuta.”

Yeremiya 17:18

Ŵalengeskeke ŵeniwo ŵatindisuzga; kweni ine mungandilengeska cha; ŵadiskike nthazi rekani kundidiska nthazi ine. Toleni paku iwo zuŵa liheni muŵaphwanye ndi kuphwanya kwa kaŵi.

Yeremiya 2:7

Ndipo ndingumutoliyani mu charu cha vyakuzala, kurgha vipasi vyake ndi vyamampha vyake. Kweni munguti mwaseremo imwe mungukazuzga charu changu, ndipo mungukazuzga ŵanthu ŵangu.

Ezekiele 11:18

Ndipo ŵatakuti ŵaza muwa ŵakatuzgangamo ukazuzi wake wose ndi maunyakazi ghake.

Yeremiya 3:9

Chifukwa kuchita ureŵi kwaku iyo chenga chinthu chipusu, wangukazuzga charu pakuchita ureŵi ndi mwa ndi muti.

Yesaya 61:7

Mu malo mwa soni zinu mukaŵanga navyo kwakusazgiyapo, mu malo ghakuyeyeka mukasekerenga mu phande linu; viyo mu charu chinu mukaŵanga ndi vya uzali wa kaŵi, chinu chikaŵanga chimwemwe cha muyaya.

Mika 2:10

Yuka rutanga, pakuti yagha kuti ndimalo cha ghakupumuliyapo; chifukwa cha uheni wo ubwanganduwa ndi kubwanganduka kwakofya.

Yesaya 24:5

Charu chigona mu kukazuzgika pasi pa ŵakujamo ŵake; pakuti ŵalengeska marangu, ŵaswa panganu la muyaya.

Sumu 106:38

Ŵangudiska ndopa zambura kafukwa, ndopa za ŵana ŵawo ŵanthurumi ndi ŵanthukazi, kuŵa sembe ku ŵangoza ŵaku Kanani; viyo charu chingukazuzgika ndi ndopa.

ŴaLevi 26:30

Nkhaparghang'anga malo ghinu gha pachanya ndi kugumuliya pasi majochero ghinu gha vyachema ndi kupong'a viŵanda vinu pachanya pa viŵanda vya ŵangoza ŵinu mtima wangu umukaneninge.

Yesaya 65:6

Ehe, chikulembeka paurongo pangu; “Kuti ndikachetamanga cha ndikawerezgiyangapo, inya, ndikawerezgiyangapo mu chifuŵa chawo,

Yeremiya 7:30

“Pakuti ŵana ŵaku Yuda ŵachita uheni mu maso ghangu, atiti Ambuya, ŵamika maukazuzi ghawo mu nyumba yeniyo yikudanika ndi zina langu, kuyikazuzga.

Yeremiya 44:4

Kweni kaŵikaŵi ndingukutumiyani ŵateŵeti ŵangu ŵamchimi, kuti, ‘Okwe, rekani kuchita chinthu ichi cha ukazuzi chenicho nditinkha!’

Ezekiele 5:11

Viyo, mo ndiliri wamoyo, atiti Ambuya Chiuta, kwakuneneska, pakuti mwakazuzga malo ghangu ghakupaturika ndi vinthu vinu vyose vyakuchitiska soni ndi maunyakazi ghinu ghose, nadi ndikakudumuliyaninga pasi; jiso langu kuti lisiyengepo cha, ndikaŵangavi lisungu.

Hoseya 9:7

Mazuŵa ghakurangikiya ghafika, mazuŵa ghakuwezge thayu ghafika. Yisraele wakaghaziŵanga. Mchimi ngwakupusa, munthu wa mzimu wafuntha, chifukwa cha ubendezi winu ndi kutinkha kukuru.

Yesaya 65:7

maulakwi ghawo ndi maulakwi gha auskewo pamoza nawo, atiti Ambuya; chifukwa ŵangocha vyachema pa mapiri ndi kundituka pa mapiri pachanya, mu chifukwa cha machitidu ghawo ghakudanga ndikaŵapimiyanga mphoto yapa chifuŵa chawo.”

Ezekiele 36:18

Viyo ndinguŵapunguliya ukari wangu chifukwa cha ndopa zo ŵangudiska, ndi chifukwa cha ŵangoza ŵawo wo ŵangukazuzga nawo charu.