Yeremiya 10:22 - Tonga Bible 1986

²² Avwani lumbiri! Ehe, chituza! Chimtimbaheka chikuru kutuwa ku charu chaku nkhonde, kuzachichita mapopa mizi yaku Yuda, mphanji za ŵakambwe.

Yeremiya 10:22 ပူးပေါင်းရင်းမြစ်များ

Yesaya 34:13

Minga yikamenga pa malinga ghake, kabata ndi kuchiwanga mu malo ghake ghakuvikiriya. Mukaŵanga mwakupikiskana ŵakambwe, mwakugona viyuni.

Yeremiya 1:14

Sono Ambuya anguti kwaku ine, “Kutuliya ku nkhonde chiheni chikaziyanga paku wose ŵakuja mu charu.

Yeremiya 1:15

Pakuti, ehe, ndikadananga makhamu ghose gha maufumu ghaku nkhonde, atiti Ambuya; ŵakazanga, ndipo we yose wazamuŵika chitengo chake pakuserere pa malikomo gha Yerusalemu kunyekezga ku malinga ghake kwakuzunguliya kose ndi pa mizi yose yaku Yuda.

Yeremiya 2:15

Nkharamu zamuwurumiya, zamukorome kwakubangula. Zapopeska charu chake; mizi yake njakupasuka, mulivi wakujamo.

Yeremiya 25:9

ehe, ndikadananga mitundu yose yaku nkhonde atiti Ambuya, ndi Nebukadanezara karonga wa Babiloni, mteŵeti wangu, ndikaŵatoliyanga kuzachilimbana ndi charu ichi ndi ŵakujamo ŵake, kulimbana ndi mitundu yose iyi yakuchizingiriya. Ndikaŵamaranga tetete ndi kuŵachita chakofya, cha kusekeka, ndi chakuyeyeka muyaya.

Yeremiya 4:15

Pakuti mazu ghakamba kutuwa ku Dani ghamemeza chiheni kutuwa ku phiri Efraimu.

Yeremiya 4:6

Soskani mbendera kurazga ku Zioni, thaŵani kwachibisama, mungasweranga cha, chifukwa ndituza ndi chiheni kutuliya ku nkhonde ndi phasulu likuru.

Yeremiya 49:33

Hazoro wakasandukanga mwakuja ŵakambwe, malo ghaphasulu muyaya: palivi munthu yo wakajangamo palivi yo wendamugonamo mwake.”

Yeremiya 5:15

“Ehe, ndikatolenga paku iwe mtundu wakutuliya kutali wa nyumba yaku Yisraele, atiti Ambuya. “Uwu ndi mtundu wakukhwima, ndi mtundu wamwaka, mtundu weniwo mazu ghake imwe mulivi kughaziŵa, chingana nkhuti mungawamo cha cho warongoro.

Yeremiya 6:1

Thaŵiyani kwakubisama, mwa ŵanthu ŵaku Benjamini, kuthaŵa mukati mu Yerusalemu! Mbani mbata mu Tekoa, ndipo soskani chiteskeru pa Betehakeremu; pakuti chiheni chituza kutuliya ku nkhonde ndi pharghaniko likuru.

Yeremiya 6:22

Atiti viyo Ambuya: “Ehe, ŵanthu ŵakatuwanga ku charu chaku nkhonde, mtundu ukuru ukatuwanga kutali ukongwa mu charu chapasi.

Yeremiya 9:11

Ndikachitanga Yerusalemu ndundu, ya vyakunangika, mphanji mwakugona ŵakambwe; ndipo ndikayichitanga mizi yaku Yuda kuŵa mapopa, yambura ŵakujamo.”

Chitenje 1:4

Miseu yakuya ku Zioni yitenje, pakuti palivi nanga njumoza wakuza ku madghera ghakutemeka; malikomo ghake ghose ghemu uyiku, ŵazukuru ŵake ŵatamantha; ŵamwali ŵake ŵanguguzikiya kutali, ndipo iwo ŵeneko ŵakomwa kwakuŵaŵa.

Ezekiele 12:19

kamba vya ŵanthu ŵa charu, Viyo atiti Ambuya Chiuta wakuja mu Yerusalemu mu charu cha Yisraele: Ŵakarghanga chiŵande chawondi kufipa mtima, ŵakamwanga maji ndi kuzizwa chifukwa charu chawo chikapururikanga vyose vyo vilimo, pa chifukwa cha viwawa vyaku wose ŵakuja mwenimo.

Malaki 1:3

kweni ndatinkha Esau; ndapasuwa charu chake cha mapiri, ndikusiya chihara chake kuŵa cha ŵakambwe ŵamu mapopa.”