Yeremiya 1:18 - Tonga Bible 1986

¹⁸ Ndipo ehe, ine msana wale ndikuchita iwe kuŵa nge ndi muzi wa malinga, mzati wa chisulu, ndi malinga gha mkuŵa kulimbana ndi charu chose ndi ŵakaronga ŵaku Yuda, ndi mafumu ghake, ŵazukuru ŵake, ndi ŵanthu ŵamu charu cho.

Yeremiya 1:18 ပူးပေါင်းရင်းမြစ်များ

Yesaya 50:7

Pakuti Ambuya Chiuta atindovya; chifukwa chenichi kuti ndatimbanizgika cha; chifukwa cho ndamika chisku changu uli ndi mwa, ndipo ndiziŵa kuti, kuti ndikalengeskekanga cha;

Yeremiya 1:17

Kweni iwe ujichinyiye mu chiunu chako; soka, ukaŵanene che chose cho ndikulanguliyenge iwe. Ungawopanga iwo cha vinu ndingakuwopeska paurongo pawo.

Yeremiya 1:19

Ŵakarwananga nawe kweni kuti ŵakakupundanga cha pakuti ine nde nawe pamoza kukupozomoska,” atiti Ambuya.

Yeremiya 15:10

Soka ndangu, ama pakuti mungundipapa, ndamunthu wa suskano ndi wakulimbana ndi charu chose! Ndilivi kukongoleska, chingana nkhuti ndikongole ine, kweni wose ŵatinditemba.

Yeremiya 15:20

Ndipo kwaku yaŵa ŵanthu ndikakulimbiskanga nge ndi linga la mkuŵa; ŵakarwananga nawe, kweni kuti ŵakakupundanga cha, pakuti ine nde nawe pamoza, kukutaska ndi kukupozomoska, atiti Ambuya.

Yeremiya 20:11

Kweni Ambuya ŵe nane uli ndi wankhondo wakofya; chifukwa cho ŵakundisuzga ŵakaguŵanga, kuti ŵakandipundanga cha. Ŵakalengeskekanga weniukongwa, chifukwa kuti ŵakachitangapo kanthu cha, kuyuyulika kwawo kwa muyaya kuti kukaruwikanga cha.

Yeremiya 21:4

“Mukakambe viyo kwaku Zedekiya, ‘Viyo atiti Ambuya, Chiuta waku Yisraele: Ehe, ndikawezgiyanga vuli vidya vya nkhondo vyo vye mu manja ghinu, vyenivyo imwe murwiya navyo pa karonga wa Babiloni ndi pa ŵaKaldiya wo ŵakuzingani kubwalo ku malinga; ndipo ndikaŵawunjikanga wose mukati mu msumba uwu.

Yeremiya 26:24

Kweni janja laku Ahikamu mwana waku Shafani lenga ndi Yeremiya viyo kuti wengavi kuperekeka ku ŵanthu kuti wabayike.

Yeremiya 34:3

Kuti ukapozomokanga cha ku janja lake, kweni nadi ukakolekanga ndi kuperekeka mu janja lake; ukamuwonanga karonga wa Babiloni maso ndi maso ndi kurongoro nayo mlomo ndi mlomo; ndipo ukarutanga ku Babiloni.’

Yeremiya 37:7

“Viyo atiti Ambuya, Chiuta waku Yisraele: Viyo ndimo ukakambiye karonga waku Yuda yo wakutuma kwaku ine kuzachifumba kwaku ine, ‘Ehe, nkhondo yaku Farao yo yinguza kwazachikuwovya ye pafupi kuwere ku Egipiti, ku charu chawo.

Yeremiya 38:18

Kweni asani ukarekanga kuthera ku ŵaraŵara ŵa karonga wa Babiloni, po ndipo msumba uwu ukapaskikanga mu janja la ŵaKaldiya, ŵakawochanga ndi moto, iwe nawe kuti ukapozomokangako cha ku janja lawo.”

Yeremiya 38:2

“Viyo atiti Ambuya, Yo wakajanga mu msumba uwu wakabayikanga ndi lipanga, chilala, ndi chideru; kweni mweniyo wakarutanga ku ŵaKaldiya wakajanga wamoyo; wakajanga ndi umoyo wake nge ndi mphoto ya nkhondo ndi kuja wamoyo.

Yeremiya 42:22

Sono chifukwa cho ziŵiskani kuti mukafwanga ndi lipanga, ndi chilala, ndi chideru mu malo ghenigho munweka kwachijamo.”

Yeremiya 6:27

“Ndakuchita iwe kuŵa wakwesa ndi wakulaŵa mukati mu ŵanthu ŵangu alinga kuti uziŵenge ndi kwesa nthowa zawo.

Yohane 1:42

Wangumtole kwaku Yesu, wati wamthoŵa Yesu wanguti, “Ndiwe Simoni, mwana waku Yohane: iwe udanikenge Kefa” (cho ching'anamuwa Petro).

Chivumbuzi 3:12

Yo wapunda nkhamuchitanga mzati mu kasopi waku Chiuta wangu, ndipo kuti wakatuwangamo so cha; ndipo nkhalembanga pake zina laku Chiuta wangu, ndi zina lamsumba waku Chiuta wangu, Yerusalemu mufya, yo wasika kutuwa kuchanya kwaku Chiuta wangu, ndi zina langu lifya.