Yeremiya 1:16 - Tonga Bible 1986

¹⁶ Ndipo ndikakambanga vyeruzgu vyango pako wo, pa mauheni ghawo ghose pakundireka ine; ŵawoche vya chema ŵa chiuta ŵanyake ndipo ŵasopa nchitu za manja gha ŵeneko.

Yeremiya 1:16 ပူးပေါင်းရင်းမြစ်များ

2 ŴaKaronga 22:17

Chifukwa ŵandijowo ine ndikuwoche vya chema kuŵachiuta ŵanyake, mwakuti ŵandisosomole ine ku ukari ndi nchitu zose za manja ghawo, chifukwa cho ukari wangu ukakolenga pa malo yagha, ndipo kuti ukazimwikanga cha.

2 Mikoka 15:2

ndipo wanguruta kwa chikumana ndi Asa, ndipo wanguti kwaku iyo, “Mundivwe Asa ndi Yuda yose ndi Benjamini: Ambuya ŵe namwe penipo mweche nawo, Asani mutumpenja mumusaniyenge, kweni asani mutumjowo nayo wamjowoninga.

2 Mikoka 28:2

kweni wangwenda mu zinthowa za ŵakaronga ŵaku Yisraele. Wangupangiya Bala ŵangoza ŵakusongono;

2 Mikoka 34:25

Chifukwa ŵandijowo ine, ndi kocha vya chema ku ŵachiuta ŵanyake kundisosomoleine ku kandundu ndi nchitu zose zo maja ghawo, pa chifukwa ichi kandundu kangu kapungulikiyenge pa malo yagha ndipo kuti kazimwikenge cha.

2 Mikoka 7:19

Kweni asani urazga kunyake, kureka vipangizgu vyangu ndi marangu ghangu vyo ndaŵika paurongo pako, ndi kuruta kwa chiteŵete ŵachiuta ŵanyake ndi kuŵasopa iwo,

Yesaya 2:8

Charu chawo chazaza ŵangoza, ŵaŵeramiya pasi mitu yawo kunchitu za manja ghawo, kwaku cho minwe yaŵeneko yachita.

Yesaya 37:19

ndipo ŵapong'a pa moto ŵachiuta ŵawo; pakuti kuti ŵenga ŵachiutadi cha, kweni ndi nchitu ya manja gha ŵanthu miti ndi mya; chifukwa chenichi ŵakuphwanyika.

Yesaya 44:15

Pavuli utumuŵiya munthu nkhuni, watopo maka ghanyake watotha, wapemba moto ndi watocha chiŵande, ndipo so wapanga chiuta ndi watimusopa, watichichita kuŵa changoza ndi watichilambiya.

Yesaya 65:3

ŵanthu wo ŵatindisosomo ku maso ghangu kwamkiyakiya, ŵakusaska chisopo mu minda ŵakocha vyachema pa nchelwa;

Yeremiya 10:15

Mbaŵakaŵaka, ndi nchitu yakufuvya; panyengo ya kulangika kwawo ŵakamaranga.

Yeremiya 10:3

pakuti malusu gha ŵanthu ngakupusika. Muti wamu lisuwa utemeke pasi, ndipo usemeka ndi mbavi, ndi manja gha misiri.

Yeremiya 11:12

Sono mizi yaku Yuda ndi ŵakuja mu Yerusalemu ŵakarutanga kwachiliriya ŵachiuta kwaku wo ŵangoche sembe kweni kuti ŵaziŵa kuŵataska cha mu nyengo ya suzgu yawo.

Yeremiya 11:17

Ambuya ŵa maŵanja, wo ŵangukupandani, ŵalangula kuti muwone chiheni, chifukwa cha uheni wo ŵaYisraele ndi ŵaYuda ŵachita, kundisosomole ku ukari pakoche sembe kwaku Bala.”

Yeremiya 15:6

Wandikana ine, atiti Ambuya, weche kuwerere vuli; viyo ndatambaluriya janja langu paku iwe ndakupasuwa; ndavuka ndi kugowoka-gowoka.

