Yakobe 4:10 - Tonga Bible 1986

¹⁰ Mujichefye paurongo pa Ambuya, ndipo wamkuzgeninge.

Yakobe 4:10 ပူးပေါင်းရင်းမြစ်များ

2 Mikoka 7:14

Ndipo asani ŵanthu ŵangu wo ŵadanika ndi zina langu ŵatijiyuyuwa, ŵaromba ndi ŵapenja chisku changu, ŵaweko ku nthowa zawo ziheni, po ndipo ndikavwanga kuchanya ndi kuŵagowoke uheni wawo, ndi kuchizga charu chawo.

Jobu 22:29

Chifukwa Chiuta wayuyuwa ŵakujikuzga, ndi wataska ŵakujiyuyuwa.

Jobu 5:11

Wakwezga wo mbakujiyuyuwa, ndipo wo mbakutenje ŵakwezgeke ku chisangarusku.

Sumu 113:7

Asoska ŵakavu kutuwa ku fuvu; akwezga ŵasauchi kutuwa ku suzgu yawo.

Sumu 147:6

Akwezga akujiyuyuwa, kweni asiskiya pasi ŵaheni.

Sumu 27:6

Ndipo sono mutu wangu ukasoskeki yanga pachanya pa ŵarwani ŵangu ŵakundizunguliya; ndipo muhema lawo ndiperekenge sembe mwakukambura ndi likondwa. Ndimbenge ndipo ndikoŵeriyenge Ambuya.

Sumu 28:9

Taskani ŵanthu ŵinu, ndi ŵatumbikeni wo mbakumwaŵeni, muŵe imwe mliska wawo, ndipo muŵanyamuwe muyaya.

Sumu 30:1

Nditumphuskenge imwe, Ambuya chifukwa mwandisoske pachanya, ndipo mwachetamiska ŵamawongo ŵangu kukondwere paku ine.

Chituwa 10:3

Viyo Mosese ndi Aroni ŵangwachisere kwaku Farao ndi ŵanguti kwaku iyo, “Viyo atiti Ambuya, Chiuta wa ŵaHebere, ‘Mpaka zuŵanji ukakananga kujiyuyuwa paurongo pangu? Ŵazomerezge ŵarutenge ŵanthu ŵangu, alinga kuti ŵakanditataliyenge.

Nthanthi 29:23

Kujikuzga kwa munthu kukamusiskiyanga pasi, kweni mweniyo ngwakujiyuyuwa mumzimu wakarondanga thumbiku.

Ezekiele 21:26

viyo atiti Ambuya Chiuta: Zuŵa chilemba, tuzgako chifuku; vinthu kuti vikajanga nge ndimo viliri cha, kwezgani cho chepasi, siskani cho che pachanya.

Mateyu 23:12

Ndipo yose yo wajikuzgenge, wayuyulikenge; ndipo yose yo wajiyuyuwenge, wakuzgikenge.

Luka 1:52

wasiska ŵamazaza ku vitengu, ndipo wakwezga ŵakuyuyulika.

Luka 14:11

Pakuti yose wakujikuzga wayuyulikenge; ndipo yo ngwakujiuyuwa wakuzgikenge.”

Luka 18:14

Ndikuneniyani, wangusikiya uyu wakurunjiskika ku nyumba yake, kwakuruska yuwa; pakuti yose wakujikuzga wayuyulikenge; kweni wakujiyuyuwa wakuzgikenge.”

1 Petro 5:6

Viyo mujiyuyuliye kusi ku janja laukumu laku Chiuta, alinga kuti wamtumphuskeni ku nyengo yakwenere,

1 Samuele 2:7

Ambuya akavuska ndi kusambasiska; asiskiya pasi, ndi kusoska so.

1 Samuele 2:9

“Avikiriyenge marundi gha ŵakuvwana mwaku iwo; kweni ŵaheni ŵakadumulikiyanga ku mdima; chifukwa munthu kuti wakapundanga ndi nthazi yaku yija cha.