Yeremiya 12:7 - Tonga Bible 1986

⁷ “Ndayireka nyumba yangu, ndaŵapatiya limu ŵanthu ŵangu; ndapereka nkhwanjiwa wa mtima wangu mu manja gha ŵakupindikana ŵake.

Yeremiya 12:7 ပူးပေါင်းရင်းမြစ်များ

2 ŴaKaronga 21:14

Ndipo ndikadikiskanga ŵakujapo wo ŵa ŵanthu ŵangu, ndi kuŵapereka mu janja la ŵakupindikana ŵawo, ŵakaŵanga nyama ndi vyakuskoŵa ku ŵakupindikana ŵawo wose,

Sumu 106:40

Viyo Ambuya angukara ndi khamu lawo, angukwiyiskika nawo;

Sumu 78:62

Wangukalipa ndi ŵanthu ŵapa mtima wake, ndipo wanguŵapereka kuti ŵabayike ndi ŵarwani ŵawo.

Yesaya 2:6

Pakuti imwe mwajowo ŵanthu ŵinu nyumba yaku Yakobe, chifukwa ŵazazika ndi ŵavyanusi ŵakutuwa ku vuma, ndi ŵakuwukwa uli mba ŵa Filisti, ndipo ŵazomerezgana ndi ŵalendo.

Yeremiya 11:15

Nkhwanjiwa wangu wendi mazaza uli mu nyumba yango, penipo iyo wachita nchitu zachilengesku? Kumbi marapu ndi nyama ya mpasku vingaziŵa kutuzgapo soka pinu? Kumbi mungaziŵa kutumbwa penipo?

Yeremiya 14:19

Kumbi mwamukaniya limu Yuda? Kumbi mzimu winu wamutinkha Zioni? Kumbi mwatipumiyanji mwakuti kulivi kuchizgika kwaku ifwe? Tingupenja chimangu, kweni kamampha kakuwoneka cha; nyengo ya kuchizgika, kweni ehe, chofyu.

Yeremiya 17:4

Mukafwatuwangako janja linu ku chihara chinu chenicho ndingumupaskani, ndipo ndikamuchitaninga kutataliya ŵakupindikana ŵinu mu charu chenicho mulivi kuchiziŵa, pakuti mu ukari wangu moto wakozgeka weniwo ukakolenga muyaya.

Yeremiya 22:5

Kweni asani kuti mukaphwerenga mazu yagha cha, ndajirapiska, atiti Ambuya, kuti nyumba iyi yikaŵanga mapopa.

Yeremiya 23:33

“Penipo yumoza waku yaŵa, pamwenga mchimi, pamwenga mzukuru watikufumba, ‘Njine mphingu ya Ambuya?’ Ukatinge kwaku iwo, ‘Mphingu yo ndimwe, ndipo ndikakutayaninga, atiti Ambuya.’

Yeremiya 23:39

chifukwa cho, ehe, kwakuneneska ndikamusoskaninga, ndikukutayani kunyake kutuwapo pa maso pangu, imwe ndi msumba wo, weniwo ndingukupaskani imwe ndi auskemwe.

Yeremiya 51:5

Pakuti Yisraele ndi Yuda kuti ŵajoworeka cha ndi Chiuta wawo, Ambuya ŵa maŵanja, kweni charu cha ŵaKaldiya chazaza ndi kulakwa pa Mtuŵa yumoza waku Yisraele.

Yeremiya 7:14

chifukwa cho ndikachitanga ku nyumba yo yidanika ndi zina langu, ndi mwaku yeniyo imwe mugomezga, ndi ku malo ghenigho ndingukupaskani ndi ku auskemwe, nge ndimo ndinguchitiya ku Shilo.

Yeremiya 7:29

Sengani sisi linu ndi mulitaye; soskani chitenje pa mapiri, gha majarawi, pakuti Ambuya akana ndi ajowo mgonezi, mu ukari wawo.’

Ezekiele 24:21

‘Kamba ku nyumba yaku Yisraele, Viyo atiti Ambuya Chiuta: Ehe, ndikafipiskanga malo ghangu ghakupaturika, kujikuzga kwa mazaza ghamu, likondwa la maso ghinu, ndi linweka la mzimu winu; ndipo ŵana ŵinu ŵanthurumi ndi ŵanthukazi wo mwaŵasiya kuvuli ŵakabayikanga ndi lipanga.

Hoseya 11:1

Po Yisraele wenga mwana ndingumwanja, ndipo ndingumudana mwana wangu kutuwa mu Egipiti.

Hoseya 9:15

Uheni wawo wose wemu Gilgala; kwenikuwa ndiko ndingudanga chaŵatinkha. Chifukwa cha uheni wa milimu yawo, nkhaŵatuzganga mu nyumba yangu. Ndiŵanjenge so cha; mafumu ghawo ghose ghandigaruka.

Yoele 2:15

Mbani mbata mu Zioni; patuwani zuŵa la kufunga kurgha; danani unganu wakupaturika;

Yoele 3:2

ndiunjikenge mitundu yose, ndisikiyenge nayo ku dambo laku Yehoshafati, ndilimbana nayo chifukwa cha, ŵakusankhika ŵangu ŵaYisraele, wo ŵambininiskika mukati mu mitundu, ndi kugaŵana charu changu,

Luka 21:24

Ndipo ŵanyake ŵabayikenge ndi uyi wa lipanga, ndi ŵanyake ŵakorekenge nge mbamagoŵa ku mitundu yose, ndipo Yerusalemu waŵenge wakuphwatika ndi Mitundu, mpaka zifiskikenge nyengu za Mitundu.

Marangu 33:12

Gha paku Benjamini wanguti, “Nkhwanjiwa wa Ambuya, waja mu chimangu pamoza nayo. Watumuzunguliya zuŵa lose ndipo wamujariska pakati pa maphewa ghake.”