Yakobe 3:13 - Tonga Bible 1986

¹³ Njani wazeru ndi wakuwamo mwakuimwe? Warongole ndi kajaridu kake kakutowa milimu yake mu upovu wa zeru.

Yakobe 3:13 ပူးပေါင်းရင်းမြစ်များ

Jobu 28:28

Ndipo wanguti ku munthu, ‘Wona, chofyo cha Ambuya, chenicho ndi zeru; ndipo kupatuka ku uheni ndi vinjeru.’ ”

Sumu 107:43

Wo wose mba zeru ŵaghaneghane ndi vinthu ivi ŵaziŵiske ndichanju chakufikapo cha Ambuya.

Sumu 122:8

Pa chifukwa cha ŵabali ŵangu ndi ŵapamoza nane, ndititi kwaku Yerusalemu, “Chimangu chiŵe mukati mwako!”

Sumu 149:4

Ambuya akondwere ndi ŵanthu ŵawo; atumbika ŵakujiyuyuwa ndi upundi.

Sumu 25:9

Arongozga ŵakujiyuyuwa mwaku cho nchakurunjika, ndi kuŵasambizga ŵakusuzgika nthowa yawo.

Sumu 45:4

Mu kuziza kwako ugarenge ndi kupunda chifukwa cha uneneska ndi kuvikiriya urunji; janja lako lakurghiya likusambizge vinthu vyakofya!

Wakutaula 8:1

Ndiyani yo wayana ndi munthu wazeru? Ndipo ndiyani yo waziŵa kung'anamulidu ka chinthu? Zeru za munthu zingweruska chisku chake, Ndipo unonono wa chisku chake usinthika.

Wakutaula 8:5

Mweniyo wavwiya langulu kuti wakumanenge ndi kakupweteka cha, ndipo mtima wa munthu wazeru ukaziŵanga nyengo ndi nthowa.

Yesaya 29:19

Ŵakuzika ŵakarondanga chimwemwe chifya mu Ambuya, ndipo ŵasauchi mukati mu ŵanthu ŵakakondwanga mu Mtuŵa Yumoza yo waku Yisraele.

Yesaya 60:6

Mzinda wa ŵagamila ukakuvimbanga, ŵagamila ŵampupuka ŵaku Midiyani ndi Efa; wose ŵakutuwa ku Sheba nawo wakazanga. Ŵakazanga ndi golide ndi vyachema, ndipo ŵazamtaula marumbu gha Ambuya.

Yesaya 61:1

Mzimu wa Ambuya Chiuta wa paku ine, chifukwa Ambuya andipaka ine kutole makani ghamampha mu ŵakuyuzgika; andituma kwachimanga ŵakusweka mtima, kumemeza chifwatuwa ku ŵamagoŵa, ndi kujurika kwa nyumba ya magoŵa kwaku wo ŵakumangika;

Yeremiya 9:12

Njani munthu yo wangaŵa wa vinjeru kuti wangawamo ichi? Nkhwakuyani ko Ambuya arongoro, kuti iyo waziŵiske ichi? Chifukwa nchine charu chapasuka ndi chaŵa chaŵakaŵaka nge ndi bozwa, mwakuti palivi yumoza wakuporotamo?

Yeremiya 9:23

Viyo atiti Ambuya, “Munthu wazeru wareke kutumbwiya mu zeru zake, wakulimba wareke kutumbwiya mu kulimba kwake, musambasi wareke kutumbwiya mu usambasi wake;

Danyele 2:21

Wasintha maora ndi zinyengo, wasezga ŵakaronga ndi kumika ŵakaronga ŵanyake; wapaska zeru ku ŵazeru ndi kuziŵa kwaku wo ŵawamo;

Zefaniya 2:3

Penjani Ambuya, mose mwa ŵakuzika ŵamu charu, imwe mwachita malangulu ghake; penjani urunji, penjani kuzika; pamwenga mungabisika mu zuŵa la ukari wa Ambuya.

Maŵerengedu 12:3

Mosese wenga wakuzika kwakuruska ŵanthu wose mu charu chapasi.

Mateyu 11:29

jitoleni pinu goŵa langu, ndi sambirani kwaku ine; pakuti ndine mpovu ndi wakujiyuyuwa mu mtima: ndipo musaniyenge chipumulu ku mizimu yinu.

Mateyu 21:5

“Ŵaneniyeni ŵanthu ŵaku Zioni, Awonani, Karonga winu watukuziyani, mpovu, ndi wakugara pa mbunda, ndi pa kambunda, mwana wa mbunda.”

Mateyu 5:5

“Mbakutumbikika ŵakuzika: pakuti iwo ŵaharenge panupasi.

