Yakobe 1:25 - Tonga Bible 1986

²⁵ Kweni mweniyo ngwakulereska mu dangu lizirima lo la wanangwa, ndi wajaririya viyo, pakuŵa wakuvwa wachiruwa cha kweni wakuchita mlimu, wa mwenuyu waŵenge wamwaŵi mu kachitidu kake.

Yakobe 1:25 ပူးပေါင်းရင်းမြစ်များ

Sumu 106:3

Mbakutumbikika wo ŵavwiya cheruzgu chawo, wo ŵachita cho nchakurunjika nyengo yose!

Sumu 119:32

Ndivwiyenge malangulu ghinu ndi mwamphu wose, chifukwa mukandipaskanga kuwamo kukuru.

Sumu 119:45

Ndipo ndikajanga mu wanangwa wakufikapo, chifukwa ndesa kuvwiya visimisimi vinu.

Nthanthi 14:15

Nchunkhu munthu wavwana ndi vyose, kweni wajiteska walereska kweniko watiya.

Yesaya 8:20

Kukusambizga ndi ku ukaboni! Kwakuneneska pa mazu yagha ŵakamba kulivi kucha.

Luka 11:28

Kweni iyo wanguti, “Viŵiviŵi kwari mbamwaŵi wo mbakuvwa mazu ghaku Chiuta ndi mbakughachita.”

Yohane 13:17

Asani muziŵa vyenivi, mwe ŵamwaŵi asani mutivichita.

Yohane 8:36

Viyo asani Mwana watimsanduskani ŵanangwa mbwenu muŵengedi ŵanangwa.

Machitidu gha Ŵakutumika 13:43

Ndipo ŵati ŵatuwa mu sinagoge, ŵanandi ŵa ŵaYuda ndi ŵa ŵakhozi ŵakusopa ŵanguŵarondo Paulo ndi Barnaba: ŵeniwo pakurongoro nawo ŵaŵachichizganga kujaririya mu wezi waku Chiuta.

Machitidu gha Ŵakutumika 2:42

Ndipo ŵajaririyanga chitatata mu chisambizgu cha ŵakutumika, ndi mu wanase wo, ndi mu chimenya cho cha chiŵande, ndi mu marombo gho.

Machitidu gha Ŵakutumika 26:22

Viyo ndati ndaronde chovyu chakutuliya kwaku Chiuta, ndamiya mpaka zuŵa lino kwachisimikizgiya mumana ndi mura, wakukamba ka pade cha paku vyenivyo ŵamchimi ndi Mosese ŵangukamba kuti vikazanga,

ŴaRoma 11:22

Alereni viyo ulemu ndi ukari waku Chiuta, ukari paku wo ŵanguwa, kweni ulemu waku Chiuta we paku iwe, asani ujaririya mu ulemu wake: vinu nawe so ungadumulikako.

ŴaRoma 2:13

chifukwa kuti ŵakuvwa dangu mbarunji kwaku Chiuta cha, kweni ŵakuchita dangu ndiwo ŵamrunjiskika.

ŴaRoma 7:12

Viyo chilangulu cho nchakupaturika, ndipo langulu lo ndakupaturika, ndi lakurunjika, ndi lamampha.

ŴaRoma 8:15

Chifukwa kuti munguronde cha mzimu wa uŵanda wa chofyu, kweni munguronde mzimu wa ulezi, mwaku wo tikutiya, “Aba, Ada!”

ŴaRoma 8:2

Chifukwa langulu la Mzimu wa umoyo mwaku Kristu Yesu landifwatuwa ku dangu lo la ulakwi la nyifwa.

1 ŴaKorinte 15:58

Viyo na, mwa ŵabali ŵangu ŵakwanjiwa, muŵe ŵakuti gwa, ŵambura manderezgeka, ŵakufurwiya nyengo zose mu nchitu ya Ambuya, pakuziŵa kuti mu Mbuya mlimu winu kuti ngwawaka cha.

2 ŴaKorinte 13:5

Mujese, vinu mwe ŵakukoleze chivwanu cho mujirozge mwaŵeni. Pamwenga kumbi mureka kujiziŵiya, kuti Yesu Kristu we mwinu? Vinu kokuli mwe ŵakupatika.

ŴaGalatia 2:4

kweni ndingukweriyako chifukwa cha ŵabali-ŵatesi ŵakutolekeyamo kwaubende, ŵeniwo ŵangunyeremukiyamo kwachiskola wanangwa widu wo te nawo mwaku Kristu Yesu; alinga kuti watisanduske ŵaŵanda;

ŴaGalatia 5:1

Ndi wanangwa Kristu watisanduska ifwe ŵanangwa: viyo ngangamikani, ndipo mungawira so cha mu goŵa la uŵanda.

ŴaGalatia 6:2

Nyamuliranani mphingu za ŵanyinu, ndipo viyo fiskani dangu lo laku Kristu.

ŴaKolose 1:23

asani nadi mujaririya mu chivwanu, ŵakukhazikika ndi ŵakukho, ŵakudezukako cha ku chigomekezgu cha evangeli wo mwavwa, ŵeniwo so ŵataulikiya mu ulengi wose wa pasi pa kuchanya; waku ŵeniwo ine nda Paulo ndaŵiya mteŵeti.

1 Timote 2:15

kweni ŵataskikiyenge mu kupapapaŵana, asani ŵajaririya mu chivwanu ndi chanju ndi ukongorekwa pamoza ndi chinjeru.

1 Timote 4:16

Jichenjeriyenge wamweni, ndi so ku chisambizgu chako. Jaririyanga mwaku vyenivi; chifukwa pakuchita chenichi ujitaskenge wamweni ndi wo ŵatukuvwa.

ŴaHebere 12:15

Lereskanipo vinu yumoza wangapereŵe ku wezi waku Chiuta; “vinu msisi” wakuti wa kurunda, pakutunda, ungamsuzgani, ndi mwaku wo ŵangakazuzgikiya ŵanandi;

Yakobe 2:12

Viyo ndipo kambani, ndi chitani, nge mbeniwo ŵeruzgikenge ndi dangu la wanangwa.

1 Petro 2:16

Jani nge mbanangwa, kweni ŵakuchitiya ndi wanangwa winu uli nchivwinkhu cha uheni cha, kweni uli mbaŵanda ŵaku Chiuta.

1 Yohane 2:24

Imwe, chenicho mwavwa kutuwa ku mtendeku chijaririye mwinu. Asani chingajaririya mwinu chenicho mwavwa kutuwa ku mtendeku, namwe so mujaririyenge mu Mwana ndi mu Dada.

Chivumbuzi 14:13

Ndipo ndinguvwa mazu ghakutuliya kuchanya, ghakuti, “Lembapo, Mbamwaŵi ŵakufwa wo ŵafwiya mu Mbuya kwanda kunu ku sono! Mbakutumbikika nadi,” watiti Mzimu yo, “kuti ŵapumuwe ku mautakataka ghawo; pakuti nchitu zawo zirondorana nawo.”

Chivumbuzi 22:14

Mbakutumbikika wo ŵasuka minjirira yawo, viyo kuti ŵaŵenge ndi mtufu pa muti wo wa umoyo, ndi kuti pamalikomo ŵaserenge kuya mu msumba wo.

1 Samuele 12:14

Asani mopenge Ambuya, kuŵateŵete ndi kuvwiya mazu ghawo kwambura kupatukako ku marangu ghawo, asani mose imwe ndi karonga yo wausa paku imwe murongonge Ambuya Chiuta winu, kukaŵanga umampha;