Yeremiya 13:14 - Tonga Bible 1986

¹⁴ Ndipo ine ndikaŵabwanyaniskanga uyu ku munyake, ŵauskeu ndi ŵana pamoza, atiti Ambuya. Kuti ndikachitanga chitima pamwenga kuŵareka waka nanga nkhuŵa ndi lisungu nako cha, kuti ndireke kuŵananga.’ ”

Yeremiya 13:14 ပူးပေါင်းရင်းမြစ်များ

2 Mikoka 20:23

Chifukwa ŵaAmoni ndi ŵaMoabu ŵanguyukiya ŵaku phiri Seiri kuŵabaya, ndipo ŵanguti ŵamara ŵaku Seiri ŵangung'anamukiyana ŵija kubayana.

Jobu 27:22

Yitimvungavunga kwambura kumchitiya lisungu, wathaŵa ruŵiruŵi kutuwa ku nthazi ya mphepo.

Sumu 2:9

Uŵausenge ndindodo ya chisulo, ndi kuŵaphwanya tumana tumana nge nchiŵiya cha muwumbi.”

Yesaya 27:11

Zititi zamira mphanda zake, zifyoka, ŵanthukazi ŵatuza kuzachidewa nkhuni za moto. Pakuti yaŵa mbanthu ŵambura kuteska, chifukwa cho wakiŵalenga yo kuti wakaŵanga nawo ndi lisungu cha, mweniyo wanguŵaumba kuti wakaŵarongonga wezi so cha.

Yeremiya 15:5

Njani wakaŵanga ndi lisungu paku iwe, Yerusalemu we, pamwenga njani wakakukhuzanga? Njani wakapatukanga kukufumbani, mulipo uli?

Yeremiya 15:6

Wandikana ine, atiti Ambuya, weche kuwerere vuli; viyo ndatambaluriya janja langu paku iwe ndakupasuwa; ndavuka ndi kugowoka-gowoka.

Yeremiya 16:5

“Pakuti viyo atiti Ambuya: Ungaserenga mu nyumba ya maliro, ungarutanga kwachitenje, pamwenga kuŵachitiya chitima; pakuti ndatuzgako chimangu changu ku ŵanthu yaŵa, atiti Ambuya, chanju changu chizirima ndi lisungu.

Yeremiya 21:7

Pavuli atiti Ambuya, ndikaperekanga Zedekiya karonga waku Yuda, ndi ŵateŵeti ŵake, ndi ŵanthu ŵamu msumba uwu wo ŵakapozomokanga ku chideru, lipanga ndichilala, mu janja laku Nebukadanezara karonga wa Babiloni, ndi mu janja la ŵakupindikana ŵawo, mu janja laku wo ŵapenja kuŵabaya. Ŵakaŵakosonga ndi lipanga; kuti wakaŵafwiyanga lisungu, pamwenga kuŵareka, pamwenga kuŵa ndi chitima cha.’

Yeremiya 25:16

Ŵakamwanga ndi kuzendazenda ndi kuloŵe chifukwa cha lipanga lo ndikatumanga mukati mwawo.”

Yeremiya 47:3

Po chiwawa cha mdinu wa ŵakavalo ŵake ŵanthurumi pa kuchimbiya ndi mankharu kwa magareta ghake, pa chiwawa cha kukunkhuruka kwa mikombelo yake, auskeu kuti ŵalereska kuvuli ku ŵana ŵawo cha; manja ghawo ngakukhwinyatadi,

Yeremiya 48:12

“Chifukwa cho, ehe, mazuŵa ghakazanga, atiti Ambuya, po ndikamutumiyanga ŵakuvunikiriya wo Wazakumuvunikiriya, kukhutuwa viyaŵi vyake, ndi kuswa vipindi vyake tumanatumana.

