Yeremiya 12:3 - Tonga Bible 1986

³ Kweni imwe, Ambuya mwe, mutindiziŵa; mutindiwona, ndipo mutesa mzimu wangu paku imwe. Waguguziyeni kubwalo uli ndi mberere zakuya kukubayika, ndipo muŵapatuliye zuŵa la kubayika.

Yeremiya 12:3 ပူးပေါင်းရင်းမြစ်များ

2 ŴaKaronga 20:3

“Kumbukani sono, Ambuya, nditukuŵeyereni mwenimo ndayende paurongo pinu mu ukongorekwa ndi mtima wose, ndipo ndachita cho nchamampha mu maso ghinu!” Ndipo Hezekiya wanguliya kwakuŵaŵa.

1 Mikoka 29:17

Ndiziŵa Chiuta wangu kuti mutesa mtima ndipo mukondwa nako kunyoroka; mu kunyoroka kwa mtima wangu, ndapereka kwinu ivi vyose kwawanangwa ndi mu chimwemwe.

Jobu 23:10

Kweni waziŵa nthowa yo nditendamo; po watindesa, nkhaŵanga nge ndi golide.

Sumu 11:5

Chiuta watesa ŵarunji ndi ŵaheni, ndipo mzimu wake utinkha wakwanja viwawa.

Sumu 139:23

Ndipenjeni, A Chiuta, ndi ziŵani mtima wangu; ndeseni, ndipo bowozgani maghanaghanu ghangu.

Sumu 17:3

Asani imwe mungayesa mtima wangu, asani mungachezga nane ndi usiku, asani mungandipima, kuti mukasaniyangamo uheni cha mwaku ine; mlomo wangu kuti ulakwa cha.

Sumu 26:1

Nderuzgeni, A Chiuta, pakuti ine ndayenda mu ukongorekwa wangu, ndipo ndagomekezga mu Ambuya kwambura kusukunika.

Sumu 7:9

Zomerani kuti uheni wa ŵaheni umare. Kweni imwe zengani ŵakurunjika, imwe mutesa mzimu ndi mitima, ndimwe Chiuta wakurunjika.

Yeremiya 15:15

Ambuya mwe, imwe muziŵa; mundikumbuke ndi muchezge nane, ndipo toleni thayu chifukwa changu pa wakundisuzga. Mukukunthiyapo kwinu rekani kundituzgapo; ziŵani kuti chifukwa chinu ndipinga matozo.

Yeremiya 17:16

Ndirivi kumukakamizgani kutuma chiheni, chingana nkhuti ndanweke zuŵa lasoka cha, imwe muziŵa; vyo vingutuwa mu milomo yangu, vyenga paurongo pa chisku chinu.

Yeremiya 17:18

Ŵalengeskeke ŵeniwo ŵatindisuzga; kweni ine mungandilengeska cha; ŵadiskike nthazi rekani kundidiska nthazi ine. Toleni paku iwo zuŵa liheni muŵaphwanye ndi kuphwanya kwa kaŵi.

Yeremiya 20:12

Ambuya mwe ŵa maŵanja, imwe mutesa ŵarunji, imwe muwona mtima ndi zeru, ndiwoneskeni thayu linu paku iwo, pakuti ndapereka kwinu mlando wangu.

Yeremiya 48:15

Wakuparghang'a Moabu ndi misumba yake waza, ndipo ŵanyamata ŵake ŵakutowa ŵasikiya kukubayika, watiti Karonga, yo zina lake ndi Ambuya ŵa maŵanja.

Yeremiya 50:27

Bayani nkhuzi zake zose, muyi nazo kukubayika. Soka kwaku iwo pakuti zuŵa lawo laza nyengo ya chilangu chawo.

Yeremiya 51:4

Ŵakawanga pasi ŵakubayika mu charu cha ŵaKaldiya, ndi kulasikiya mu miseu yake.

Yohane 21:17

Wanena nayo so kachitatu, “Simoni, mwana waku Yohane kumbi utindanja ine?” Petro wanguvwa chisungu, chifukwa wanena nayo kachitatu yaka, “Utindanja ine?” Wangunena nayo, “Ambuya imwe muziŵa vyose; muziŵa nadi kuti nditanja imwe.” Yesu wamnene, “Liska mberere zangu.

Yakobe 5:5

Mwaja mu charu mu maulakalaka ndi mu malikondwa mwatutuvyiya mitima yinu uli nkhu zuŵa la chibaya.

2 Petro 2:12

Kweni yaŵa, nge ndi vyamoyo vyambura chinjeru, vyakawi vyakupapikiya kwachikoleka ndi kwanangika, pakunanga paku vyenivyo kureka kuziŵa, mu chivuzi chawo ŵanangikenge mbwenu,