Yeremiya 16:11

Penipo iwe uŵamukenge kuti, ‘Chifukwa auskemwe ŵakundisiya, atiti Ambuya, ndipo ŵakundondoloska ŵachiuta ŵanyake kuŵatataliya ndi ku ŵasopa, ndipo ŵakundisiya ine, ndi ŵalivi kusunga dangu langu.

Yeremiya 17:13

Ambuya mwe, gomezgu laku Yisraele, ndakuti, wose wo ŵatikujowoni ŵakalengeskekanga; wo ŵarekana namwe ŵakalembekanga mu charu chapasi, pakuti ŵajowo Ambuya, wo nchisima cha maji gha umoyo.

Yeremiya 18:15

Kweni ŵanthu ŵangu ŵandiruwa ine, ŵatoche sembe ku ŵachiuta ŵatesi; ŵaguŵa mu nthowa zawo, mu miseu ya mwaka, ndipo ŵasere mu tunthowa twakudumuwa, ŵareka mseu ukuru,

Yeremiya 19:4

Pakuti ŵanthu ŵandisiya ine, ndipo ŵakazuzga malo yagha pakochiyapo sembe zakusunkhizga ku ŵachiuta ŵanyake, ŵeniwo chingana ndiwo, chingana mbauskeu chingana mbakaronga ŵaku Yuda ŵalivi kuŵaziŵa, ndipo pakuti ŵazaza malo gho ndi ndopa za ŵambura kalema,

Yeremiya 2:13

pakuti ŵanthu ŵangu ŵachita mauheni ghaŵi: ŵandireka ine, ndachisima cha maji gha umoyo, ndipo ŵajikumbiya visima, visima vyaku sweka, vyo kuti visunga maji cha.

Yeremiya 2:17

Asi ndimwe mwaŵeni mwajidaniya uheni uwo kuti ukuziyeni pakureka Ambuya Chiuta winu, penipo wangukurongozgani mu nthowa?

Yeremiya 2:19

Uheni winu ukudikiskeninga, ndipo kureka kusopa kukakuchenyaninga. Ziŵani, ndi wonani, kuti imwe pakureka Ambuya Chiuta winu mbuheni ndi kuŵaŵa kwaku imwe; kundopa ine mulivi mwaku imwe, atiti Ambuya Chiuta wa maŵanja.

Yeremiya 2:28

Nanga ŵachiuta ŵinu ŵepani wo mungujipangiya? Iwo ŵasoke, asani ŵangaziŵa kumutaskani imwe, mu nyengo yinu ya suzgu. Pakuti Yuda we, ŵachiuta ŵako mbanandi nge ndimo misumba yako yiliri.

Yeremiya 4:12

njanthazi ukongwa kuchita cho. Sono ndine ndikambiya mu cheruzgu paku iwo.”

Yeremiya 4:28

Charu chapasi chikatenjenga chifukwa chaku ivi ndipo kuchanya kukafipanga; pakuti ndakamba, ndasimikizga mtima; ndilivi kugowoka chingana nkhuti ndikawerenga vuli nako so cha.”

Yeremiya 44:17

Kweni tikachitanga chose cho tikupangana ndi rapu, koche vyachema fumukazi ya kuchanya, ndi kumpaska chisopo chakudira, nge ndimo tachitiyanga tose ifwe, auskefwe, ŵakaronga ŵidu ndi ŵaraŵara ŵidu, mu misumba yaku Yuda ndi mu miseu ya Yerusalemu. Pakuti pa nyengo ndipo tengavi kuwona kaheni.

Yeremiya 5:29

Kumbi kuti ndikaŵalanganga cha? Chifukwa cha vinthu ivi ndipo kuti ndikajitayiyanga thayu cha pa mtundu wakuŵa nge ndi uwu?”

Yeremiya 5:9

Kumbi kuti ndikaŵalanganga cha chifukwa cha machitidu yagha? atiti Ambuya; ndipo kuti ndikajichitiyanga thayu cha pa mtundu nge ndi uwu?

