Yeremiya 11:20 - Tonga Bible 1986

²⁰ Kweni, Ambuya mwe, ŵa maŵanja, imwe muteruzga mu urunji; imwe mutesa mtima ndi mzimu; ndiwoneskeni thayu linu paku iwo, pakuti ndapereka kwinu mlando wangu.

Yeremiya 11:20 ပူးပေါင်းရင်းမြစ်များ

Chiyambo 18:25

Chimuŵiyeni kutali kuchita cha viyo, kubaya ŵarunji pamoza ndi ŵaheni, kuti ŵarunji ŵayani ndi ŵaheni! Ichi chimuŵiyeni kutali! Kumbi Mweruzgi wa charu chose kuti wachitenge urunji cha?”

2 ŴaKaronga 19:14

Hezekiya wanguronde kalata ku janja la mathenga gho, wangumuŵerenga, ndipo wangukwere nayo ku nyumba ya Ambuya, ndi wangumudandauliya pauronga pa Ambuya.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

1 Mikoka 29:17

Ndiziŵa Chiuta wangu kuti mutesa mtima ndipo mukondwa nako kunyoroka; mu kunyoroka kwa mtima wangu, ndapereka kwinu ivi vyose kwawanangwa ndi mu chimwemwe.

Jobu 5:8

“Ine ndipenjenge Chiuta, kwaku Chiuta ndiperekenge chifukwa changu;

Sumu 139:23

Ndipenjeni, A Chiuta, ndi ziŵani mtima wangu; ndeseni, ndipo bowozgani maghanaghanu ghangu.

Sumu 35:2

Koni nguru ndi chivekeru, ndiposokani kundovya!

Sumu 43:1

Nderuzgeni, A Chiuta mundikambiye mlando wangu ndi ŵanthu ŵambura kuziŵa Chiuta; ku ŵanthu ŵakupasika ndi ŵakubende nditaskeni!

Sumu 57:1

Ndichitiyeni lisungu, A Chiuta, ndichitiyeni lisungu, pakuti mwaku imwe udingang'a mzimu wangu; mu chiduzi cha mapapiku ghinu ndimo ndidingang'enge, mpaka po vyajumpha vimphunga vya phasulu.

Sumu 58:10

Wakondwenge wakurunjika wachiwona thayu; marwayo ghake wasukengemu ndopa za ŵaheni.

Sumu 7:10

Nguru yangu yendi Chiuta, yo wataska wakutowa mu mtima.

Sumu 7:8

Ambuya ateruzga ŵanthu; nderuzgeni, Ambuya, kwakuyana ndi urunji wangu, ndi kwakuyana ndi ukongorekwa wo we mwaku ine.

Sumu 7:9

Zomerani kuti uheni wa ŵaheni umare. Kweni imwe zengani ŵakurunjika, imwe mutesa mzimu ndi mitima, ndimwe Chiuta wakurunjika.

Sumu 98:9

chifukwa atuza kuzacheruzga charu chapasi. Ŵeruzgenge charu mu urunji, ndi makhamu mu kunyoroka.

Yeremiya 12:1

Murunji ndimwe, Ambuya mwe, po ndidandauliya kwaku imwe; kweni ndikaperekanga makani ghangu paurongo pinu. Chifukwa chine nthowa ya muheni yisakata? Wakupusika chifukwa chine watuŵa wamoyo?

Yeremiya 12:3

Kweni imwe, Ambuya mwe, mutindiziŵa; mutindiwona, ndipo mutesa mzimu wangu paku imwe. Waguguziyeni kubwalo uli ndi mberere zakuya kukubayika, ndipo muŵapatuliye zuŵa la kubayika.

Yeremiya 15:15

Ambuya mwe, imwe muziŵa; mundikumbuke ndi muchezge nane, ndipo toleni thayu chifukwa changu pa wakundisuzga. Mukukunthiyapo kwinu rekani kundituzgapo; ziŵani kuti chifukwa chinu ndipinga matozo.

Yeremiya 17:10

“Ine Ambuya ndipapaska mzimu, nditesa mtima, kupaska ku munthu we yose kwakulingana ndi thowa zake, kwakulingana ndi chipasi cha machitidu ghake.”

Yeremiya 17:18

Ŵalengeskeke ŵeniwo ŵatindisuzga; kweni ine mungandilengeska cha; ŵadiskike nthazi rekani kundidiska nthazi ine. Toleni paku iwo zuŵa liheni muŵaphwanye ndi kuphwanya kwa kaŵi.

Yeremiya 20:12

Ambuya mwe ŵa maŵanja, imwe mutesa ŵarunji, imwe muwona mtima ndi zeru, ndiwoneskeni thayu linu paku iwo, pakuti ndapereka kwinu mlando wangu.

Chitenje 3:58

“Mwandimiriya mlando wangu, Ambuya, mwawombo umoyo wangu.

Chitenje 3:59

Mwawona uheni wo wachitika kwaku ine, Ambuya; Yeruzgani mlando wangu.

Chitenje 3:64

“Muŵawezge iwo, Ambuya, kwakuyana ndi nchitu ya manja ghawo.

Ezekiele 11:5

Ndipo Mzimu wa Ambuya unguza paku ine, ungunena nane, “Kamba, Viyo atiti Ambuya: ndimo mughanaghaniya, owe nyumba yaku Yisraele; pakuti ndiziŵa vinthu vyo vituza mu mtima winu.

Machitidu gha Ŵakutumika 17:31

chifukwa watema zuŵa, mwaku lo wakhasa kweruzgiya charu mu urunji mu munthu yo wamumika; wati wapaska chimbondu kwaku wose pakumyuska ku ŵakufwa.”

ŴaFilipi 4:6

Mungakweŵeke kose cha; kweni mu kanthu kose, mu rombu ndi mu niniziku pamoza ndi kuwonga, mapemphu ghinu ghaziŵikwe kwaku Chiuta.

2 Timote 4:14

Alekezandara msulasapuli yo wangundichitiya viheni vinandi: Mbuya wamwerezgiyenge kwakuyana ndi nchitu zake:

1 Petro 2:23

wachinyozeka iyo, kuti wanyozanga cha; wachikomwa, kuti wafinganga cha, kweni wajiperekanga kwaku mweniyo wateruzga kwaurunji.

Chivumbuzi 18:20

Kondwereni paku iyo, kuchanya ko, ndi imwe mwaŵakupaturika, mwaŵakutumika ndi ŵamchimi; chifukwa Chiuta wamweruzga paku vyo wangumuchitiyani.”

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.

1 Samuele 16:7

Kweni Ambuya anguti kwaku Samuele, “Reka kulereska pa kawonekero kake nanga mphautali wa msinkhu, wake, chifukwa ine nda mukana; pakuti ine kuti ndiwona mo munthu wawone cha; munthu walereska pa kawonekero ka kubwaro, kweni Ine ndilereska mtima.”

1 Samuele 24:15

Ambuya ndiwo aŵe ŵeruzgi, apaske cheruzgu pakati paku ine ndi imwe, awone, andikambiye mlando wangu, anditaske mu janja linu.”