Yeremiya 12:6 - Tonga Bible 1986

⁶ Pakuti chingana mbana ŵanyinu ndi mphapu ya auskemwe iwo nawo ŵachita namwe kwakupusika, ŵaliya, kwakufikapo kuliriya imwe; mungavwananga nawo cha, chingana ŵangarongoro namwe mazu ghakunozga.”

Yeremiya 12:6 ပူးပေါင်းရင်းမြစ်များ

Jobu 6:15

Ŵabali ŵangu ŵandinyenga nge nkhamsisi ka maji, nge ndi maji ghakwenda,

Sumu 12:2

Munthu yose wakamba utesi ku mwanasi wake; ndi milomo yauteremusi, ndi mtima wa paŵi ŵakamba.

Sumu 12:3

Ambuya achekete milomo yose yauteremusi, lilime lo lirongoro vikuru vyakujikuzga,

Sumu 69:8

Ndaŵa nge ndi mlendo ku ŵabali ŵangu, nge ngwa mtundu ku ŵana ŵa ama.

Nthanthi 23:8

Ukaukuwanga matozi ghenigho wargha, ndi kusakaza mazu ghako ghakukondweska.

Nthanthi 26:25

Wachikamba kwa wezi, ungavwananga nayo cha, pakuti mwe vyaukazuzi nkhonde ndi viŵi mu mtima wake;

Yesaya 31:4

Pakuti viyo ndimu Ambuya angundinene, Nge ndimo nkharamu pamwenga nkharamu ya mpupuka yikorome pa nyama yake, ndi penipo mpingu wa ŵaliska wadanikiyako kulimbana nayo kuti yitofyerwa ndi kukambura kwawo cha pamwenga kuthaŵa chifukwa cha chiwawa chawo, viyo Ambuya ŵa maŵanja akasikanga kuzachirwa pa phiri Zioni ndi pa kamtunthu kake.

Yeremiya 11:19

Kweni ndenga nge ndi mberere yakuzika yakurongozgeke kukubayika. Ndengavi kuziŵa kuti chenga paku ine ŵangupangirana machitidu gha chiŵembo pa mutu wangu, ŵakuti, “Tiyeni tiphwanye chimuti ndi chipasi chake, tiyeni timudumuweko ku charu cha ŵamoyo, mwakuti zina lake lireke kukumbukika so cha.”

Yeremiya 11:21

Chifukwa cho atiti Ambuya gha pa ŵanthu ŵaku Anatoti, ŵeniwo ŵapenja kukubayani, ndi kuti, “Ungachimanga mu zina la Ambuya cha, vinu tingakubaya.”

Yeremiya 20:10

Pakuti ndituvwa ŵanandi ŵatokotezga. “Mantha ghe mu malo ghose! Musumuweni! Tiyeni timusumuwe!” Ndimu ghakambiya mabwezi ghangu ghose ghakuziŵirizgana nagho, ŵakulindizga kuwa kwangu. “Akhumba wakapusikikanga, penipo ndipo tingaziŵa kumupunda, ndi kumutayiya thayu lidu.”

Yeremiya 9:2

Owe, mphanyi ndinguŵa ndi msasa wa ŵalendo mu bozwa, mwakuti ndingasiya ŵanthu ŵangu ndi kuruta kutuwako kwaku wo! Pakuti wose mbareŵi, mpingu wa ŵanthu ŵa chiŵembo.

Yeremiya 9:3

Ŵapinda malilime ghawu uli ndi uta; mu charu mwazara ndi kupusika, uneneska cha, pakuti ŵarutiriya kutuwa pa uheni kuya pa uheni, ndipo kuti ŵatindiziŵa cha ine, atiti Ambuya.

Yeremiya 9:4

We yose wacheŵe ndi mwanasi wake, wareke kugomezga mu mwana munyake; pakuti mbali yose wasere mu malo gha mwana munyake ndi uchenjezi, ndipo mwanasi we yose ndi mwenda nato.

Yeremiya 9:5

Yose wapusika mwanasi wake, ndipo palivi yumoza wakukamba uneneska; ŵakusambizga lilime lawo kukamba mautesi; ŵachita maulakwi ndipo mbakuvuka ukongwa kuti wang'anamuke mtima.

Mateyu 10:21

Ndipo mbali wapachiyenge mbali ku nyifwa, ndi wiske mwana: ndipo ŵana ŵayukiyenge pa ŵapapi, ndi ŵaŵabayiskenge.

Marko 12:12

Ndipo ŵapenjanga kumko; kweni ŵangopa mzinda wo; chifukwa ŵanguteska kuti wakambiyanga paku iwo ntharika yo; ndipo ŵangumeleka, ŵanguruta.

Yohane 7:5

Chifukwa chingana mbabali ŵake kuti ŵanguvwana mwaku iyo cha.

Machitidu gha Ŵakutumika 16:22

Ndipo mzinda wo unguŵayukiya, ndi ŵeruzgi ŵanguŵaparuliya minjirira yawo ndipo ŵangulangula kuti ŵakwechulike.

Machitidu gha Ŵakutumika 18:12

Ndipo pakuŵa Galio kazembe waku Akhaia, ŵaYuda ndi mtima umoza ŵangumyukiya Paulo, ndipo ŵangumtole ku mphara yakweruzgiyapo,