Yeremiya 1:5 - Tonga Bible 1986

⁵ “Ndenga ndindakupange mu chibali ndingukuziŵa kale, ndipo wenga undapapike ndingukupatuwa kale; ndingukusankha kuŵa mchimi ku mitundu.”

Yeremiya 1:5 ပူးပေါင်းရင်းမြစ်များ

Sumu 139:15

munguwona viwanga vyangu vichiwumbika, penipo ndalengekanga mwakubisika, ndi kurungika kwakuziziswa mu ndimba ya charu chapasi.

Sumu 139:16

Maso ghinu ghanguwona, viduswa vyangu vyose vikulembeka mu buku linu, mazuŵa ghakuti virungike po pengavi nanga nkhamoza kaku vyo.

Chituwa 33:12

Mosese wanguti ku Ambuya, “Awonani, mutiti kwaku ine, ‘Kwezga ŵanthu yaŵa’; kweni mulivi kundiziŵiska njani mweniyo mukanditumiyanga nane pamoza. Kweni mwakamba kuti, ‘Nditukuziŵa ndi zina, ndipo iwe so wasaniya wezi mu maso ghangu.’

Chituwa 33:17

Ndipo Ambuya anguti kwaku Mosese. “Chinthu ichi warongoro, nditukuziŵa zina lako.”

Yesaya 44:2

Viyo atiti Ambuya wo angukupanga, wo angukuumba kutuwa ku chibali ndipo akakovyanga: Ungopanga cha Yakobe, mteŵeti wangu, Yeshuruni yo ndasankha.

Yesaya 49:1

Tegherezgani kwangu, mwavyaru vya malikumba, tegherezgani mwa ŵanthu ŵa kutali. Ambuya angundidana kutuliya ku chibali, kutuliya mu liŵavu la ama ŵangudana zina langu.

Yesaya 49:5

Ndipo sono Ambuya atiti, wo angundilenga kutuwa ku chibari kuŵa mteŵeti wawo, kuwezge Yakobe kwaku iwo, ndikuti Yisraele waungane kwaku iwo, pakuti ndatumbikika mu maso gha Ambuya, ndipo Chiuta wangu waŵa nthazi yangu.

Yeremiya 1:10

Wona ndakumika iwe msana wale pa mitundu ndi pa maufumu, kupontho ndi kuswiya pasi, kubwanganduwa ndi kuthereska, kuzenga ndi kupanda.”

Yeremiya 1:4

Sono mazu gha Ambuya ghanguza kwaku ine kuti,

Yeremiya 20:15

Watembeke munthu yo wanguza ndi uthenga ku ada, wakuti, “Mwana munthurumi wakuwiyani imwe,” kuŵakondweska ukongwa.

Yeremiya 25:13

Ndikatoliyanga pa charu chiya vyose vyo ndikurongoro paku cho, vyose vyakulembeka mu buku ili, vyenivyo Yeremiya wakuchimiya pa mitundu yose.

Yeremiya 36:2

“Uto mapepala ghakuzinga ndipo ulembepo mazu ghose ghenigho ndarongora nawe ghakumikana ndi Yisraele ndi Yuda ndi mitundu yose, kwamba zuŵa lo ndingurongoro nawe, kwamba ku mazuŵa ghaku Josiya mpaka msana wale.

Yeremiya 50:34

Muwombozi wawo ngwa nthazi; Ambuya ŵa maŵanga ndilo zina lawo. Kwauneneska waŵakambiyenge mlando wawo, alinga kuti wapaske kupumuwa ku charu chapasi, kweni chivurupi ku ŵakuja mu Babiloni.

Luka 1:15

Pakuti waŵenge mura pa maso gha Ambuya: ndipo vinyo ndi chikumwa chikari wangamwanga cha; ndipo wazazikenge ndi Mzimu Wakupaturika, kutuwa mu nthombo ya nyina.

Luka 1:41

Ndipo kunguŵa, po wanguvwa Elizabeti yo tauzgo laku Mariya, kana kangutundumuka mu chibali chake; ndipo wanguzizika Elizabeti ndi Mzimu Wakupaturika;

Luka 1:76

Nawe so, wamwana, udanikenge mchimi wa wamdengwendi: chifukwa udanjiriyenge paurongo pa chisku cha Mbuya, kwachirongoso nthowa zake;

Yohane 10:36

Nge mkhwaku ine, Ada akundisankha ndi kundituma mu charu. Na mukamba uli imwe kuti, ‘Ndituka Chiuta’ pakuti ndinguti, ‘Ndine Mwana waku Chiuta’?

ŴaRoma 1:1

Kalata wakutuwa kwaku Paulo, mteŵeti waku Yesu Kristu, wakutumika wakusankhika ndi wakudanika ndi Chiuta kwachisambizga uthenga wamampha waku Chiuta:

ŴaRoma 8:29

Pakuti ŵeniwo wanguŵaziŵiya limu, wanguŵateme limu wo kuyana ndi chikozgu cha Mwana wake, kuti waŵe iyo muku wawo wa ŵabali ŵanandi;

1 ŴaKorinte 8:3

Kweni asani yumoza watumwanja Chiuta, mweniyo waziŵikwa ndi iyo.

ŴaEfeso 1:22

ndipo vyose wanguthereske kusi ku marwayo ghake, ndipo wangupaska iyo kuŵa Mutu pachanya paku vyose ku eklesiya lo,