Yakobe 2:5 - Tonga Bible 1986

⁵ Vwani, mwa ŵabali ŵangu ŵakwanjiwa, asi Chiuta wajisankhiya ŵakavu mu charu kuŵa ŵasambasi mu chivwanu, ndi ŵakuhara ufumu weniwo wangupangana ku ŵakumwanja?

Yakobe 2:5 ပူးပေါင်းရင်းမြစ်များ

1 ŴaKaronga 22:28

Ndipo Mikaya wanguti, “Asani wamuwe mu chimangu, iku Ambuya kuti angukambiya mwangu cha.” Ndipo iyo wanguti, “Avwani, mwa ŵanthu!”

Jobu 34:10

“Chifukwa ichi, mundivwe, imwe mwa ŵanthu ŵavinjeru, chiŵe kutali ndi Chiuta kuti iyo wachiti ubendezi, ndipo chiŵe kutali ndi Wanthazizose kuti wabudi.

Jobu 34:19

mweniyo wareka kurumba chisku nanga ndi mukati mu mafumu, nanga nkhuphwere ŵaromba kuruska ŵakavu, chifukwa wose mba nchitu ya manja ghake!

Jobu 38:14

Chisinthika nge ndi dongo kuŵa chidikizgu, ndipo chizgangika nge ndi raya.

Chituwa 20:6

kweni nde wakuchitiya lisungu ku vikwi vya ŵanthu wo ŵatindanja ndi ŵasunga marangu ghangu.

Nthanthi 13:7

Munthu yumoza watiji yikamo kuti ndi msambasi, kweni walivi kanthu; munthu munyake watijiyikamo kuti ndi mukavu, kweni we ndi usambasi unandi.

Nthanthi 7:24

Ndipo sono, mwaŵana ŵangu mwe, tegherezgani kwangu, ndipo pulikizgani ku mazu gha mlomo wangu.

Nthanthi 8:32

Ndipo sono, mwa ŵana ŵangu, tegherezgani kwangu: ŵakukondwa mbeniwo ŵasunga nthowa zangu.

Yesaya 14:32

Kumbi munthu waghamukenge uli mathenga gha mtundu? “Ambuya ndiwo akuzenga Zioni, ndipo mwaku wo ŵakusuzgika ŵa ŵanthu ŵasaniya pakubisama.”

Yesaya 29:19

Ŵakuzika ŵakarondanga chimwemwe chifya mu Ambuya, ndipo ŵasauchi mukati mu ŵanthu ŵakakondwanga mu Mtuŵa Yumoza yo waku Yisraele.

Zefaniya 3:12

Chifukwa ndisiyenge mukati mwako ŵanthu ŵakuzika ndi ŵakujiyuyuwa. Ŵakapenjanga chiphokwelu mu Ambuya.

Zekariya 11:11

Viyo lingusweka mu zuŵa leniliya ndipo ŵakugula mberere, wo ŵalereskanga ine ŵanguziŵa kuti ghenga mazu gha Ambuya.

Zekariya 11:7

Viyo ndinguŵa mliska wa mskambu wo wamubayikiya wo ŵagulananga mberere. Ndipo ndingujitore ndodo ziŵi; yimoza ndinguyidana Wezi, yinyake Kurungana. Ndipo ndaliskanga mberere.

Mateyu 11:5

ŵachiburumutiya ŵalereska, ŵakuganthiya ŵatenda, ŵamakhate ŵatozgeka, ŵamgota ŵatuvwa, ŵakufwa ŵayuskika, ndipo ŵakavu ŵataulikiya makani ghakunozga.

Mateyu 25:34

Sono karonga yo wakaneniyanga ŵaku marghe, ‘Zaninge, mwaŵakutumbika ŵa Ada, harani ufumu wakurongosoleke imwe kutuwa ku mtendeku wa charu:

Mateyu 5:3

“Mbakutumbikika ŵasauchi mu mzimu, pakuti ngwawo ufumu wo wa kuchanya.

