Yeremiya 13:9 - Tonga Bible 1986

⁹ “Viyo atiti Ambuya: Viyo so ndimu ndikanangiyanga kujikuzga kwaku Yuda ndi kujikuzga kukuru kwaku Yerusalemu.

Yeremiya 13:9 ပူးပေါင်းရင်းမြစ်များ

Nthanthi 16:18

Kujikuzga kudanjiya paurongo papharghaniku, ndi mtima wakujikuzga paurongo pa kuwa.

Yesaya 16:6

Tavwa gha kujikuzga kwaku Moabu, mwenimo wangujikuzgiya; kujikwezga kwake, kujikuzga kwake, ndi mtafu wake kujithamiya kwake nkhwa utesi.

Yesaya 23:9

Ambuya ŵa maŵanja ndiwo akuchighanaghana ichi, ku fipiska kujikuzga kwa unkhankhu wose, kuyeya ŵakutumbikika ŵa charu chapasi.

Yeremiya 13:8

Sono mazu gha Ambuya ghanguza kwangu;

Yeremiya 25:18

Yerusalemu ndi mizi yose yaku Yuda; ŵakaronga ŵake ndi mafumu ghake, kuŵasanduska phasulu ndi chakunyozeka, chakusekeka ndi chakutembeka, nge ndimo ŵaliri zuŵa lino.

Yeremiya 48:29

Tavwa gha kujikuzga kwaku Moabu ndipo nadi watijikuzga ukongwa, pa kujituntha kwake, kujikuzga kwake, ndi kujitukumuwa kwake, ndi kujikwezga kwamtima wake.

Ezekiele 16:50

Ŵangujitukumuwa, ndi kuchita maunyakazi pa maso pangu; mu chifukwa ichi, po ndinguti ndaviwona ivi, ndinguŵatuzgapo.

Ezekiele 16:56

Kumbi mwana munyako Sodomu asi wanguŵa chakusekeska mu mlomo wako mu zuŵa la kujikuzga kwako,

ŴaLevi 26:19

Nkhabwanganduwanga kujikuzga kwinu kwa nthazi, ndipo nkhasanduskanga mudengwende kuŵa nge nchisulo, ndi charu chapasi nge ndi mkuŵa.

Nahumu 2:2

(Chifukwa Ambuya awezge so kuzirwa kwaku Yakobe nge nkhuzirwa kwaku Yisraele. Chifukwa ŵakuskoŵa ŵaŵapantha ndi kunanga mphanda zawo.)

Zefaniya 3:11

“Mu zuŵa lo kuti ulengeskekenge cha, chifukwa cha nchitu zako zakundigarukiya, chifukwa penipo ndituzgengeko mukati mwako, ŵeniwo ŵakondwa ndi kujikuzga kwako, kuti ŵajithamiyenge so cha mu phiri langu lakupaturika.

Luka 18:14

Ndikuneniyani, wangusikiya uyu wakurunjiskika ku nyumba yake, kwakuruska yuwa; pakuti yose wakujikuzga wayuyulikenge; kweni wakujiyuyuwa wakuzgikenge.”

Yakobe 4:6

Kweni wapaska wezi ukuruku: viyo ŵatiti, “Chiuta wamikirana ndi wakujana, kweni wapaska wezi ku ŵakujiyuyuwa.”

1 Petro 5:5

Mwaŵamanako, kwakulingana, therani ku ŵara. Ndipo mose ku ŵanyinu mujichinyiriye ndi kujiyuyuwa mtima, pakuti, “Chiuta wamikana ndi ŵakujana, kweni wapaska wezi ku ŵakujiyuyuwa.”