Yakobe 1:19 - Tonga Bible 1986

¹⁹ Muziŵa chenichi, mwa ŵabali ŵangu ŵakwanjiwa. Kweni munthu yose waŵe mupusu kwachivwa, wachizita kurongoro, wachizita ku kandundu;

Yakobe 1:19 ပူးပေါင်းရင်းမြစ်များ

Nehemiya 8:18

Ndipo zuŵa ndi zuŵa kwamba pa zuŵa lakudanga mpaka ku zuŵa lakumariya, ŵanguŵerenga mu buku la dangu laku Chiuta, ŵangusunga dghera mazuŵa ghankhonde ndi ghaŵi: ndipo pazuŵa la chinkhonde ndi chitatu penga unganu wakutemeka, kwakulingana ndilangulu.

Nehemiya 9:17

ŵangukana kuvwiya, ndipo kuti ŵangughanaghanako cha vya minthondwi vyo munguchita mwawo; kweni ŵangungangamiska khosi lawo ndi ŵangumika murongozgi kuti ŵaweriyenge ku uŵanda wawo mu Egipiti. Kweni imwe mwe Chiuta yo we muchanya kale kugowoke, wa wezi ndi walisungu, mwambura kukala ruŵi ndi wakuzala chifundu, ndipo kuti munguŵajowo cha.

Nehemiya 9:3

Ndipo ŵanguma mu malo ghawo ndi ŵanguŵerenga mu buku la dangu la Ambuya Chiuta wawo chigaŵa chimoza cha vinayi pa zuŵa; pa chigaŵa chinyake cha vinayi vyo ŵanguzomera ndi kusopa Ambuya Chiuta wawo.

Jobu 32:16

Ndipo kumbi nkharindizganga chifukwa kuti ŵarongoro cha chifukwa ŵatuma ŵaka jo ndipo kuti ŵatamuka so cha?

Nthanthi 10:19

Asani mazu nganandi, kusovya kuti kutuwa patali cha, kweni mweniyo wasunga milomo yake ngwazeru.

Nthanthi 13:3

Yo wavikiriya mlomo wake wasungirizga umoyo; yo wajura kwakuyasama milomo yake watuza ku pharghaniku.

Nthanthi 14:17

Munthu wakukara ruŵi wachita kwakupusa, kweni munthu wa maghanughanu wazika.

Nthanthi 14:29

Mweniyo wareka kukala ruŵi wendikuwamo kukuru, kweni mweniyo ngwakukala ruŵiruŵi wakuzga kupusa.

Nthanthi 15:18

Munthu wachikalirizga wayuska ndeu, kweni yo ngwambura kukara ruŵi wazikiska kupindana.

Nthanthi 15:2

Lilime la wazeru lirunguchizga chinjeru, kweni milomo ya ŵakupusa yidira kupusa.

Nthanthi 16:32

Mweniyo ngwakuura kukwiya ruŵi ngwamamphaku ku wanthazi, ndipo mweniyo wateruzga mzimu wake waruska mweniyo wakwamphuwa msumba.

Nthanthi 17:14

Kwamba kwa ndeu kwe uli nkhutuzga maji, viyo tuwapo ndeu yenga yindayambe.

Nthanthi 17:27

Mweniyo wakanizga mazu ghake we ndi chinjeru; ndipo mweniyo wendi mzimu wakuzizira ndi munthu wakuwamo.

Nthanthi 18:13

Asani munthu watamuka wenga wandavwe, nkhupusa kwake ndi soni.

Nthanthi 18:21

Nyifwa ndi umoyo vye munthazi ya lilime, ndipo ŵeniwo ŵatilanja ŵakarghanga vipasi vyake.

Nthanthi 19:11

Ghanaghanu lamampha likanizga munthu kukara ruŵi, ndipo mbunkhankhu wake, kugowoke kunanga.

Nthanthi 19:19

Munthu wakukalipa ukongwa wakalipanga thumba; pakuti asani mutimuleka, mukawerezganga kuchichita.

Nthanthi 21:23

Mweniyo wasunga mlomo wake ndi lilime watijisunga kubwalo ku suzgu.

Nthanthi 25:28

Munthu wambura kujitinthawe uli ndi msumba wo ŵaswa ndi wajowoleka wambura malinga.

Nthanthi 29:20

Utumuwona munthu mweniyo ngwafulumila mu mazu ghake? Ungamugomezga mubereŵeza kwakuruska iyo.

