Yeremiya 1:9 - Tonga Bible 1986

⁹ Sono Ambuya angutambaruwa janja lawo ndi angukwaska mlomo wangu, ndipo anguti kwaku ine, “Ehe ndaŵika mazu ghangu mu mlomo wako.

Yeremiya 1:9 ပူးပေါင်းရင်းမြစ်များ

Yesaya 49:2

Anguchita mlomo wangu uli ndi lipanga lakuthwa, angundichita mu chiduzi cha janja lawo; angundichita muvwi wakunoleka, angudibisa mu phodo lawo.

Yesaya 50:4

Ambuya Chiuta andipaska ine lilime laku wo ŵasambizga, alinga kuti ndiziŵenge kumusangaruska ndi mazu yo ngwakuvuka. Mlenji ndi mlenji wayuska gutu langu kuvwa uli ndi wo ŵasambizgika.

Yesaya 51:16

Ndipo ndaŵika mazu ghangu mu mlomo winu, ndakubisa mu chiduzi cha janja langu, nditambaruwa machanya ndi kutandika viŵanja vya charu chapasi, ndipo ndititi kwaku Zioni, ‘Mwe ŵanthu ŵangu.’ ”

Yesaya 59:21

“Kweni nge nkhwaku ine, ili ndi phanganu langu ndi iwo, atiti Ambuya: mzimu wangu wo we paku iwe, ndi mazu ghangu gho ndaŵika mu mlomo wako, kuti ghakatuwangamo cha mu mlomo wako, pamwenga kutuwamo mu mlomo wa ŵana ŵako, pamwenga mu mlomo wa ŵana ŵa ŵana ŵako, atiti Ambuya, kwamba kunu ku sono, kurutiliya ku nthazi ndi mpaka ku muyaya.”

Yeremiya 15:19

Chifukwa cho atiti Ambuya: “Asani uwengeko, ndikakuwerezgiyangamo ndipo ukamanga paurongo pangu. Asani ukakambanga cho nchakuzirwa, ndi cho nchawaka cha, ukaŵanga uli ndi mlomo wangu! Ŵakawerenga kwaku iwe, kweni iwe kuti ukawerenga kwaku iwo cha.

Yeremiya 34:6

Sono Yeremiya mchimi wangukamba mazu yagha ghose kwaku Zedekiya karonga waku Yuda, mu Yerusalemu,

Yeremiya 36:2

“Uto mapepala ghakuzinga ndipo ulembepo mazu ghose ghenigho ndarongora nawe ghakumikana ndi Yisraele ndi Yuda ndi mitundu yose, kwamba zuŵa lo ndingurongoro nawe, kwamba ku mazuŵa ghaku Josiya mpaka msana wale.

Yeremiya 5:14

Chifukwa chenichi atiti Ambuya, Chiuta wa maŵanja: “Chifukwa ŵakamba mazu yagha, ehe, nditighachita mazu ghangu mu mlomo wako kuŵa moto, ndipo ŵanthu yaŵa ŵakaŵanga nkhuni, ndipo moto ukaŵabayanga.

Ezekiele 3:10

Ndipo so wangunena nane, “Mwana wa munthu, mazu ghangu ghose gho ndikakambanga nawe ugharonde mu mtima wako, ughavwe mu makutu ghako.

Danyele 10:10

Ndipo janja lingundikwaska ndi lingundijarika wakumbwambwantha muvikufi vyangu ndi mu makongono ghangu.

Danyele 10:16

Ndipo ehe, yumoza wakukozgana ndi mawonekedu gha ŵana ŵa ŵanthu wangukwaska mlomo wangu, ndingukamba ndinguti kwaku yo wanguma paurongo pangu, “Mbuya wangu, chifukwa cha chiwona, maurwirwi ghandiziya, ndipo nthazi zandimariya.

Maŵerengedu 23:5

Ndipo Ambuya angunena ndi Balamu, kuti, “Were kwaku Balaki, yagha ndighu ukakambi.”

Mateyu 10:19

Kweni penipo ŵamukumweruzgani, mungakweŵeka ndi mo mungakambiya pamwenga cho murongoronge cha, chifukwa kupaskikenge kwaku imwe mu ora lenilo chenicho murongoronge.

Marko 7:33

Ndipo pakumto payija ku ubende wanguŵika minwiyake mu makutu ghake, ndipo pakufunyamata wangukwaska lilime lake,

Luka 12:12

chifukwa Mzimu Wakupaturika warunguchizgenge imwe mu ora leniliya vyo mutenere kukamba.”

Luka 21:15

chifukwa ine ndimpaskeninge mlomo ndi zeru, yeniyo zose mphindikwa zinu kuti ziziŵenge cha kwamukako chingana nkhumikirana namwe.

Marangu 18:16

Chiuta wakatumanga mchimi chifukwa mungunweke Ambuya Chiuta winu pa Horebe pa zuŵa liya la ungano, penipo mungukamba kuti, ‘Ndireke kuvwa so mazu gha Ambuya Chiuta wangu, pamwenga kuwona so moto uwu ukuru, vinu ndingafwa.’

Marangu 18:17

Ndipo Ambuya anguti kwaku ine, ‘Ŵarunjika kukamba vyose vyenivyo ŵakamba.

Marangu 18:18

Ndikaŵayuskiyanga mchimi uli ndiwe kutuwamu ŵabali ŵawo; ndipo ndikaŵikanga mazu ghangu mu mlomo wake, ndipo wakakambanga nawo vyose vyenivyo ine ndamulanguliya.