Mateyu 7:24

“Viyo yose yo watuvwa mazu ghangu ghenagha, ndi waghachita, walinganizgikenge ku munthu wazeru, mweniyo wanguzenga nyumba yake pa jarawe:

1 ŴaKorinte 6:5

Ndikamba chenichi kumulengeskani. Kumbi kwe viyo kuti mwaku imwe mulive yumoza wazeru, yo wangaziŵa keruzga pakati pa ŵabali?

2 ŴaKorinte 10:1

Kweni mu ukhovu ndi mu umampha waku Kristu ndikuŵeyereni ine, nda Paulo, ndawakujiyuyuwa pa maso pinu, kweni pakuŵa kunyake nda wakujitunthwa paku imwe;

2 ŴaKorinte 8:24

Viyo ŵarongoni, chisimisimi cha chanju chinu, ndi cha kujikuzga kwidu kwa pa chifwa chinu pa maso pa mipingu.

ŴaGalatia 5:23

upovu, kujitintha; dangu lakukanizga vyaviyo palive.

ŴaGalatia 6:1

Mwaŵabali, asani munthu wakoreka mu ubudi wakuti e, imwe mwa ŵamzimu munyoroskeni waviyo mu mzimu wa upovu, pakujithoŵa wamweni, vinu nawe so ungeseka.

ŴaGalatia 6:4

Kweni munthu yose wese mlimu waku yija, po ndipo waŵenge ndi chitumbwa mwaku yija pe, ndipo mu munyake cha.

ŴaEfeso 4:2

ndi uzimbwa wose ndi upovu, ndi chilekerezga, pakukunthiriyana mu chanju;

ŴaFilipi 1:27

Chenichi pe, mujijariye kwakwenere evangeli waku Kristu: alinga kuti, chingana nthuza kumuwonani, pamwenga chingana ndiŵe kunyake, ndivwenge vyapaku imwe, kuti mumiya mu mzimu umoza, ndi mtima umoza ŵakurwiya pamoza chivwanu chamu evangeli;

ŴaKolose 3:12

Viyo vwarani, uli mbakusankhika ŵaku Chiuta, ŵakupaturika ndiŵakwanjiwa, chitima cha lisungu, ulemu, kujiyuyuwa, upovu, chilekerezga;

1 Timote 4:12

Wareke munthu yose kuyeya umpupuka wako; kweni uŵe chandiru cha ŵakuvwana mumazu, mu nkharu, mu chanju, mu chivwanu, mu ukhovu.

1 Timote 6:11

Kweni iwe, wa munthu waku Chiuta, thaŵa vyenivi, ndipo rondo urunji, uwopa Chiuta, chivwanu, chanju, unkhunthiya, upovu.

2 Timote 2:25

Wakukunthiyapo, mu upovu wakuŵalanga wo mbakupindana, kuti vinu Chiuta wangaŵapaska chipe chakwachiziŵiska uneneska,

Tito 3:2

kuphara munthu yumoza cha, kuŵa ŵaziralisonji, ŵaroŵevu, ŵakurongo upovu wose ku ŵanthu wose.

ŴaHebere 13:5

Nkharu yinu yingaŵanga yakwanja ndrama cha; mukhorwe ndi vyo mwe navyo; chifukwa wanguti mweneko, “Kuti ndamleka iwe cha, chingana nkhuti ndamsiya iwe cha kosekose.”

Yakobe 1:21

Chifukwa chenichi pakuzuwa ukazuzi wose ndi uheni wakuwanda, rondani mu upovu mazu ghaku pandika, gho nganthazi kutaska mizimu yinu.

Yakobe 2:18

Kweni wakambenge yumoza, “Iwe wenacho chivwanu, ndipo ine nde nayo milimu”; ndirongo chivwanu chako pade pa milimu yako, ndipo ine mu milimu ndikurongonge chivwanu changu.

Yakobe 3:1

Mungaŵanga ŵasambizgi ŵanandi, mwa ŵabali ŵangu, pakuziŵa kuti tamronde chisusa chikuru. Chifukwa tose tiguŵa panandi.

Yakobe 3:17

Kweni zeru yo njakutuwa kuchanya njikhovu danga, pavuli njachimangu, yakoroŵa yakupemberezgeka wenguwengu, yakuzara lisungu ndi vipasi vyamampha, yambura gangang'u, yizira ufyali.

1 Petro 1:15

kweni uli ndimo mweniyo wangumdanani waliri wakupaturika, namwe so muŵe ŵakupaturika mu kajaridu kose;

1 Petro 2:12

Muŵe ndi kajaridu kakutowa mu ŵaMitundu wo; alinga kuti, mwaku chenicho ŵangasuza paku imwe uli mbakuchita uheni, pakuthoŵa nchitu zinu zakutowa ŵakankhuske Chiuta mu zuŵa la kuza kwake.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

1 Petro 3:4

kweni munthu yo wakubisama mu mtima, watenere kadghoŵedu kambura kuwo, ka mzimu upovu ndi wachisisi, wo pa maso ghaku Chiuta ngwakuzirwa ukongwa.