Yeremiya 51:17

Munthu yose ndi muzereza ndipo ngwambura chinjeru; we yose wakwenguwa golide walengeskeka ndi ŵangoza ŵake; pakuti vikozgu vyake vitesi, ndipo mulivi mvuchi mwaku vyo.

Yeremiya 7:17

Kuti uwona cha vyenivyo ŵachita mu mizi yaku Yuda ndi mu miseu ya Yerusalemu?

Yeremiya 7:18

Ŵana ŵadeŵa nkhuni, auskeu ŵakozga moto, ndipo ŵanthukazi ŵakantha nthimphwa, kubikiya viŵande fumukazi ya kuchanya; ndipo ŵadira mipasku ya kumwa ku ŵachita ŵanyake, kundisosomole ine kukukaripa.

Yeremiya 7:9

Kumbi mukabanga, mukabayanga, mukareŵanga, mukarapanga kwa utesi, mukawochiyanga Bala sembe, ndi kurondo ŵachiuta ŵanyake wo mulivi kuŵaziŵapo,

Ezekiele 16:18

unguto maraya ghako ghakujeduka gha maŵanga-maŵanga unguvivwarika, ungujarika mafuta ndi vyakusunkhizga vyangu paurongo pawo.

Ezekiele 24:14

Ine Ambuya ndarongoro; kukachitikanga, ndikachichitanga; kuti ndikaweriyanga kuvuli cha, kuti ndikarekeliyanga, pamwenga kugowoka nako so cha, kwakulingana ndi nthowa zako ndi machitidu ghako ndikakweruzganga, atiti Ambuya Chiuta.”

Hoseya 11:2

Mo ndinguŵadaniya, ndimu so ŵangutuwiyako kwaku ine; ŵangurutiriya kupereka sembe ku ŵaBala, ndi kuŵawoche vyakununkhira ŵangoza.

Hoseya 8:6

Ichi chapangika ndi mupangi; kuti ndi Chiuta cha. Mwana wa ng'ombe waku Samaria watekenyikenge.

Yoele 2:11

Ambuya atuzga mazu ghawo paurongo pa nkhondo yawo, chifukwa mupingu wawo ngukuru ukongwa; ngwanthazi yo wachita mazu ghawo. Chifukwa zuŵa la Ambuya ndikuru ndi lakofya. Ndiyani waziŵa kulimiya?

Machitidu gha Ŵakutumika 7:41

Ndipo ŵangwata chikozgu cha thole mu mazuŵa yagha, ndipo ku ngoza yo ŵangupereka sembe, ndipo ŵangusekere mu nchitu za manja ghawo.

Marangu 28:20

“Ambuya akatumanga paku imwe matembo, chimutimbaheka, ndi kandundu, mwaku vyose vyo muchita, mpaka penipo mwaparghang'ika ndi mwamara ruŵiruŵi; chifukwa cha machitidu ghinu ghaheni, pakuti mwandikana.

Marangu 31:16

Ndipo Ambuya anguti kwaku Mosese, “Ehe, we pafupi kura pamoza ndi ausu, sono yaŵa ŵanthu ŵakayukanga ndi kurondo ŵachiuta ŵalendo ŵa charu ichi, kweniko ŵakarutanga kwachiŵa mukati mwawo. Wakandisiyanga ine, ndi kuswa phanganu langu lo ndingupangana nawo.

Yoswa 24:20

Asani musiyenge Ambuya ndi kutataliya ŵachiuta ŵachilendo, po ndipo wakang'anamukanga ndi ku muchitiyani urwani, kukumarani, pavuli pakukuchitiyani umampha.”

Chivumbuzi 9:20

Ndipo ŵakujapo ŵa ŵanthu, wo ŵengavi kubayika ndi videru ivi ŵengavi kunyongokako ku nchitu za manja ghawo, kuti ŵareke, kulambiya ŵademone, ndi vyangoza vyo vya golide ndi vya siliva, ndi vya mkuŵa, ndi vya mwa, ndi vya muti; vyenivyo virive kuziŵa kulereska, chingana nkhuvwa, chingana nkhwenda;