Yakobe 4:11 - Tonga Bible 1986

¹¹ Munganenana cha, mwa ŵabali. Mweniyo wasuza mbali, pamwenga wateruzga mbali wake, wasuza dangu, ndi wateruzga dangu: kweni asani uteruzga dangu, kuti we mchita wa dangu cha, kweni mweruzgi.

Yakobe 4:11 ပူးပေါင်းရင်းမြစ်များ

Sumu 140:11

Wo ŵasuska ŵanyawo kwa utesi nawo ŵasuskike; mphurupuru yimusake ruŵi munthu wa nkhaza.

Luka 6:37

“Mungeruzga cha, ndipo kuti mweruzgikenge awa, ndipo mungasuska cha, ndipo kuti mususkikenge awa; fwatuwani, ndipo mufwatulikenge;

ŴaRoma 2:1

Viyo ndiwe wambura mpandira, wa munthu yose wakweruzga: chifukwa mwaku chenicho uteruzga munyako, ujisuska wamweni; pakuti wakweruzga uchita vyenivyo.

ŴaRoma 2:13

chifukwa kuti ŵakuvwa dangu mbarunji kwaku Chiuta cha, kweni ŵakuchita dangu ndiwo ŵamrunjiskika.

ŴaRoma 7:7

Titingenji na? Kumbi chilangulu cho nchaulakwi? Kungaŵanga viyo cha! Kweni mphanyi ndengavi kuteska ulakwi, mo uliri, kwambura chilangulu cho; chifukwa mphanyi kuti ndaziŵa chiŵinu nacho cha, asani chilangulu cho chengavi kunena, “Ungaŵiniwa cha”;

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

2 ŴaKorinte 12:20

Chifukwa nditopa kuti vinu ndichiza, ndingasaniya imwe nge ndimo kuti ndikhumbiya cha, ndipo ine ndingasanirika namwe nge ndimo kuti mukhumbiya imwe cha; vinu kokuli pangaŵa ndeu, sanji, vikwiya, magaukanu, kusuza, mitokutoku, matukutuku, vimtimbaheka.

ŴaEfeso 4:31

Kurunda kose, ndi chikwiya, ndi kandundu, ndi gazamu, ndi utusi, vituzgikeko kwinu, pamoza ndi uheni wose:

1 Timote 3:11

Kwakulingana so ŵanthukazi ŵakaŵanga ŵakongorekwa, ŵakuparamula cha, ŵamkanavinyo; ŵamagomekezgeka mwaku vyose.

2 Timote 3:3

ŵambura matunizgika, ŵapharamulu, ŵambura kujitintha, ŵakari, ŵazira kwanja umampha,

Tito 2:3

makhongwe nagho kwakulingana ghaŵe ghaulemu mu kajaridu, ghakuparamula cha, chingana ngaŵanda ku vinyo linandi cha, ghakusambizga vyamampha:

Yakobe 1:16

Mungarandizgikanga, mwa ŵabali ŵangu ŵakwanjiwa.

Yakobe 1:19

Muziŵa chenichi, mwa ŵabali ŵangu ŵakwanjiwa. Kweni munthu yose waŵe mupusu kwachivwa, wachizita kurongoro, wachizita ku kandundu;

Yakobe 1:25

Kweni mweniyo ngwakulereska mu dangu lizirima lo la wanangwa, ndi wajaririya viyo, pakuŵa wakuvwa wachiruwa cha kweni wakuchita mlimu, wa mwenuyu waŵenge wamwaŵi mu kachitidu kake.

Yakobe 2:8

Kweni asani mulifiska dangu laufumu, kwakuyana ndi lembo lo, “Wanjenge mwanase wako uli ndi wamweni,” muchita umamphavi:

Yakobe 5:10

Mwa ŵabali, muwatole nge nchandiru cha kuvwiyapo uheni ndi cha kukunthiyapo, ŵamchimi ŵeniwo ŵangukamba mu zina la Ambuya.

Yakobe 5:7

Viyo, mwa ŵabali, kunthiyanipo mpaka uzi wa Ambuya. Awonani, mlimi yo walindizga chipasi chakuzirwa cha charu, paku cho, mpaka wangaronde vuwa ya mtumbuku ndi ya pa vuli.

Yakobe 5:9

Mwa ŵabali, mungadinginikirananga yumoza pa munyake cha, alinga mureke kweruzgika: alereni, cheruzga yo watuma pa makhomu.

1 Petro 2:1

Viyo, pakujizuliya uheni wose, ndi urghargha wose, ndizifuzi, ndi viŵinu, ndi masuzgu ghose,