Yakobe 2:8 - Tonga Bible 1986

⁸ Kweni asani mulifiska dangu laufumu, kwakuyana ndi lembo lo, “Wanjenge mwanase wako uli ndi wamweni,” muchita umamphavi:

Yakobe 2:8 ပူးပေါင်းရင်းမြစ်များ

1 ŴaKaronga 8:18

Kweni Ambuya anguti kwaku Davidi ada, ‘Pakuti chenga mu mtima wako kuzenge nyumba zina langu, unguchita umampha.

2 ŴaKaronga 7:9

Sono ŵangunenerana ŵanguti, “Kuti tichita umampha cha ifwe. Zuŵa lino ndi zuŵa la makani ghamampha; asani tijenge chisisi ndi kulindizga mpaka kucha mphurupuru yidu yikatisaniyanga; ipo sono tiyeni, tikaŵanene ŵa nyumba ya karonga.”

ŴaLevi 19:18

Mungatayanga thayu pamwenga kunola ŵana ŵa ŵanthu ŵinu, kweni mwanjenge munyinu nge ndimwe mwaŵeni. Ndine Ambuya.

ŴaLevi 19:34

Mlendo wakutandala namwe, wakaŵanga namwe uli ndi mweni charu, mukamwanjanga uli ndimo mutanjirana mwaŵeni. Pakuti imwe mwenga ŵalendo mu charu cha Egipiti. Ndine Ambuya.

Yona 4:4

Viyo Ambuya anguti, “Kumbi wachita umampha kukalipa?”

Yona 4:9

Ndipo Chiuta wanguti kwaku Yona, “Kumbi uchita umampha kukalipa chifukwa cha mono?” Ndipo Yona wanguti, “Ndachita umampha kukalipa, chingana ndingafwa.”

Mateyu 22:39

Ndipo lachiŵi, lakukozgana nalo, ndenili, Ukamwanjanga munyako nge ndiwe wamweni.

Mateyu 25:21

Mbuyake wangumnene. ‘Nchamampha muŵanda we wamampha ndi wamagomekezgeka; waŵa wamagomekezgeka pa vinthu vimanavi; pa vinandi ndikuŵikenge: sere muchimwemwe cha mbuyako.’

Mateyu 25:23

Wanguti kwaku iyo mbuyake, ‘Nchamampha, muŵanda wamampha ndi wamagomekezgeka we, pa vinthu vimanavi waŵa wamagomekezgeka ndikuŵikenge pa vinandi; sere mu chimwemwe cha mbuyako.’

Mateyu 7:12

Viyo vyose vyo mungakhumba kuti ŵanthu ŵachitiye imwe, namwe so muchitiye iwo kwakulingana: chifukwa chenichi nchilangulu cho ndi ŵamchimiwo.

ŴaRoma 13:10

Kuti chanju chitataliya munyake kaheni cha; viyo chanju ndi mfisku wa dangu.

ŴaGalatia 5:14

Chifukwa chilangulu chose chafiskikiya mu mazu ghamoza, mwaku ghenigho; “Wajenge munyako uli ndi wamweni.”

ŴaGalatia 6:2

Nyamuliranani mphingu za ŵanyinu, ndipo viyo fiskani dangu lo laku Kristu.

ŴaFilipi 4:14

Ndikweni wenga ulemu winu pakusangana nane mu suzgu.

1 ŴaTesalonika 4:9

Kweni kuti mukavuka cha kuti yumoza walembe kwaku imwe ghapa kwanja-ŵabali: chifukwa mwaŵeni mwasambizgika ndi Chiuta kwanjana;

Yakobe 1:25

Kweni mweniyo ngwakulereska mu dangu lizirima lo la wanangwa, ndi wajaririya viyo, pakuŵa wakuvwa wachiruwa cha kweni wakuchita mlimu, wa mwenuyu waŵenge wamwaŵi mu kachitidu kake.

Yakobe 2:12

Viyo ndipo kambani, ndi chitani, nge mbeniwo ŵeruzgikenge ndi dangu la wanangwa.

Yakobe 2:19

Iwe uvwana kuti walipo Chiuta Yumoza; uchita umampha: wademone wavwana, ndipo wambwambwanthiya.

Yakobe 4:11

Munganenana cha, mwa ŵabali. Mweniyo wasuza mbali, pamwenga wateruzga mbali wake, wasuza dangu, ndi wateruzga dangu: kweni asani uteruzga dangu, kuti we mchita wa dangu cha, kweni mweruzgi.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;