Yeremiya 15:9 - Tonga Bible 1986

⁹ Yo wangupapa ŵankhonde ndi ŵaŵi wadengenduka, walakatuka; lumwi lake lasere kweche msana; wachita soni ndipo walengeskeka. Ndipo ŵakujapo ŵaku wo ndikaŵaperekanga ku lipanga, paurongo pa ŵakupindikana wawo, atiti Ambuya.”

Yeremiya 15:9 ပူးပေါင်းရင်းမြစ်များ

Yesaya 47:9

Ivi vinthu viŵi vikazanga kwako mu kanyengo, pa zuŵa limoza pe; nyifwa za ŵana ndi uchoko vikazanga pako mwa nthazi zikuru, nanga ŵa vyanusi ŵako ŵangaŵa ŵanandi ndi nthazi yikuru ya mayera ghako.

Yeremiya 19:7

Ndipo mu malo ghenigha ndikamariskanga vinjeru vyaku Yuda ndi Yerusalemu, ndikabayiskanga ŵanthu ŵawo ndi lipanga paurongo pa ŵakupindikana ŵawo, ndi janja laku wo ŵapenja kuŵabaya. Ndikapaskanga viŵanda vyawo ku viyuni vya mude ndi ku nyama za charu chapasi kuti zirghenge.

Yeremiya 21:7

Pavuli atiti Ambuya, ndikaperekanga Zedekiya karonga waku Yuda, ndi ŵateŵeti ŵake, ndi ŵanthu ŵamu msumba uwu wo ŵakapozomokanga ku chideru, lipanga ndichilala, mu janja laku Nebukadanezara karonga wa Babiloni, ndi mu janja la ŵakupindikana ŵawo, mu janja laku wo ŵapenja kuŵabaya. Ŵakaŵakosonga ndi lipanga; kuti wakaŵafwiyanga lisungu, pamwenga kuŵareka, pamwenga kuŵa ndi chitima cha.’

Yeremiya 44:27

Ehe, ndituŵalereske pa uheni, pa umampha cha; ŵanthu wose ŵaYuda wo ŵemu charu cha Egipiti ŵakamaranga ndi lipanga ndi chilala, mpaka penipo ŵamara wose.

Yeremiya 50:12

nyinamwe wakalengeskekanga kwakufikapo, ndipo yo wangukupapani wakakanyalanga. Awonani, wakaŵanga wakumariya wa mitundu, bozwa liyumu ndi mapopa.

Yeremiya 6:4

“Rongosoni nkhondo paku iyo; tikwere, tichite nkhondo ndi msana pakati!” “Soka kwaku ifwe, pakuti lumwi laruta, pakuti miduzi ya mazulo njitali!”

Yeremiya 7:19

Kumbi ndine mweniyo ŵasosomo atiti Ambuya? Kumbi kuti ndiwo ŵeneko cha, wo ŵatijitimbanizga?

Chitenje 1:1

Owe mo wajaliya wija msumba wo unguzaza ndi ŵanthu! Owe mo wasandukiya choko, wo wenga wa pachanya mukati mu mitundu! Wo wenga mwana wa karonga pakati pa mizi, wasanduka mupempha.

Chitenje 4:10

Chingana mbanthukazi ŵachitima ŵangubika ŵana ŵaŵeneko ndi, manja ghawo. Wanguŵa kurgha kwawo mu kwanangika.

Ezekiele 5:12

Chigaŵa chimoza cha vigaŵa vitatu vyaku imwe ŵakafwanga ndi chiwowota ndi kumara ndi chilala mukati mwinu; chigaŵa cha chitatu ŵakabayikanga ndi lipanga lakumuzingirizgani imwe ndipo chigaŵa cha chitatu ndimbininiskiyenge ku mphepo zose ndipo ndikasoronga lipanga pavuli pawo.

Ezekiele 5:13

“Viyo ndimo ukari wangu ukamariyanga, ndikajikhorweskanga pakupunguliya kukwiya kwangu paku iwo; sono ŵakaziŵanga kuti ine, Ambuya, musanji yangu ndarongoro, po ndifiska kukara kwangu paku iwo.

1 Samuele 2:5

Wo ŵenga ŵakuguta ndiwo ŵajilembela kulimiskiya kurgha, kweni wo ŵenga ŵania ndiwo mba mgutu. Chumba chapapa ŵana ŵankhonde ndi ŵaŵi, kweni yo wanguŵa ndi ŵana ŵanandi waja mphuru urungwa.