Marko 7:14

Ndipo wangudana so mzinda wo, wanguti, “Ndivwiyeni mose ndi wanimo:

Luka 12:21

Viyo ndimo waliri wakujiŵikiya mbiku, ndi kuti ndi mromba cha kuchiri kwaku Chiuta.”

Luka 12:32

“Ungopanga, wakamskambu kamana; pakuti Auskemwe ŵakondwa kumpaskani ufumu wo.

Luka 16:22

Ndipo kunguŵa kuti mpempha yo wangufwa, ndipo wangunyamulikiya ndi ŵangelo ku chipakatu chaku Abrahamu, ndipo msambasi nayo wangufwa, ndipo wanguŵikika.

Luka 16:25

Kweni Abrahamu wanguti, ‘Wamwana, kumbukanga kuti unguronde vyamampha vyako mu umoyo wako, ndi Lazaro nayo viheni: kweni sone panu wasangaruskika iyo, kweni iwe urumwiskika.

Luka 22:29

uli ndimo Ada ŵakumikiya ine,

Luka 6:20

Ndipo iyo, pakuyinuskiya maso ghake pa ŵasambizi ŵake, wanguti, “Mwe ŵamwaŵi mwaŵakavu; pakuti ngwinu ufumu waku Chiuta.

Yohane 7:48

Kumbi yumoza wamu ŵara, pamwe wamu ŵaFarisi wavwaniya mwake?

Machitidu gha Ŵakutumika 7:2

Ndipo iyo wanguti: “Mwaŵanthu, mwa ŵabali ndi mwaŵada, andini! Chiuta yo waunkhankhu wangumwoneke wiskefwe Abrahamu, weche mu Mesopotamia, wenga wandajemo mu Harani, ndipo wangumnene,

ŴaRoma 8:17

kweni asani te ŵana, te ŵakuhara so; ŵakuhara ŵaku Chiuta, ndi ŵakuhara ŵamasanga ndi Kristu; asani tikomwe pamoza nayo, alinga kuti tikankhuskikiye so pamoza nayo.

1 ŴaKorinte 2:9

Kweni nge ndimo kwalembeke, “Vyenivyo jiso lengavi kuviwona, ndi gutu lengavi kuvivwa mu mtima wa munthu vyengavi kubukamo, vyose vyo Chiuta waŵarongosole wo mbakumwanja.”

2 ŴaKorinte 4:15

Chifukwa vyose vyo viŵiya chifukwa chinu, alinga kuti wo wezi, wakwandaniskikiya mu kuwonga kwa urapasi ufurwiyenge ku unkhankhu waku Chiuta.

2 ŴaKorinte 6:10

nge mbachisungu, kweni ŵakukondwere nyengo zose; nge mbakusauka, kweni ŵakusambisiska ŵanandi; nge mbakuuravi kanthu, kweni te ŵakusakata vyose.

2 ŴaKorinte 8:9

Chifukwa muziŵa wezi wo wa Ambuyafwe Yesu Kristu, kuti, pakuŵa msambasi, pa chifukwa chinu wangukavuka, alinga kuti imwe ndi ukavu wake musambaskike.

ŴaEfeso 1:18

ngati ghangweruskika maso gha mtima winu, alinga kuti muziŵe imwe cho nchigomekezgu cha mdanu wake, wo mbusambasi wa unkhankhuwa chihara chake mu ŵakupaturika wo,

ŴaEfeso 3:8

Kwaku ine mumanako ku ŵamana limu waku wode ŵakupaturika, ungupaskika wezi wenuwu, kuŵatauliya ŵaMitundu usambasi wambura mapenjeka wo waku Kristu;

1 ŴaTesalonika 2:12

kwenda kwakwenere chiuta, yo wakudaniyanimo mu ufumu ndi unkhankhu waku iyo mweneko.

