Yeremiya 1:12 - Tonga Bible 1986

¹² Sono Ambuya anguti kwaku ine, “Wawona umampha pakuti ine ndilindizga mazu ghangu kughachita!”

Yeremiya 1:12 ပူးပေါင်းရင်းမြစ်များ

Yesaya 55:11

viyo ndimu ghakaŵiyanga mazu ghakutuwa mu mlomo wangu; kuti ghakawerenga kwangu ghambura kanthu cha, kweni ghakafiskanga chinecho ndakhumba, ndi kusakata mu chinthu cho ndingughatumiyako.

Yeremiya 1:13

Mazu gha Ambuya ghanguza kwaku ine nyengo ya chiŵi ghakuti, “Uwonanji?” Ndipo ine ndinguti, “Ndiwona mumphika wakugaduka, warata msana ku nkhonde.”

Yeremiya 24:3

Ndipo Ambuya anguti kwaku ine, “Uwonanji, Yeremiya?” Ine ndinguti, “Nkhuyu, nkhuyu zamampha, zamampha ukongwa, ndi nkhuyu ziheni, ziheni, ziheni ukongwa, ziheni zo kuti zingarghika cha.”

Yeremiya 31:28

Ndipo kukaŵanga, uli ndipo ndaŵalereze pa kupawuwa ndi kufyore pasi, kuwiska, kunanga, ndi kutoliyapo chiheni, viyo ndikaŵalereziyanga so pa kuzenga ndi kupanda, atiti Ambuya.

Ezekiele 12:25

Kweni Ine Ambuya ndikambenge mazu gho ndikakambanga, ndipo ghakafiskikanga. Kuti ghakaziwulikanga cha, kweni mu mazuŵa ghinu, Owe nyumba ya chigaruka, Ndikarongoronga mazu ndi kughafiska, atiti Ambuya Chiuta.”

Ezekiele 12:28

Chifukwa cho uŵanene, Viyo atiti Ambuya Chiuta: Palivi ghamoza gha mazu ghangu gho ghakaziwulikanga, kweni mazu gho ndirongoro ghakafiskikanga, atiti Ambuya, Chiuta.”

Amosi 8:2

ndipo wanguti, “Amosi, uwonanji?” Ndipo ndinguti, “Sokora ya vipasi vya chihanya.” Viyo Ambuya anguti kwaku ine, “Umari wafika pa ŵanthu ŵangu ŵa Yisraele; kuti ndiŵajumphenge so cha.

Luka 10:28

Ndipo wanguti kwaku iyo, “Wamuka kwakurunjika: chita chenichi, ndipo ukaŵanga ndi umoyo.”

Luka 20:39

Kweni ŵanyake ŵamu ŵalembi ŵangwamuka, ŵanguti, “Msambizgi, wakamba umampha.”

Marangu 18:17

Ndipo Ambuya anguti kwaku ine, ‘Ŵarunjika kukamba vyose vyenivyo ŵakamba.

Marangu 32:35

Thayu ndangu, ndi kuwerezgiyapo, kwa nyengo penipo rundi lawo likateremukanga, pakuti zuŵa la soka lawo laŵandika, ndipo kubwanganduka kwawo kutuza ruŵi.

Marangu 5:28

“Ndipo Ambuya anguvwa mazu ghinu, po mwakambanga kwaku ine, ndipo Ambuya anguti kwaku ine, ‘Ndavwa mazu gha ŵanthu yaŵa gho ŵakamba kwaku iwe, ŵakamba umampha vyose vyo wakamba.