Yakobe 5:9 - Tonga Bible 1986

⁹ Mwa ŵabali, mungadinginikirananga yumoza pa munyake cha, alinga mureke kweruzgika: alereni, cheruzga yo watuma pa makhomu.

Yakobe 5:9 ပူးပေါင်းရင်းမြစ်များ

Chiyambo 4:7

Asani uchita umampha, kumbi kuti ukalondelekanga cha? Ndipo asani ureka kuchita umampha, uheni ukhazga pa khomo; ukhumba iwe, kweni iwe uwutufuliye.”

Sumu 59:15

Ŵawuraura chifukwa cha kupenja kurgha, asani ŵareka kuguta ŵauruma.

Ezekiele 7:12

Nyengo yafika, zuŵa liŵandika. Wakugula wareke kusekere, wakuguliska wareke kuliya, chifukwa ukari we pawumba wawo wose.

ŴaLevi 19:18

Mungatayanga thayu pamwenga kunola ŵana ŵa ŵanthu ŵinu, kweni mwanjenge munyinu nge ndimwe mwaŵeni. Ndine Ambuya.

Mateyu 24:33

Kwakulingana namwe so penipo muwona vyenivyo vyose, ziŵani kuti we pafupi, pa khomu ipu.

Marko 13:29

Viyo namwe so, penipo mwazamuwona vyenivyo kuŵapo, muziŵe kuti we kufupi, pa khomu yipu.

Marko 6:19

Ndipo Herodiya wangumfinga wakhumbanga kumbaya; kweni wengavi nthazi;

1 ŴaKorinte 10:11

Ivi vinguŵaŵiya ŵa nge nchakuteskiyapo; ndipo vingulembeke kutichenjezga ifwe, paku taŵenifwe wafikiya umari wa migonezi.

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

2 ŴaKorinte 9:7

Munthu yose wapaske uli ndimo wajiteme mu mtima wake; kwachigwinini cha, pamwenga kwakukakamizgika cha; chifukwa Chiuta watanja mpaski wamasangu.

ŴaGalatia 5:14

Chifukwa chilangulu chose chafiskikiya mu mazu ghamoza, mwaku ghenigho; “Wajenge munyako uli ndi wamweni.”

ŴaGalatia 5:26

Tingaŵangaŵabereŵeza cha, ŵakusosomorana cha, ŵakuŵiniwana cha.

Yakobe 4:11

Munganenana cha, mwa ŵabali. Mweniyo wasuza mbali, pamwenga wateruzga mbali wake, wasuza dangu, ndi wateruzga dangu: kweni asani uteruzga dangu, kuti we mchita wa dangu cha, kweni mweruzgi.

Yakobe 4:12

Walipo Yumoza yo ngwakumika dangu ndi wakweruzga, yo ngwanthazi kutaska ndi kwananga: kweni ndiwe yani iwe, uteruzga mwanase wako.

Yakobe 5:10

Mwa ŵabali, muwatole nge nchandiru cha kuvwiyapo uheni ndi cha kukunthiyapo, ŵamchimi ŵeniwo ŵangukamba mu zina la Ambuya.

Yakobe 5:7

Viyo, mwa ŵabali, kunthiyanipo mpaka uzi wa Ambuya. Awonani, mlimi yo walindizga chipasi chakuzirwa cha charu, paku cho, mpaka wangaronde vuwa ya mtumbuku ndi ya pa vuli.

1 Petro 4:5

kweni ŵanenenge iwo kafukwa, kwaku mweniyo warongosoleke kweruzga ŵamoyo ndi ŵakufwa.

1 Petro 4:9

Muŵe ŵawezi kuŵalendo, yumoza ku munyake kwambura dinginiku:

Chivumbuzi 3:20

Awona, ndama pa khomu ndipo ndigong'oska: asani munthu watuvwa mazu ghangu, ndi wajura ku khomu, ndiserenge kwaku iyo, ndirghenge pamoza nayo, ndi iyo pamoza nane.