Yakobe 5:16 - Tonga Bible 1986

¹⁶ Viyo sumuliranani vilakwa vinu, ndipo romberanani, viyo kuti muchizgike. Niniziku la murunji ndanthazi ukongwa pakuchita.

Yakobe 5:16 ပူးပေါင်းရင်းမြစ်များ

Chiyambo 19:29

Viyo kunguŵa kuti, penipo Chiuta wangubwanganduwa misumba yo yamu dambo, Chiuta wangukumbuka Abrahamu, ndipo wangutuzgamo Lote mukati mwa ŵakuphwanyika wo, penipo wanguphwanya misumba yo wajangamo Lote.

Chiyambo 20:17

Sono Abrahamu wanguromba kwaku Chiuta, ndipo Chiuta wanguchizga Abimeleke, ndipo wanguchizga so muwoli wake ndi ŵaŵanda ŵanthukazi viyo kuti wangupapa ŵana.

Chiyambo 20:7

Viyo sono muwezge mweneko muwoli wake, chifukwa ndi mchimi, ndipo wakakurombiyanga, ndipo ukajanga wamoyo. Kweni asani urekenge kumuwezge, uziŵe kuti ukafwanga nadi, iwe, ndi wose ŵeniwo mbako.”

Chiyambo 32:28

Sono iyo wanguti, “Zina lako kuti likadanikanga so Yakobe cha kweni Yisraele pakuti walimbana ndi Chiuta ndi ŵanthu so, ndipo wapunda.”

2 Samuele 19:19

wangunena ndi karonga, “Mbuyangu wareke kundiŵerenge uheni wangu nanga nkhukumbuka mo mteŵeti winu wanguchitiya uheni zuŵa liya po mbuyangu watuliyanga mu Yerusalemu; ndimuŵeyani karonga mureke kuvisunga ku mtima.

1 ŴaKaronga 13:6

Ndipo karonga wanguti ku munthu waku Chiuta, “Ndiŵeyerere wezi wa Ambuya Chiuta wako, undirombe, kuti janja langu liweriyemo.” Ndipo munthu waku Chiuta wanguŵeyere Ambuya; janja la karonga linguweriyamo, ndipo linguŵa uli ndimo lenge pakudanga.

2 Mikoka 30:20

Ndipo Ambuya anguvwa Hezekiya ndi anguchizga ŵanthu.

Jobu 42:8

Sono muchifukwa ichi toni nkhuzi zinkhonde ndi ziŵi, ndi mberere zinthurumi nazo zinkhonde ndi ziŵi, ndi rutani ku mteŵeti wangu Jobu, ndipo kajiperekiyeni sembe yakocha yakumaŵeni, ndipo Jobu mteŵeti wangu wakakurombiyaninga. Nkharondiyanga rombo lake chifukwa kuti ndikhumba kuchita namwe kwakuyana ndi uheni winu cha, pakuti mulive kukamba chinthu chamampha cha paku ine nge ndimo mteŵeti wangu Jobu wachitiya.”

Sumu 34:15

Maso gha Ambuya ghe pa ŵakurunjika, ndi makutu ghawo ku nkhuta yawo.

Chituwa 17:11

nyengo yose yeniyo Mosese wangusoska janja lake, ŵaYisraele ŵangupunda, ndipo penipo wangusiska janja lake, Amaleke ŵangupunda.

Chituwa 9:33

Viyo Mosese wangutuwamo mu msumba kutuwa kwaku Farao, ndi wangutambaruliya manja ghake ku Ambuya; ndipo kudiririska ndi vuwa ya matalala vingumara ndipo vuwa kuti yingung'a so cha pa charu chapasi.

Nthanthi 15:29

Ambuya ŵe kutali ku wamphulupulu, kweni ŵatuvwa rombu la marunji.

Nthanthi 15:8

Mpasku wa wamphulupulu mbukazuzi ku Ambuya, kweni rombu la wakunyoroka ndi likondwa lawo.

Nthanthi 28:9

Asani munthu watuzgako gutu lake kukuvwa dangu chingana ndi rombu lake ndi kazuzi.

Yeremiya 15:1

Sono Ambuya anguti, kwaku ine, “Chingana Mosese ndi Samuele ŵanguma paurongo pangu, kweni ndipuuli mtima wangu kuti watinge ung'anamukiyenge ku ŵanthu yaŵa cha. Ŵatuzgeko ku maso ghangu, ŵarutenge!

Yeremiya 33:3

Danani kwaku ine ndipo ndikwamukeninga, ndikuneniyeninga vinthu vikuru ndi vyakubisika vyo mulivi kuviziŵapo.

Yeremiya 42:2

ndi ŵanguti kwaku Yeremiya mchimi, “Zomerezga kuŵeyere kwidu kuvwike paurongo pako, ndipo utirombe ku Ambuya Chiuta wako, pa ŵakujapo yaŵa wose (pakuti nge ndimo utitiwone tajapo ŵamanavi chingana kali tinguŵa ŵanandi),

Maŵerengedu 11:2

Sono ŵanthu ŵanguliriya Mosese; ndipo Mosese wanguromba ku Ambuya, moto unguzimwa.

Mateyu 21:22

Ndipo vyose vyo mungapempha mu kuromba ŵakuvwana murondenge.”

Mateyu 3:6

ndipo ŵabatizikanga ndi iyo mu msinji Yordane, ŵakusumuwa vyakulakwa vyawo.