2 ŴaTesalonika 1:5

Ivi nchirongoleru cha cheruzgu chirunji chaku Chiuta, alinga kuti mwenereskeke ufumu waku Chiuta, weniwo musuzgikiyapo,

1 Timote 6:18

kuti ŵachite umampha, kuti ŵasambasiye mu nchitu zeneko, kuti ŵaŵe ŵapusu kupaska kwawezi, ndi wanangwa pakusangana;

2 Timote 4:18

Mbuya iyo wandipozomoskenge ku nchitu yose yiheni ndipo wanditaskiyenge ku ufumu wake wakuchanya: kwaku mweniyo kuŵiye unkhankhu wo ku muyaya-muyaya. Ameni.

2 Timote 4:8

chajako kuti chiŵikikiye ine chifuku cho cha urunji, chenicho Mbuya, cheruzga yo murunji, wandipaskenge mu zuŵa liya: ndipo kwaku ine pe cha, kweni so kwaku wose ŵeniwo ŵanja chiwoneka chake.

ŴaHebere 11:26

ndipo wangweska tozu lo laku Kristu yo uromba ukuru ku usambasi wamu Egipiti pakuti wangulereskako ku chilambula-mphotu.

Yakobe 1:12

Ngwamwaŵi munthu mweniyo wavwiyapo kesedu; pakuti wata kuti waŵa wakurumbika, warondenge mphumphu ya umoyo yeniyo, Mbuya wapangana ku ŵakumwanja.

Yakobe 1:16

Mungarandizgikanga, mwa ŵabali ŵangu ŵakwanjiwa.

Yakobe 1:19

Muziŵa chenichi, mwa ŵabali ŵangu ŵakwanjiwa. Kweni munthu yose waŵe mupusu kwachivwa, wachizita kurongoro, wachizita ku kandundu;

Yakobe 1:9

Kweni mbali yo msauchi watumbwiyenge mu utumphulika wake:

1 Petro 1:4

ndi so ku chihara chambura mawoleka, ndi chambura banga, ndi chambura mafoteka, chakuŵikikiya imwe kuchanya,

2 Petro 1:11

chifukwa viyo kakuskikiyengeko kwaku imwe kwakusambasa kasereredu kamu ufumu wamuyaya wa Ambuyafwe ndi mtaski Yesu Kristu.

Chivumbuzi 2:9

“ ‘Ndiziŵa suzgu yako ndi ukavu wako (kweni ndiwe msambasi!) ndiziŵa mtonyoro wa ŵakujitamula kuti mbaYuda, po kuti mbaviyo cha, kweni mbampingu waku Satana.

Chivumbuzi 21:7

Yo wapunda waharenge vyenivi; ndipo ndimuŵiyenge Chiuta, ndipo iyo wandiŵiyenge mwana.

Chivumbuzi 3:18

Chifukwa ichi ndikupangizga kugula kwangu golide lakwengeka mu moto, alinga kuti usambase: ndi minjirira yituŵa kuti ujivwarike, mwakuti soni ya unkhuli wako yireke kurongoreka: ndi munkhwara wa kupaka mumaso ghako, alinga kuti ulereske.

Ŵeruzgi 9:7

Ŵanguti ŵamunene ichi Yotamu, wanguruta ndi wanguma pachanya pa phiri Gerizimu, wangukambula ukongwa ndiwanguti kwaku wo, “Tegherezgani kwangu, mwa ŵanthu ŵamu Shekemu, kuti Chiuta wategherezge kwinu.

1 Samuele 2:30

Pa chifukwa ichi Ambuya Chiuta waku Yisraele watiti: ‘Ndingupangana kuti nyumba yako ndi nyumba ya ausu yendenge pa maso pangu muyaya’; kweni sono atiti Ambuya: ‘Chiŵe kutali ndi ine; pakuti wose wo atinditumbika ndikaŵatumbikanga, ndipo wose wo watindiyeya ŵakayuyulikanga.

1 Samuele 2:8

Akwezga mkavu kutuwa ku fuvu; asoske pachanya ŵaumphaŵi kutuwa kuchiza, kuŵajariska pamoza ndi ŵana ŵa mafumu ndi kuŵahariska mpando wa chitumbiku. Pakuti viŵanja vya charu chapasi vya Ambuya ndipo pakuvyo achimika charu.