Yeremiya 1:10 - Tonga Bible 1986

¹⁰ Wona ndakumika iwe msana wale pa mitundu ndi pa maufumu, kupontho ndi kuswiya pasi, kubwanganduwa ndi kuthereska, kuzenga ndi kupanda.”

Yeremiya 1:10 ပူးပေါင်းရင်းမြစ်များ

1 ŴaKaronga 17:1

Sono Eliya mu Tishibe waku Tishibe mu Gileada, wanguti kwaku Ahabu, “Ulaka ndimo aliri amoyo Ambuya Chiuta waku Yisraele, paurongo paku mweniyo ine ndituma, kuti kukaŵanga dungwi chingana ndi vuwa cha virimika ivi, kweni pa mazu ghangu pe.”

1 ŴaKaronga 19:17

Ndipo mweniyo wakapozomokanga ku lipanga laku Hazaeli wakamubayanga ndi Jehu ndipo yo wakapozomokanga ku lipanga laku Jehu wakamubayanga ndi Elisha.

Wakutaula 3:3

nyengo yakubayiya, ndi nyengo yakuchizgiya; nyengo yakubwanganduliya pasi, ndi nyengo yakuzenge;

Yeremiya 1:5

“Ndenga ndindakupange mu chibali ndingukuziŵa kale, ndipo wenga undapapike ndingukupatuwa kale; ndingukusankha kuŵa mchimi ku mitundu.”

Yeremiya 24:6

Ndikalereskanga iwo kuŵachitiya umampha, ndipo ndikaŵawezgiyanga ku charu ichi. Ndikaŵazenganga, ndi kuti ndiŵapasuliyenge pasi cha; ndikaŵapandanga, ndipo kuti ndikaŵazuwanga cha.

Yeremiya 25:13

Ndikatoliyanga pa charu chiya vyose vyo ndikurongoro paku cho, vyose vyakulembeka mu buku ili, vyenivyo Yeremiya wakuchimiya pa mitundu yose.

Yeremiya 31:28

Ndipo kukaŵanga, uli ndipo ndaŵalereze pa kupawuwa ndi kufyore pasi, kuwiska, kunanga, ndi kutoliyapo chiheni, viyo ndikaŵalereziyanga so pa kuzenga ndi kupanda, atiti Ambuya.

Yeremiya 31:40

Dambo lose la viŵanda ndi vyoto, ndi minda yose kwachifika ku kamsinji ka Kidroni, kwachifika ku chisongo cha Likomo la Kavalo kurata ku vuma, pose pakaŵanga malo ghakupaturikiya ku Ambuya. Kuti ukazuwikanga nanga nkhubwangandulika so cha muyaya.”

Yeremiya 36:2

“Uto mapepala ghakuzinga ndipo ulembepo mazu ghose ghenigho ndarongora nawe ghakumikana ndi Yisraele ndi Yuda ndi mitundu yose, kwamba zuŵa lo ndingurongoro nawe, kwamba ku mazuŵa ghaku Josiya mpaka msana wale.

Yeremiya 44:27

Ehe, ndituŵalereske pa uheni, pa umampha cha; ŵanthu wose ŵaYuda wo ŵemu charu cha Egipiti ŵakamaranga ndi lipanga ndi chilala, mpaka penipo ŵamara wose.

Yeremiya 45:4

Ukakambe kwaku iyo, Viyo atiti Ambuya: Ehe, chenicho ndazenga ndibwanganduliya pasi, ndipo chenicho ndapanda ndipawuwa, charu chose ichi.

Ezekiele 21:19

“Mwana wa munthu, lemba nthowa ziŵi chifukwa chakufika kwa lipanga la karonga waku Babiloni; zose ziŵi zikatuliyanga ku charu chimoza Ndipo panga chiziŵisku uchijinthi pa mutu wa nthowa yaku msumba;

Ezekiele 23:36

Ambuya angunena nane, “Mwana wa munthu, kumbi ukaŵeruzganga Ohola ndi Oholiba? Ipo ŵanene nchitu zawo za unyakazi.

Ezekiele 32:18

“Mwana wa munthu, soska chitenje, iwe pamoza ndi ŵana ŵanthukazi ŵa ŵamitundu, kuliriya pa umba wa ŵaEgipiti ndi mikoku yake, ŵeniwo ndikaŵasiskiyanga kusi kwa charu chapasi pamoza ndi wose wo ŵasikiya ku muunda:

Ezekiele 36:36

Penipo ndipo ŵa mitundu wo ŵakusiyika kuzingirizga imwe ŵakaziŵanga kuti ine, Ambuya, ndazenga malo ghakubwanganduka, ndapanda so gho ghanguŵa phasulu; ine, Ambuya, ndakamba, ndipo ndikachichitanga.

Ezekiele 43:3

Chiwona cho ndinguwona chingukozgana ndi chiwona cho ndinguwona po wanguza kuzachibwanganduwa msumba, ndipo so nge ndichiya ndinguwona pa msinji wa Kebara; sono ndinguwa kavunama.

Hoseya 6:5

Chifukwa ichi ndaŵacheka ndi ŵamuchimi, ndaŵabaya ndi mazu gha mu mlomo wangu, ndipo cheruzgu changu chituwa nge mbukweru.

Amosi 3:7

Nadi Ambuya Chiuta kuti wachita kanthu cha kakuwubende, kwambura kuti wadanga wakavumbuliya ku ŵateŵeti ŵake ŵamchimi.

Amosi 9:11

“Mu zuŵa lo ndamuyuska msasa waku Davidi wo ukuwa ndi kulongoso madangazi ghake; ndi kuyuska vyakubwanganduka vyake, kuwuzenga so nge ndi mu mazuŵa ghakali;

Zekariya 1:6

Kweni mazu ghangu ndi marangu ghangu gho ndingulanguliya ŵateŵeti ŵangu ŵamchimi, kuti ghanguŵasaniya cha auskemwe? Viyo ŵanguwe ŵanguti, Nge ndimo Ambuya ŵa maŵanja angughanaghaniya kuchitiya ifwe chifukwa cha nthowa zidu ndi nchitu zidu, viyo ndimo achitiya nafwe.”