Yeremiya 6:21

Chifukwa cho atiti Ambuya; ‘Ehe, ndikaŵikanga paurongo pa ŵanthu yaŵa viguŵisku mwaku vyo ŵakaguŵanga: ŵawiskeu ndi ŵana ŵanthurumi pamoza, muzengezgani ndi bwezi ŵakamaranga.’ ”

Chitenje 2:21

Mu fuvu la mu ŵagurwi mwagona ŵaŵisi ndi ŵakukota; ŵamwali ŵangu ndi ŵanyamata ŵangu ŵabayika ndi lipanga; mu zuŵa la ukari winu mwaŵabaya, kubaya kwambura lisungu.

Ezekiele 24:14

Ine Ambuya ndarongoro; kukachitikanga, ndikachichitanga; kuti ndikaweriyanga kuvuli cha, kuti ndikarekeliyanga, pamwenga kugowoka nako so cha, kwakulingana ndi nthowa zako ndi machitidu ghako ndikakweruzganga, atiti Ambuya Chiuta.”

Ezekiele 7:3

Sono umari we paku imwe, ndikatumanga ukari wangu paku imwe, ndikweruzgeninge kwakulingana ndi nthowa zinu; ndikakulanganinga chifukwa cha maunyakazi ghinu ghose.

Ezekiele 7:4

Jiso langu kuti likarekeliyanga cha, nanga nkhuti ndichiti lisungu nako cha; kweni chifukwa cha nthowa zinu ndikakulanganinga, po maukazuzi ghinu ghe mukati mwinu. Po ndipo mukaziŵanga kuti ine ndine Ambuya.

Ezekiele 7:9

Ndipo jiso langu kuti likarekeliyanga, nanga nkhuŵa ndi lisungu cha; ndikakulanganinga kwakulingana ndi nthowa zinu, po maunyakazi ghinu ghe mukati mwinu. Sono mukaziŵanga kuti ine ndine Ambuya, wo apuma.

Ezekiele 8:18

Muchifukwa ichi ndikachitanga mwa ukari; jiso langu kuti likasiyangapo cha, nanga nkhuchita chitima; ndipo nanga ŵaliya mu makutu ghangu ndi kubangura kukuru, kuti ndikaŵavwanga cha.”

Ezekiele 9:10

Ine nane, jiso langu kuti likasiyangako kanthu cha, nanga nkhuti ndiŵi ndi lisungu naku so cha, kweni nkhawezgiyanga nchitu zawo pa muti yawo.”

Ezekiele 9:5

Ndipo kuŵanyake ndinguvwa kuti, “Porotani mu msumba pavuli pake, ndipo mukoso; jiso linu lireke kusiyako, ndipo mureke kurongo lisungu;

Hoseya 2:4

Kuti nkhaŵachitiyanga lisungu chingana mbana ŵake cha, chifukwa mbana ŵa ureŵi.

Zekariya 11:6

Ndipo ŵaliska ŵawo kuti ŵe nazo ndi chitima cha. Ndipo nane ndirekenge kuŵa ndi chitima ndiwo ŵaja mu charu ichi, atiti Ambuya. Nadi ndiperekenge munthu yose mu janja la mliska wake, ndipo yose mu janja la karonga wake; ndipo ŵaphwanyenge charu, ndipo kuti nditaskenge nanga njumoza cha mu janja lawo.”

Mateyu 10:21

Ndipo mbali wapachiyenge mbali ku nyifwa, ndi wiske mwana: ndipo ŵana ŵayukiyenge pa ŵapapi, ndi ŵaŵabayiskenge.

Marko 13:12

Ndipo mbali wapachiyenge mbali ku nyifwa, ndi wiske mwana wake: ndipo ŵana ŵayukiyenga pa ŵapapi; ndipo ŵaŵabayiskenge.

Marangu 29:20

Ambuya kuti angamugowoke cha; kweni ukari wa Ambuya ndi sanji yawo; yiyupukiyenge munthu yo ndi matembo gho ghakulembeka mu buku ili ghakaŵanga paku iyo, ndipo Ambuya akazimwanga zina lake panu pasi.

1 Samuele 14:16

Ŵalonda ŵaku Sauli pa Gibea waku Benjamini pakulereska; ŵanguwona mzinda umbininika uku ndi uku.