Yeremiya 15:2 - Tonga Bible 1986

² Ndipo ŵachikufumba, kuti, ‘Tikayanga pani?’ iwe utinge kwaku wo, ‘Viyo atiti Ambuya: “Wo ŵatemeke ku chideru nkhu chideru; wo ŵatemeke ku lipanga nkhu lipanga; wo ŵatemeke ku chilala nkhu chilala; ndipo wo ŵatemeke ku umkoli nkhu umkoli.” ’

Yeremiya 15:2 ပူးပေါင်းရင်းမြစ်များ

Yesaya 10:4

Palivi chakujako kweni kusindama pasi mukati mu ŵamagoŵa pamwenga kuwa mukati mu ŵakubayika. Mu chifukwa chose ichi, kukara kwake kuti kwarata kunyake cha ndipo janja lake leche kutambaruka.

Yesaya 24:18

Mweniyo wathaŵa pakuvwa mazu gha chofyu wakawanga mu zenje lo, ndipo yo wakwera kutuwa mu zenje wakawilanga mu chiŵana. Pakuti mudangazi gha kuchanya ghajurika, viŵanja vyacharu chapasi vinjenjeme.

Yeremiya 14:12

Chingana ŵangafunga, kuti ndikavwanga kuliya kwawo cha, ndipo chingana ŵangapereka mpasku wakocha ndi mpasku wa ufwa, kuti ndivirondiyenge cha; kweni ndikaŵamaranga ndi lipanga, ndi chilala, ndi chideru.”

Yeremiya 14:16

Ndipo ŵanthu, kwaku ŵeniwo ŵachimiya, ŵakapong'ekanga kubwalo mu miseu ya Yerusalemu, ŵakubayika ndi chilala ndi lipanga, pakaŵangavi ndi wakuŵaŵika, iwo, ŵawoli ŵawo, ŵana ŵawo ŵanthurumi ndi ŵana ŵawo ŵanthukazi. Pakuti ndikadiranga utimbanizi wawo paku iwo ŵeneko.

Yeremiya 16:4

Ŵakafwanga ndi zinthenda za kubaya. Kuti ŵakaŵatenjenga cha nanga nkhu ŵaŵika nako cha; ŵakaŵanga nge ndi vundira pa charu. Ŵakamaranga ku lipanga, ndi kuchilala, ndipo vitende vyawo vikaŵanga kurgha kwa viyuni vya mude ndi vikoko vya charu chapasi.

Yeremiya 19:7

Ndipo mu malo ghenigha ndikamariskanga vinjeru vyaku Yuda ndi Yerusalemu, ndikabayiskanga ŵanthu ŵawo ndi lipanga paurongo pa ŵakupindikana ŵawo, ndi janja laku wo ŵapenja kuŵabaya. Ndikapaskanga viŵanda vyawo ku viyuni vya mude ndi ku nyama za charu chapasi kuti zirghenge.

Yeremiya 43:11

Wakazanga kuzachikoso charu cha Egipiti, kupereka ku chideru ŵakutemeke ku soka la chideru, ku uŵanda ŵakutemeke kusoka la lipanga.

Ezekiele 12:11

Ukambe, ‘Ine nde chisimikizgu kwaku imwe: nge ndimo ndachitiya, ndimo so kukachitikiyanga kwaku iwo, ŵakarutanga ku umkoli, ku uŵanda.’

Ezekiele 14:21

“Pakuti viyo atiti Ambuya Chiuta: Kuŵenge uli ukongwako asani ndituma vyeruzgu vyangu vinayi pa Yerusalemu lipanga, chailala, vikoko viheni, ndi chideru, kudumuwamo munthu ndi chakuŵeta!

Ezekiele 33:27

Uŵanene ichi, viyo atiti Ambuya Chiuta: Mo ndiliri wamoyo, kwakuneneska wo ŵe mu malo gha mapopa ŵakabayikanga ndi lipanga: ndipo yo we mudondo ndikamuperekanga ku vikoko kuti vimuparuwe, ndipo woŵe mulinga lakukho ndimuzimphanji ŵakafwanga ndi chideru.

Ezekiele 5:12

Chigaŵa chimoza cha vigaŵa vitatu vyaku imwe ŵakafwanga ndi chiwowota ndi kumara ndi chilala mukati mwinu; chigaŵa cha chitatu ŵakabayikanga ndi lipanga lakumuzingirizgani imwe ndipo chigaŵa cha chitatu ndimbininiskiyenge ku mphepo zose ndipo ndikasoronga lipanga pavuli pawo.

Ezekiele 5:2

Chigaŵa chimoza cha vigaŵa vitatu uwoche pa moto mukati mu msumba, asani mazuŵa ghakuwujarizgiya ghafiskika; chigaŵa chinyake uchipume-pume ndi lipanga kuzunguliya msumba; ndipo chigaŵa cha chitatu uchimbininiske ku mphepo, ndipo ine ndikasoronga lipanga pavuli pawo.

Danyele 9:12

Chifukwa tamunangiya iyo. Wakhozga mazu ghake gho wangukamba ghakutisuska ifwe, ŵeruzgi ŵidu wo ŵatiyeruzganga pakuŵika paku ifwe soka likuru, chifukwa pa charu chose chapasi palivi kuchitika nge ndi cho chachitikiya Yerusalemu.

Amosi 5:19

kwenge ndipa munthu wanguthaŵa ku nkharamu ndipo wangukumana ndi chipembere; pamwenga wangusere mu nyumba ndi kunyekezga janja lake ku chimati, ndipo njoka yingumuruma.

Zekariya 11:9

Viyo ndinguti, kuti, “Ndiŵenge mliska winu cha. Yo yitufwa, yifwenge; yo yibayika, yibayike; zo zajako zirghe nyama za zinyawo.”

Chivumbuzi 13:10

Asani munthu watemeke mkoli, ku mkoli wakenge; asani munthu wabayenge ndi lipanga, iyo nayo wabayikenge ndi lipanga. Panu pe unkhunthiya wa ŵakupaturika wo, ndi chivwanu chawo.