Yeremiya 16:16 - Tonga Bible 1986

¹⁶ “Ehe, ndikadananga ŵarovi ŵa somba ŵanandi, atiti Ambuya, ndipo ŵakaŵakonga; pavuli ndikadananga ŵachiŵinda ŵanandi, ndipo ŵakaŵasakanga mu phiri lose ndi mtunthu wose ndimumalijengwajengwa gha majarawi.

Yeremiya 16:16 ပူးပေါင်းရင်းမြစ်များ

Chiyambo 10:9

Wenga chiŵinda wakulimba paurongo pa Ambuya; chifukwa cho kuneneka “Uli ndi Nimirode chiŵinda wakulimba paurongo pa Ambuya.”

Yesaya 2:21

kusere mu zimphanji zitali zamajarawe ndi malijengwajengwa gha masendemu, kutuwako ku chofyu cha Ambuya, ndi ku unkhankhu wa ukaronga wawo, penipo akasokanga kofya charu chapasi.

Yesaya 7:19

Ndipo zose zikazanga ndi kuja mu malijengwajengwa ghakuti nyo, ndi mazenje gha mu majarawe, vivwati vyose vya minga, ndi mu vipozwa vya uliska.

Yeremiya 25:9

ehe, ndikadananga mitundu yose yaku nkhonde atiti Ambuya, ndi Nebukadanezara karonga wa Babiloni, mteŵeti wangu, ndikaŵatoliyanga kuzachilimbana ndi charu ichi ndi ŵakujamo ŵake, kulimbana ndi mitundu yose iyi yakuchizingiriya. Ndikaŵamaranga tetete ndi kuŵachita chakofya, cha kusekeka, ndi chakuyeyeka muyaya.

Yeremiya 4:29

Pa chiwawa cha ŵakukwera pa kavalo ndi ŵakutweŵa uta; ŵanthu ŵamu muzi we wose ŵathaŵa, ŵasere mu matundu; ŵakwera mu majarawe; mizi yose yapatika ndipo palivi munthu yo wajamo.

Yeremiya 49:5

Ehe, ndikatolenga mantha paku iwe, atiti Ambuya Chiuta wa maŵanja, kutuliya kwaku wose ŵakukuzunguliya, ndipo mukadikiskikiyanga kubwalo we yose kurunjika po warata maso, paulengevi wakuwunjika ŵamayinga.

Yeremiya 6:9

Viyo atiti Ambuya ŵa maŵanja: “Kanimu so kwarwana nge ndi mphereska mu ŵakujamo ŵa ŵaYisraele; uli ngwakuunjika vipasi pitiska janja lako mu mphanda zake.”

Chitenje 4:18

Ŵanthu ŵangukhazga mendedu ghidu mwakuti tireke kwenda mu miseu yidu; umari widu ungundere pafupi; mazuŵa ghidu ghangukwana; pakuti umari widu unguza.

Chitenje 4:19

Wakutidondoloska wenga wamankharu kwakuruska makuŵi gha mude wangutidikiska pa mapiri; wangutikhazga mu mabozwa.

Hoseya 10:10

Nkhazanga kumikana ndi ŵanthu ŵakuwere vuli kuŵaranga; ndipo mitundu yiwunjikanenge kumikana nawo po ŵarangika, chifukwa cha kwananga kwawo kuŵi.

Amosi 4:2

Ambuya Chiuta warapa ndi utuŵa wake kuti, wonani, mazuŵa ghatuza, mwaku gho wamutuzgiyeningipo ndi chakukolowole, ndipo ŵakumariya ŵaku imwe ŵakatuzgikangapo ndi mbeja.

Amosi 5:19

kwenge ndipa munthu wanguthaŵa ku nkharamu ndipo wangukumana ndi chipembere; pamwenga wangusere mu nyumba ndi kunyekezga janja lake ku chimati, ndipo njoka yingumuruma.

Mika 7:2

Ŵarunji ŵakumara pa charu, ndipo palivi murunji mukati muŵanthu; wose ŵalindizga ndopa; ndipo yose wasaka mbali wake ndi ukondi.

Zefaniya 1:12

Pa nyengo yo ndipenjenge mu Yerusalemu ndi nyali; ndi ndirangenge ŵanthu wose wo ŵafwasa pa visika vyawo, wo mu mitima yawo ŵakamba kuti, ‘Ambuya achitenge chamampha cha, pamwenga kuchita chiheni!’

1 Samuele 24:11

Awonani ada, wonani mkono wa khanju linu mu janja langu; pakuti ndadumuwako mkano ku khanju linu, kweni kumbayani cha, mtenere kuziŵa ndi kuwona kuti mu manja ghangu mulivi kaheni chingana nkwananga. Palivi cho ndamunangiyani, chingana imwe mupenja umoyo wangu kuwuto.

1 Samuele 26:20

Viyo ndopa zangu zireke kudika pasi, patali ndi chisku cha Ambuya; pakuti karonga waku Yisraele wazakuno kupenja umoyo wangu, nge ndimo chiŵinda chisakiya nkhwali mu mapiri.”