Yeremiya 13:22 - Tonga Bible 1986

²² Ndipo asani mukakambanga mu mitima yinu, ‘Chifukwa chine vyatiziya vinthu ivi?’ Nchifukwa cha ukuru wa utimbanizi winu, viketi vinu vya kungunikiya muchanya, ndipo mutuvwa kupwetekeka kukuru.

Yeremiya 13:22 ပူးပေါင်းရင်းမြစ်များ

Yesaya 20:4

viyo ndimu karonga wa Asiriya wakarongozgiyanga ŵaEgipiti ŵaŵanda ndi ŵaEtiopia ŵamkoli, wose ŵampupuka ndi makhongwe, wankhuli ndi marundi ghawaka, ndi matako ghankhuli, pa soni ya Egipiti.

Yesaya 3:17

Ambuya akakosonga ndi vitupatupa, mitu ya ŵanthu ŵaZioni, ndipo Ambuya akaŵajarikanga nkhuli.

Yesaya 47:8

Chifukwa chenichi sono ayivwa ichi, iwe wakwanja vyakukondweska, wakuja waka phe, iwe utiti mu mtima wako, “Ndine, ndipo palivi so munyake pade paku ine; kuti ndikaŵangapo choko cha chingana nkhuziŵa nyifwa za ŵana.”

Yeremiya 13:26

Ine ndamweni ndikakungunuliyanga ku maso viketi vinu, ndipo soni zinu ziwonekenge.

Yeremiya 14:16

Ndipo ŵanthu, kwaku ŵeniwo ŵachimiya, ŵakapong'ekanga kubwalo mu miseu ya Yerusalemu, ŵakubayika ndi chilala ndi lipanga, pakaŵangavi ndi wakuŵaŵika, iwo, ŵawoli ŵawo, ŵana ŵawo ŵanthurumi ndi ŵana ŵawo ŵanthukazi. Pakuti ndikadiranga utimbanizi wawo paku iwo ŵeneko.

Yeremiya 5:19

Ndipo penipo ŵanthu ŵinu ŵakambenge, ‘Chifukwa chine Ambuya Chiuta ŵachita vinthu vyose ivi paku ifwe?’ Muŵaneniyenge iwo, ‘Pakuti mwasiya ine ndipo mwatataliya ŵachiuta ŵachilendo mu charu chinu, viyo mukatataliyanga ŵalendo mu charu chenicho kuti nchinu cha.’ ”

Chitenje 1:8

Yerusalemu wangulakwa ukongwa, chifukwa cho wanguŵa mukazuzi; wose wo ŵamutumbikanga ŵatimunyoza, chifukwa ŵawona nkhuli yake; inya chingana ndiyo mweneko watamantha, ndipo wang'anamukiya chisku chake kutali.

Ezekiele 23:26

Ndipo so ŵakazuwanga vyakuvwaravyako ndikuto vitowelo vyako.

Hoseya 12:8

Efraimu wanguti, “Ehe, nde musambasi, ndajanduliya usambasi”; kweni usambasi wake wose kuti ungaziŵa cha kutozga uheni wo wachita.

Hoseya 2:10

Sono ndimurongonge uheni pa maso gha ŵakumwanja ŵake, ndipo palivi chingana njumoza yo wamutaskenge ku janja langu.

Hoseya 2:3

Vinu ndingamuzuwa saru ndi wangaja nkhuli ndi kumumika nge ndi zuŵa la kawi kake. Ndingamusanduska nge ndi lisuwa, ndi kumusanduska nge ncharu cha chiparamba, ndi kumubaya ndi nyota.

Hoseya 2:5

Chifukwa nyinawo wachita ureŵi; yo wanguŵapapa wachita chilengesku. Chifukwa wanguti, ‘Ndirondonge ŵakundanja, wo ŵandipaska vyakurgha vyangu ndi maji ghagu, weya wangu ndi thonji langu, mafuta ghangu ndi chakumwa changu.’

Nahumu 3:5

Wona, ndimikana nawe, atiti Ambuya ŵa maŵanja, ndi ndituzgengeko chidinkhu pachanya pa chisku chako; ndipo mitundu ya ŵanthu yiwone nkhuli yako ndi mafumu soni zako.

Zefaniya 1:12

Pa nyengo yo ndipenjenge mu Yerusalemu ndi nyali; ndi ndirangenge ŵanthu wose wo ŵafwasa pa visika vyawo, wo mu mitima yawo ŵakamba kuti, ‘Ambuya achitenge chamampha cha, pamwenga kuchita chiheni!’

Marangu 18:21

Pamwenga ukambenge mu mtime wako, ‘Tiziŵenge uli mazu ghenigho Ambuya alivi kughakamba?’

Marangu 7:17

“Asani mwamukuti mu mitima yinu, ‘Mitundu iyi njinandi kwakuruska ifwe, tingaziŵa kuŵadikiska uli?’

Marangu 8:17

Chenjeni vinu mungati mu mtima, ‘Nthazi yangu ndi nthazi ya janja langu vyanditore usambasi uwu.’