Yeremiya 13:11 - Tonga Bible 1986

¹¹ Pakuti nge ndimo lamba likhore mu chiunu cha munthu, viyo ndimundinguchitiya nyumba yaku Yisraele ndi nyumba yaku Yuda kukhore mwaku ine, atiti Ambuya, alinga kuti ŵaŵe ŵanthu, zina, rumbu ndi unkhankhu kwaku ine; kweni kuti ŵangunkhumba kutegherezga cha.

Yeremiya 13:11 ပူးပေါင်းရင်းမြစ်များ

Sumu 135:4

Ambuya akujisankhiya Yakobe, ŵaYisraele kuŵa chihara chawo.

Sumu 147:20

Walivi kuchita ichi ku mitundu yinyake; kuti ŵaziŵa cha malangulu ghake. Rumbani Ambuya!

Sumu 81:11

“Kweni ŵanthu ŵangu kuti ŵangutegherezga kwangu cha; Yisraele kuti wangundivwiya cha.

Yesaya 43:21

ŵanthu ŵeniwo ndingwata chifukwa chaku ndamweni kuti ŵataule rumbu langu.

Yesaya 62:12

Ndipo ŵakadanikanga ŵanthu Ŵakupaturika, Ŵakuwomboleka ŵa Ambuya; ŵanthu ŵakupenjeka, Muzi wambura kusiyika.

Yeremiya 13:1

Ambuya angundinene kuti, “Ruta ukagule lamba labafuta, ukavware mu chiunu chako; ungalitupika mu maji cha.”

Yeremiya 13:10

Ŵanthu ŵaheni yaŵa ŵeniwo ŵakana kuvwa mazu ghangu, wo ŵarondo mu unonono wa mtima wawo ndipo watataliya ŵachiuta ŵanyake, ŵakaŵangauli ndi lamba ili, lo kuti ndamampha ku kanthusocha.

Yeremiya 13:12

“Ukambenge nawo mazu yagha, ‘Viyo atiti Ambuya, Chiuta waku Yisraele, “Chiŵiya chose chikazazikanga ndi vinyo.” ’ Ndipo iwo ŵakatinge ‘Kumbi ifwe kuti tiziŵa cha kuti chiŵiya chose chikazazikanga ndi vinyo?’

Yeremiya 19:15

“Viyo atiti Ambuya ŵa maŵanja Chiuta waku Yisraele, Ehe, ndikatolenga pa msumba uwu ndi pa mizi yose uheni wose weniwo ndapataula paku wo, chifukwa ŵangangamiska khose lawo, ŵakana kuvwa mazu ghangu.”

Yeremiya 32:20

imwe mwarongo visimikizgu ndi vyakuziziswa mu charu cha Egipiti, ndipo mpaka kuno kule mu Yisraele ndi mukati mu ŵanthu wose, ndipo mwakwezga zina linu mpaka msana wale.

Yeremiya 33:9

Ndipo msumba uwu ukaŵanga kwaku ine zina la chimwemwe rumbu ndi unkhankhu paurongo pa mitundu yose ya charu chapasi yeniyo yikavwanga vya umampha wose weniwo ndikaŵachitiyanga iwo; ŵakawopanga ndi kunjenjeme chifukwa cha umampha wose ndi kusakata kose kweniko ndituwupaska.

Yeremiya 6:17

Ndingumika ŵalonda paku imwe, ndi kuti, ‘Phwereni ku kuliya kwa mbata.’ Kweni iwo ŵanguti, ‘Kuti tikaphwerenga cha!’

Yeremiya 7:13

Ndupo sono, chifukwa mwachita vinthu ivi vyose, atiti Ambuya, ndipo penipo ndingukamba namwe kwambura kureka kuti mungutegherezga cha, ndipo penipo ndingumudanani, kuti mungwamuka cha,

Yeremiya 7:23

Kweni langulu lo ndinguŵapaska ndi ili, ‘Muvwiyenge mazu ghangu, ndipo ine ndikaŵanga Chiuta winu, imwe mukaŵanga ŵanthu ŵangu; mwendenge mu nthowa yose yo ndikulanguliyani alinga kukuŵiyeninga umampha.’

Yeremiya 7:24

Kweni kuti ŵanguchita vyo ndinguŵalanguliya pamwenga kundivwiya cha, ŵangwenda mu vipangu vya ŵeneko ndi mu unonono wa mitima yawo yiheni, ndipo ŵanguwere vuli, kuti ŵanguya kunthazi cha.

Yeremiya 7:26

kweni kuti ŵangutegherezga, pamwenga kundivwa cha, ŵangunonopeska mitima yawo. Wangunanga kurutizga pa auskeu.

Amosi 3:1

Vwani mazu yagha Ambuya akamba kususka imwe, mwa ŵanthu ŵaku Yisraele kususka mbumba yose yo ndikutuzga mu charu cha Egipiti:

Luka 10:11

‘Fuvu nalo lamu muzi winu, lakukaniriya kwaku ifwe, tikung'unthiya imwe, ziŵani mbwenu chenichi, kuti waŵandika ufumu waku Chiuta.’

Marangu 26:18

Ndipo Ambuya ataula msana wale gha paku imwe kuti ndimwe ŵanthu ŵapa mtima wawo, uli ndimo akupanganirana namwe, ndi kuti mukasunganga marangu ghawo ghose,

Marangu 26:19

kuti mu kurumba ndi mu mbiri ndi ulemu ŵakamukwezgiyaninga pachanya kuruska mitundu yose yo ŵakulenga, ndi kuti mukaŵanga ŵanthu ŵakupaturikiya Ambuya Chiuta winu, uli ndimo ŵakukambiya.”

Marangu 4:7

Pakuti palivi mtundu ukuru wa ŵanthu wo ŵendi chiuta pafupi nawo, mo Ambuya Chiuta walili pafupi ndi ifwe penipo titumudaniya?

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;