Yeremiya 15:10 - Tonga Bible 1986

¹⁰ Soka ndangu, ama pakuti mungundipapa, ndamunthu wa suskano ndi wakulimbana ndi charu chose! Ndilivi kukongoleska, chingana nkhuti ndikongole ine, kweni wose ŵatinditemba.

Yeremiya 15:10 ပူးပေါင်းရင်းမြစ်များ

Luka 6:22

“Mwe ŵamwaŵi, penipo ŵanthu ŵatinkhenge imwe, ndi penipo ŵakupatuweninge, ndi ŵatozenge ndi ŵatayenge zina linu nge ndiheni, pa chifwa cha Mwana wa munthu.

Chituwa 22:25

“Asani mukongoleska ndrama kwaku we yose wa ŵanthu ŵangu yo mwe nayo mweniyo ndi musauchi, mungaŵanga kwaku iyo nge ngwakuteuliska cha, ndipo mungarondagako chipambi.

Luka 2:34

ndipo Simeoni wanguŵatumbika, ndi wanguti kwaku Mariya nyina, “Awona mwenuyu wajarikikiya ku chibwanganduka ndi chiyuka vya ŵanandi mwaku Yisraele; ndi ku chisimikizgu chakususkika;

Mateyu 24:9

“Penipo ŵamkukukomboleni ku suzgu, ŵamkukubayani: ndipo muŵenge ŵakutinkhika ndi mitundu yose pa chifukwa cha zina langu.

Mateyu 5:44

Kweni ine ndikuneniyani, Ŵanjeni wamawongu ŵinu, ndipo ŵarombiyeni ŵakuŵemba imwe,

Yeremiya 15:20

Ndipo kwaku yaŵa ŵanthu ndikakulimbiskanga nge ndi linga la mkuŵa; ŵakarwananga nawe, kweni kuti ŵakakupundanga cha, pakuti ine nde nawe pamoza, kukutaska ndi kukupozomoska, atiti Ambuya.

Nthanthi 26:2

Uli ndi kaŵeruŵeru mu mwenera wake, uli ndi kaŵeruŵeru mukuphuluruka kwake, thembo lo ndambula kafukwa kuti likonda cha.

Sumu 109:28

Ŵanditembe iwo, kweni imwe munditumbike, ŵamawongo ŵangu ŵachitisoni, kweni mteŵeti winu wakondwenge.

Sumu 15:5

yo ndrama zake kuti wakongoreske chifukwa cha chanduwu cha, ndipo kuti waronde vinda pa munthu wambura mlando cha. Wakuchita ivi kuti wasukuniskikenge cha.

1 ŴaKaronga 22:8

Ndipo karonga ŵaYisraele wanguti kwaku Yehosafati, “Wachalipo munthu yumoza mweniyo tingafumbako gha Ambuya, Mikaya mwana waku Imla; kweni nditumutinkha, pakuti kuti wachimapo ghamampha paku ine cha, kweni ghaheni pe.” Yehosafati wanguti, “Karonga wareke kukamba viyo.”

1 ŴaKaronga 21:20

Ahabu wanguti kwaku Eliya, “Kumbi wandisaniya, wa mphindikwa wangu we?” Wangwamuka, “Ndakusaniya, chifukwa wajiguliska wamweni kuchita mphurupuru mu maso gha Ambuya.

ŴaLevi 25:36

Ungalondangako chanduwu kwake pamwenga cha kukuskiyapo cha, kweni wopanga Chiuta wako; kuti mwana munyako wajenge pamoza nawe.

Machitidu gha Ŵakutumika 28:22

Kweni tikhumba kuvwapo kwako, vyo urunguruka; chifukwa pa pambuku lenili, kuziŵika kwaku ifwe kuti kosekose lisuskika.”

ŴaLevi 25:37

Ungamukongoleskanga ndrama zako pakukhumbapo chanduwu cha, pamwenga kumupaska kurgha kukhumbapo chanduwu.

Sumu 69:4

Wo ŵatinditinkha waka kwambura chifukwa mbanandi ukongwa kwakuruska sisi laku mutu wangu mbanthazi ukongwa wo ŵakhumba kundiparghang'a, wo ŵakamba kwautesi paku vyo ŵaŵiya ŵarwani ŵangu. Wandichitiska kuti ndiwezge vinthu vyo kuti ndinguba cha.

Habakuku 1:3

Mutindirongoriyanji maubendezi, ndi kundiwoneska suzgu? Phasulu ndi nkhaza vye paurongo pangu, mphindanu ndikulimbana viyuka.