Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yeremiya 10:16 - Tonga Bible 1986

16 Wa chigawa chaku Yakobe kuti wakozgana ndi yaŵa cha, pakuti ndiyo wangwata vinthu vyose, ndipo Yisraele ndi khamu lake lakusankhika; Ambuya ŵamaŵanja ndilo zina lawo.

အခန်းကိုကြည့်ပါ။ ကော်ပီ




Yeremiya 10:16
28 ပူးပေါင်းရင်းမြစ်များ  

Ndimwe pe ndikhumba, Ambuya; ndipangana kuvwiya marangu ghinu.


Ambuya akujisankhiya Yakobe, ŵaYisraele kuŵa chihara chawo.


Ambuya, ndiliriya kwaku imwe; Ambuya, imwe, mwe chakudingang'amo changu; phande langu mu charu cha ŵamoyo.


Pa mazu gha Ambuya machanya ghanguchitika, ndipo ndi mvuchi wa mlomo wawo maliŵanja ghake ghose ghanguŵapo.


Mtima wangu ndi liŵavu langu vingagongowa, kweni Chiuta ndi nthazi yangu; ndiyo pe yo ndikhumba muyaya!


Kumbukani mpingu winu, wo mukugula mwaka, ŵanthu wo mukuwombo kuŵa khamu laku mwaŵeni. Kumbukani phiri la Zioni, mo mwajanga!


Viyo sono, asani mukavwiyanga mazu ghangu ndi kusunga phanganu langu, mukaŵanga ŵanthu ŵa pa mtima wangu mukati mu mitundu yose; pakuti charu chose chapasi nchangu;


Ndipo wanguti, “Asani sono ndasaniya wezi mu maso ghinu Ambuya mwe, iku nditukupemphani Ambuya, muŵe mukati mwidu, chingana te ŵanthu ŵa mtima unonono; ndi mugowoke ulakwi widu, ndipo mutito kuŵa ŵanthu ŵinu.”


Ambuya ŵakuchita vinthu vyose ndikafukwa kake, chingana ngwa mphulupulu chifukwa cha zuŵa la suzgu.


ŵeniwo Ambuya ŵa maŵanja atumbika, kuti, “Watumbikike Egipiti ŵanthu ŵangu, ndi Asiriya nchitu za manja ghangu, ndi Yisraele mweniyo ndamusankha.”


Ndiumba ukweru ndi kulenga mdima, ndiŵika umampha ndilenga soka, ndine Ambuya mweniyo wachita vinthu ivi vyose.


Muwombozi widu Ambuya ŵa maŵanja ndilu zina lake ndiyo Mtuŵa Yumoza waku Yisraele.


Ndingukaripa ndi ŵanthu ŵangu wo ndinguŵasankha, ndi ndinguŵakazuzga. Ndinguŵapereka mu janja linu, kuti munguŵarongo lisungu cha; pa makhongwe munguŵikapo goŵa lizitu kwakurutiriya.


Pakuti ndine Ambuya Chiuta winu, yo wayuska nyanja viyo kuti mayigha ghake ghauruma Ambuya ŵa maŵanja ndilo zina lawo.


Pakuti Mlengi wako ndi murumi wako, Ambuya ŵa maŵanja ndilo zina lawo; ndipo Mtuŵa Yumoza waku Yisraele ndiyo Muwombozi wako, Chiuta wa charu chose chapasi ndimu wadanikiya.


Iyo ndiyo wangulenga charu ndi nthazi yake, mweniyo wakujarika charu mu vinjeru vyeke, ndipo ndi kuwamo kwake wangutambaruwa machanya.


Kulivi nanga njumoza wakukozgana namwe, Ambuya mwe; mwe ŵakuru, ndipo zina linu nda nthazi ukongwa.


Viyo atiti Ambuya, wo apereka lumwi kungweruska ndi msana ndi kulanguliya mwezi ndi nyenyezi kwambura kusintha kungweruska ndi usiku, ŵeniwo ayuska nyanja viyo kuti mayigha ghake ghauruma, Ambuya ŵa maŵanja ndilo zina lawo:


Imwe murongo chanju chinu chikuru ku vikwi vya ŵanthu, kweni musiskiya kulakwa kwa auskeu pa ŵana ŵawo, imwe chiuta mukuru ndi wakulimba, mwa ŵenimwe zina linu ndimwe Ambuya ŵa maŵanja,


“Viyo atiti Ambuya ŵeniwo angulenga charu chapasi, ndi kuchisunga, Ambuya ndi zina lawo:


“Ndichiŵa wamoyo, watiti Karonga, yo zina lake ndi Ambuya ŵa maŵanja, uli ndi Taboro mu mapiri ndi uli ndi Karmele, mu mphepete mwa nyanja, ndimo wakazanga.


Muwombozi wawo ngwa nthazi; Ambuya ŵa maŵanga ndilo zina lawo. Kwauneneska waŵakambiyenge mlando wawo, alinga kuti wapaske kupumuwa ku charu chapasi, kweni chivurupi ku ŵakuja mu Babiloni.


Mweniyo nchigaŵa chaku Yakobe kuti wayana ndi ivi cha pakuti ndiyo wangulenga vinthu vyose, ndipo Yisraele ndi khamu lake lakusankhika; Ambuya ŵa maŵanja ndilo zina lawo.


Mtima wangu utiti, “Ambuya nchigaŵa changu, chifukwa cho ndigomekezgenge mwaku iwo.”


Chifukwa ehe, iyo wakuwumba mapiri, watata mphepo; ndi kukamba ku munthu gho ndi maghano-ghano ghake; yo wachita mlenji kuŵa mdima, ndi kukanda pa utali wa charu chapasi Ambuya Chiuta wa maŵanja, ndilo zina lake!


Ndipo Ambuya asankhenge Yuda nge ndi phande lawo mu charu chakupaturika cho, ndipo asankhenge so Yerusalemu.”


Pakuti chigaŵa cha Ambuya mbanthu ŵawo, Yakobe ndi chigaŵa Chake chakupaskika.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