Yeremiya 10:18 - Tonga Bible 1986

¹⁸ Pakuti viyo atiti Ambuya: “Ehe, ndikapong'anga kubwalo ŵakuja mu charu pa nyengo iyi, ndipo ndikatolenga suzgu paku wo, mwakuti ŵayivwe.”

Yeremiya 10:18 ပူးပေါင်းရင်းမြစ်များ

Yesaya 22:17

Ehe, Ambuya akakudikiskanga uheni-uheni, wa munthu we wakulimba. Akakufyekanga ukongwa,

Yeremiya 16:13

Chifukwa cho ndikakudikiskaninga mu charu ichi kuya ku charu chenicho nanga ndimwe nanga mba uskemwe mulivi kuchiziŵa; ndipo kwenikuwa mwamutataliya ŵachiuta ŵanyake msana ndi usiku pakuti kuti ndikamuchitiyaninga umampha cha.’

Yeremiya 22:26

Ndikakudikiskanga iwe ndi anyoko wo ŵangukupapa kuya ku charu chinyake, ko kuti ukupapikiyako cha, kweni wamufwiya kwenikuwa.

Yeremiya 23:20

Ukari wa Ambuya kuti ukawerenga cha, mpaka penipo wakachitanga ndi kufiska vyo maghanaghanu ghawo ghakhumba. Mu mazuŵa gha pavuli mukaŵangamo khwerukhweru.

Ezekiele 6:10

Sono ŵakaziŵanga kuti ine ndine Ambuya; kuti ndikamba ŵaka cha kuti ndikaŵachitiyanga uheni uwu.”

Zefaniya 1:17

Ndiŵaziyenge ŵanthu ndi suzgu, mwakuti ŵendenge nge mbachiburumutiya, chifukwa ŵanangiya Ambuya; ndopa zawo zipungulikenge nge ndi fuvu, ndi munofu wawo nge ndi mtawi.

Zekariya 1:6

Kweni mazu ghangu ndi marangu ghangu gho ndingulanguliya ŵateŵeti ŵangu ŵamchimi, kuti ghanguŵasaniya cha auskemwe? Viyo ŵanguwe ŵanguti, Nge ndimo Ambuya ŵa maŵanja angughanaghaniya kuchitiya ifwe chifukwa cha nthowa zidu ndi nchitu zidu, viyo ndimo achitiya nafwe.”

Marangu 28:52

Ŵakamuzinganinga mu mizi yinu yose, mpaka malinga ghinu ghakukho gho ghawe pasi mu charu chinu chose; ndipo ŵakamuzingiyaninga mu mizi yinu yose yamu charu chinu, chenicho Ambuya Chiuta winu wakupaskani.

1 Samuele 25:29

Asani ŵanthu ŵasokenge kurondo ndi kupenja umoyo winu, umoyo wa mbuyangu umangikenge mu mtolo wa ŵamoyo mukuphwerereka ndi Ambuya Chiuta winu; ndipo maumoyo gha ŵarwani ŵinu aghapong'enge ku bwalo ulaka ghatuwa mu chakupong'e mya.