Yeremiya 11:14 - Tonga Bible 1986

¹⁴ “Chifukwa cho reka kuŵarombe ŵanthu yaŵa, kuliya pamwenga kuromba chifukwa chawo, chifukwa kuti ndikategherezganga cha ŵachidana kwaku ine mu nyengo ya suzgu yawo.

Yeremiya 11:14 ပူးပေါင်းရင်းမြစ်များ

Sumu 66:18

Asani ndiŵenge wakuphwere viheni vyangu mukati mu mtima, mphanyi Ambuya kuti angundivwa cha.

Chituwa 32:10

Iku sono undileke kundiŵeyere alinga kuti ukari wangu ukole paku wo kuti ndiŵamale; kweni iwe ndikakuchitanga kuŵa mtundu ukuru.”

Yeremiya 11:11

Chifukwa cho atiti Ambuya, Ehe, ine nditole uheni paku iwo, weniwo kuti angaziŵa kuwuthaŵa cha; chingana ŵangandiliriya, kuti ndikaŵategherezganga cha.

Yeremiya 14:11

Ambuya anguti kwaku ine, “Reka kuromba kuti yaŵa ŵanthu kuŵaŵiye umampha.

Yeremiya 14:12

Chingana ŵangafunga, kuti ndikavwanga kuliya kwawo cha, ndipo chingana ŵangapereka mpasku wakocha ndi mpasku wa ufwa, kuti ndivirondiyenge cha; kweni ndikaŵamaranga ndi lipanga, ndi chilala, ndi chideru.”

Yeremiya 15:1

Sono Ambuya anguti, kwaku ine, “Chingana Mosese ndi Samuele ŵanguma paurongo pangu, kweni ndipuuli mtima wangu kuti watinge ung'anamukiyenge ku ŵanthu yaŵa cha. Ŵatuzgeko ku maso ghangu, ŵarutenge!

Yeremiya 7:16

“Iwe ungaŵarombiyanga cha yaŵa ŵanthu, pamwenga kukwezga kuliya pamwenga rombu chifukwa chawo, ndipo ungandiŵerenga cha, pakuti nditukuvwa cha.

Hoseya 5:6

Ŵarutenge kupenja Ambuya ndi mskambu wa mberere, ndi mpingu wa ng'ombe zawo, kweni kuti aŵasaniyenge cha; apatukako kwaku iwe.

Zekariya 7:13

“Nge ndimo ine ndingukambiya ndipo kuti ŵanguvwa cha, viyo ŵangudanirizga kweni kuti ndinguvwa cha,” atiti Ambuya ŵa maŵanja.

Malaki 2:13

Muzumbwiska jochero la Ambuya ndi masozi, ndi kuliya ndi kutamantha, chifukwa iyo kuti weche so kuphwere cha mpasku pamwenga kuuronde ku manja ghinu ndi ulemu.

1 Yohane 5:16

Asani munthu wangawona mbali wake kuchita chilakwa, chakurata ku nyifwa cha, wakapemphanga, ndipo Chiuta wampaskenge umoyo kweni chifukwa chaku wo ŵalakwiya ku nyifwa cha. Chifukwa chakurata ku nyifwa chiripo: kuti ndikamba kuti wapemphe paku chenicho cha.