Yeremiya 12:11 - Tonga Bible 1986

¹¹ Ŵachisanduska uyiku; nchauyiku, chiliriya ine. Charu chose ŵachisanduska uyiku, kweni palivi munthu yo waphwereko ndi ichi.

Yeremiya 12:11 ပူးပေါင်းရင်းမြစ်များ

Yeremiya 23:10

Pakuti charu chazazika ndi ŵareŵi; chifukwa cha thembo charu chitenje ndipo mauliska gha mubozwa ghamira. Kenderu kawo mbuheni, ndipo nthazi yawo kuti njakurunjika cha.

Yesaya 42:25

Viyo wangudira pake kufunda kwa ukari wake ndi kulimba kwa homwa; kungumupong'a pa moto kwakuzunguliya kweti, kweni kuti wanguwamo cha; ungumocha kweni kuti wanguphwereko cha.

Yeremiya 14:2

“Yuda watenje ndipo malikomo ghake ghayungwanika; ŵanthu ŵake ŵatenjere pasi, ndipo kuliya kwa Yerusalemu kukwere pachanya.

Malaki 2:2

Asani mukarekanga kuvwa, asani mukarekanga kulisunga mu mtima kupereka unkhankhu kwaku ine, atiti Ambuya ŵa maŵanja, nkhatumanga thembo paku imwe, ndipo nditembenge vitumbiku vinu. Inya ndavitemba kali, chifukwa kuti mutilisunga lo mu mtima cha.

Zekariya 7:5

“Kamba ku ŵanthu wose ŵamu charu ndi ku ŵazukuru, kuti, muchifunga ndi kutenje mu mwezi wa chinkhonde, ndi wa chinkhonde ndi chiŵi kwa virimika ivi machumi ghankhonde ndi ghaŵi (70) kumbi mungufungiya ine?

Yeremiya 19:8

Ndipo ndikasanduskanga msumba uwu kuŵa wakofya, chinthu chakunyozeka; yose wakudumuwapo wakazizwanga ndipo wakafyonyanga mufyonyo chifukwa cha masoka ghake.

Yeremiya 10:25

Punguliyani ukari winu pa mitundu yeniyo yireka kumuziŵani imwe, ndi pa ŵanthu wo kuti ŵadana pa zina linu cha, pakuti ŵamuzwanduwa Yakobe; ndi kumurgha, ndipo ŵapopeska charu chake.

Yeremiya 10:22

Avwani lumbiri! Ehe, chituza! Chimtimbaheka chikuru kutuwa ku charu chaku nkhonde, kuzachichita mapopa mizi yaku Yuda, mphanji za ŵakambwe.

Yeremiya 9:11

Ndikachitanga Yerusalemu ndundu, ya vyakunangika, mphanji mwakugona ŵakambwe; ndipo ndikayichitanga mizi yaku Yuda kuŵa mapopa, yambura ŵakujamo.”

Yeremiya 6:8

Uchenjezgeke, Yerusalemu we, vinu ndingatuwako ine kwako; vinu ndingakuchita kuŵa mapopa, charu chambura ŵanthu.”

Yesaya 57:1

Munthu murunji watufwa, ndipo palivi yo waphwereko mu mtima wake; ŵanthu ŵakusopa ŵatoreka, penipo palivi yo wawamo. Pakuti munthu murumji watorekako ku masoka,

Wakutaula 7:2

Nkjwamampha kuruta ku nuumba ya maliro kwakuruska kuruta ku nyumba ya madghera; pakuti uwu mbumari wa ŵanthu wose, ndipo ŵamoyo ŵakachiŵikanga pa mtima.

ŴaRoma 8:22

Chifukwa tiziŵa kuti ulengi wose utamanthiya ndi ulangiya pamoza mpaka ku sono.

ŴaLevi 26:32

Ndipo nkhapasuwanga charu cho, viyo kuti ŵamawongo ŵinu wo ŵajengemo ŵakazizwanga pakuchiwona.

Yeremiya 4:20

Phasulu lindondoloska ndi nthazi pa phasulu, charu chose chapopeskeka. Mahema ghangu ndi saru zangu zakuchinga vyanangika kwamabuchibuchi.

Yeremiya 4:27

Pakuti viyo atiti Ambuya, “Charu chose, chikaŵanga mapopa, kweni kuti ndikamaranga vyose cha.

Yeremiya 4:28

Charu chapasi chikatenjenga chifukwa chaku ivi ndipo kuchanya kukafipanga; pakuti ndakamba, ndasimikizga mtima; ndilivi kugowoka chingana nkhuti ndikawerenga vuli nako so cha.”

Yeremiya 25:11

Charu chose ichi chikaŵanga chakuphwanyika ndi phasulu, ndipo mitundu iyi yikatataliyanga karonga wa Babiloni virimika machumi ghankhonde ndi ghaŵi (70).

Yoele 1:10

Minda yanangika, charu chitenje, chifukwa trigu wanangika, vinyo wakamuka, mafuta ngamana.

Yeremiya 9:9

Kumbi kuti ndikaŵalanganga cha chifukwa cha vinthu ivi? atiti Ambuya; Kuti ndikajitayiyanga thayu cha pa mtundu nge ndi uwu?

Yeremiya 9:10

“Dangani kuliya ndi kwenjerwa chifukwa cha mapiri, tenjeni chifukwa cha mauliska gha mubozwa, chifukwa ghachitika mapopa palivi yo waporotamo, ndipo kubama kwa ng'ombe kuti kuvwika cha; vyose viyuni vya mude ndi nyama za mudondo vyathaŵa kuti viwoneka so cha.