Yeremiya 1:7 - Tonga Bible 1986

⁷ Kweni Ambuya anguti kwaku ine, “Reka kukamba kuti, ‘Nde mwanamana’; pakuti kwaku wose wo ndikutumengeko ukarutanga, ndipo chose cho ndilanguliyenge iwe ukachikambanga.

Yeremiya 1:7 ပူးပေါင်းရင်းမြစ်များ

1 ŴaKaronga 22:14

Kweni Mikaya wanguti, “Po ajaliya amoyo Ambuya, chenicho Ambuya atindinene, ndicho ndikakambanga.”

1 ŴaKaronga 3:7

Ndipo sono, Ambuya Chiuta wangu, mwamuchita muŵanda winu kuŵa karonga mu malo ghaku Davidi ada, chingana nde mwana mumana; kuti ndiziŵa cha pakutuwa ndi pakusere.

2 Mikoka 18:13

Kweni Mikaya wanguti, “Nge ndimo Chiuta walili wamoyo, cho Chiuta wangu warongoro ndicho ndikambenge.”

Chituwa 6:29

Ambuya anguti kwaku Mosese, “Ndine Ambuya: umunene Farao karonga wa Egipiti vyose vyenivyo ndikamba nawe.”

Yeremiya 26:2

“Viyo atiti Ambuya: Ume mu bwalo la nyumba ya Ambuya, ndipo urongoro ku misumba yaku Yuda yeniyo yituza kwachisopa mu nyumba ya Ambuya mazu ghose gho ndakulanguliya kwachirongoro nawo; ungasiyangako nanga ngamoza cha.

Yeremiya 43:1

Yeremiya wanguti wamara kurongoro ku ŵanthu wose mazu yagha ghose gha Ambuya Chiuta wawo, gho Ambuya Chiuta wawo wangumutuma kukamba kwaku iwo,

Yeremiya 7:27

“Viyo ukambe nawo vinthu vyose ivi, kweni kuti ŵakakutegherezganga cha. Ukaŵadananga, kweni kuti ŵakakwamukanga cha.

Ezekiele 2:7

Mazu ghangu ndigho ukambenge kwaku iwo, manyi ŵatuvwa pamwenga ŵakana kuvwa, pakuti ndiwo nyumba ya chigaruka.

Ezekiele 3:27

Kweni pakurongoro nawe, ndikajuranga mlomo wako, ndipo ukambenge nawo, ‘Viyo atiti Ambuya,’ yo wakavwanga, wavwe; ndipo yo wakakananga kuvwa, wakane; chifukwa mba nyumba ya chigaruka.

Amosi 7:15

ndipo Ambuya angundidana kutuwa ku uliska wangu wa mskambu, ndi anguti kwaku ine, ‘Ruta, ukachimi ku ŵanthu ŵangu ŵaYisraele!’

Yona 3:2

“Soka, ruta ku Nineve, msumba ukuru uwa, ndipo uwutauliye uthenga wo ine ndikupangizgenge.”

Maŵerengedu 22:20

Ndipo Chiuta wanguza kwaku Balamu ndi usiku wanguti kwaku iyo, “Asani ŵanthurumi yaŵa ŵaziya kwazikudana soka, rutanga nawo; kweni chenicho ine ndikakambanga nawe, ndicho ukachitanga.”

Maŵerengedu 22:38

Balamu wanguti, “Awona, ndaza kwako! Kumbi sono ndendi mazaza kukamba so kanthu? Mazu gho Chiuta wandipangizga, ndigho nditenere kukamba.”

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

Machitidu gha Ŵakutumika 20:27

Chifukwa kuti ndingusisiya cha kukutauliyani fundu yose yo yaku Chiuta.