Marko 1:5

Ndipo ŵazanga kwaku iyo kutuliya charu chose cha Yuda, ndi wose ŵamu Yerusalemu: ŵabatizikanga ndi iyo mu msinji Yordane, ŵakusumuwa vilakwa vyawo.

Luka 9:6

Ndipo ŵachituwako, ŵaporotanga mu mizi, ŵakutaula evangeli ndi ŵakuchizga kosekose.

Yohane 9:31

Tiziŵa kuti Chiuta wareka kuvwa ŵalakwi; kweni asani yumoza ndi muwopa Chiuta, ndi wachita khumbo lake, watumuvwa mweniyo.

Machitidu gha Ŵakutumika 10:38

mo Chiuta wangupatuliya Yesu waku Nazarete ndi Mzimu Wakupaturika ndipo ndi nthazi: mweniyo wangwendayenda wakutata vyamampha, ndi wakuchizga wose ŵakuyuzgika ndi diabolo; pakuti Chiuta wenga nayo.

Machitidu gha Ŵakutumika 19:18

Anandi so ŵaku wo ŵanguvwana ŵazanga, ŵakujisumuwa ndi ŵakuzomera machitidu ghawo.

Machitidu gha Ŵakutumika 8:24

Ndipo wangwamuka Simoni, wanguti, “Muŵeyere imwe ku Ambuya pa chifukwa changu, viyo kuti kangandiziya cha kamoza kaku vyo mwakamba.”

ŴaRoma 3:10

uli ndimo kwalembeke, “Palive murunji, chingana njumoza;

ŴaRoma 5:19

Chifukwa uli ndimo pa chifukwa cha mtafu wa munthu yumoza ŵanandi wo ŵangusanduskika ŵalakwi, viyo so mu mvwiyu wa yumoza ŵanandi wo ŵapimikenge ŵarunji.

ŴaKolose 1:9

Chifukwa chenichi ifwe nafwe, kwanda ku zuŵa lo tinguchivwiya, kuti tireka cha kumrombiyani ndi kupempha, kuti muzazike ndi chiziŵisku cha khumbo lake mu zeru ndi chiteska cha mzimu,

1 ŴaTesalonika 5:17

rombani kwambura kulerezga;

1 ŴaTesalonika 5:23

Ndipo mweneko Chiuta wa chimangu wakuphotoni kosekose; ndipo mzimu winu ndi vinjeru vinu ndi liŵavu visungike vizirima, kwambura kalema pa chiwoneka cha Ambuyafwe Yesu Kristu.

1 ŴaTesalonika 5:25

Mwa ŵabali, tirombiyeni.

ŴaHebere 11:4

Ndi chivwanu Abelu wangupereka kwaku Chiuta mpasku wamamphako kwakuruska Kaini, mwaku weniwo wangusimikizgikiya kuŵa murunji, Chiuta iyo wachimsimikizgiya pa mipasku yake; mwaku chenicho nacho chingana wakufwa wacharongoro.

ŴaHebere 11:7

Ndi chivwanu Nowa, wati wachenjezgeka ndi vinthu vyo vyenga vindawoneke, kwa uwopa Chiuta wangarongoso ngaraŵa kwachitaska ŵamu nyumba yake; mwaku chenicho wanguchisuska charu, ndipo wanguŵa muhara wamu urunji wa chivwanu.

ŴaHebere 12:13

Ndipo zinyoroskeni nthowa ku marundi ghinu, alinga kuti chachiti chingagweduka cha, kweni ukongwa kuti chichizgike.

ŴaHebere 13:18

Rombani pa chifwa chidu: pakuti tikopeka kuti te nayo njuŵi yamampha, taŵakukhumba mwaku vyose kuja umampha.

Yoswa 10:12

Penipo Yoswa wangunena ku Ambuya mu zuŵa lo Ambuya angupereka Amori ku ŵaYisraele; ndipo pa maso gha ŵaYisraele wanguti, “Lumwi, umi jo pa Gibeoni, ndipo iwe mwezi mu dambo la Aijaloni.”

1 Petro 2:24

Iyo mweneko wangunyamuliya vilakwa vidu mu liŵavu lake pa muti wo, alinga kuti ifwe taŵakufwa kuchiri ku vilakwa tijaririyenge ŵamoyo kuchiri ku urunji; mu vikukusa vyaku mweniyo munguchizgika.

1 Yohane 3:22

ndipo chose chenicho tipempha, tironde kwaku iyo, chifukwa tisunga marangu ghake, ndipo tivichita vyakunozga pa maso pake.

1 Samuele 1:12

Pa kurutiriya mu kuromba paurongo pa Ambuya, Eli wanguteska mlomo wake.

1 Samuele 12:17

Asi nchivuna cha trigu msana wale? Ndidanenge ku Ambuya, mwakuti atumi chidiririzi ndi vuwa; ivi viziŵiskenge imwe kuti uheni winu ngukuru ukongwa, wo mwachita mu maso gha Ambuya, pakujipemphe imwe mwija karonga.”

1 Samuele 12:18

Ndipo Samuele wangudana ku Ambuya, ndi Ambuya angutuma chidiririzi ndi vuwa zuŵa liya viyo ŵanthu wose ŵanguŵa ndi mantha ghakuru pa Ambuya ndi paku Samuele.