Maŵerengedu 22:27

Mbunda yinguti yawona mungelo wa Ambuya, yingugona pasi, Balamu pachanya pake; ukari waku Balamu ungukole ndipo wanguyipuma mbunda ndi nthonga yake.

Mateyu 5:22

Kweni ine ndikuneniyani, kuti yose wakumtundiriya mbali wake waŵenge wakukoleke ku cheruzgu, ndipo yose yo wanganyoza mbali wake, waŵenge wakukoleke ku upu wo; ndipo yose yo wanganena, ‘Mvumbwa we’, waŵenge wakukoleke ku gehena la moto.

Marko 12:37

Davidi iyo watimzumbuwa Ambuya; na ndi mwana wake uli?” Ndipo mzinda ukuru wo wamuvwanga kwakusangaruka.

Marko 2:2

Ndipo ŵanguwungana ŵanandi, viyo kuti mwengavi so malo chingana mpha khomu; ndipo warongoronga nawo mazu gho.

Luka 15:1

Ndipo ŵaŵandikiyanga kwaku iyo wose ŵamthulu ndi ŵalakwi, kumuvwa.

Luka 19:48

ndipo kuti ŵangusaniya cha cho ŵangachita; chifukwa khamu lo lose lingugomekezga mwake lakutegherezga.

Machitidu gha Ŵakutumika 1:15

Ndipo mu mazuŵa ghenagha wangusoka Petro mukati mu ŵabali wo, ndipo wanguti (unandi nawo wa ŵanthu pamoza wenga akhumba machumi pe chumi ndi machumi ghaŵi),

Machitidu gha Ŵakutumika 10:33

Sosonukweni viyo ndingutuma kwako; ndipo wachita umampha kutifika. Viyo sono tose tiripo paurongo paku Chiuta kuvwa vyose vyo walangulikiya ndi Chiuta.”

Machitidu gha Ŵakutumika 13:48

Ndipo ŵachivwa ŵaMitundu ŵakondwanga, ndipo ŵakankhuskanga mazu ghaku Chiuta: ndipo ŵanguvwana wo wose ŵangutemeke ku umoyo wamuyaya.

Machitidu gha Ŵakutumika 17:11

Ndipo yaŵa ŵenga ŵaulemu kwakuruska ŵamu Tesalonika, wose ŵangugharonde mazu ndi pamphu lose, ndipo ŵangupenjapenjamo mu malembo zuŵa ndi zuŵa, asani vyenivivyenga vyaviyo.

Machitidu gha Ŵakutumika 2:42

Ndipo ŵajaririyanga chitatata mu chisambizgu cha ŵakutumika, ndi mu wanase wo, ndi mu chimenya cho cha chiŵande, ndi mu marombo gho.

ŴaEfeso 4:26

Tundiyani, ndikweni mungalakwanga cha: pa chikaralizga chinu lingasere dazi cha:

ŴaEfeso 4:31

Kurunda kose, ndi chikwiya, ndi kandundu, ndi gazamu, ndi utusi, vituzgikeko kwinu, pamoza ndi uheni wose:

ŴaKolose 3:15

Ndipo chimangu chaku Kristu chiuse mu mitima yinu, kwaku chenicho so mungudanikiya mu liŵavu limoza; ndipo muŵe ŵakuwonga.

ŴaKolose 3:8

Kweni sono, vipateni ivi vyose; kandundu chikwiya, mwendanato ndi utokose wakutuwa mu mlomo winu.

1 ŴaTesalonika 2:13

Chifukwa chenichi nafwe so timwonga Chiuta kwambura kulekezga, kuti pakuronde kwaku ifwe mazu gha uthenga waku Chiuta, mungugharonde nge ndi mazu gha ŵanthu cha, kweni, mo ghaliri, nge ndi mazu ghaku Chiuta, ghenigho nagho ghatakataka mwaku imwe mwaŵakuvwana.

Yakobe 1:16

Mungarandizgikanga, mwa ŵabali ŵangu ŵakwanjiwa.

Yakobe 1:2

Mwa ŵabali ŵangu, muchipime chimwemwe pe, penipo pose muŵiyamo mu mesedu ghamtundumtundu,

Yakobe 1:26

Asani munthu wajipima kuti ngwakusopa, wambura kutintha lilime lake kweni wakufuvya mtima wake, chisopa chaku mweniyo nchawaka.

Yakobe 2:1

Mwa ŵabali ŵangu, mungaŵa nacho mu urumba chisku cha chivwanu cha Ambuyafwe Yesu Kristu, Mbuya wa Unkhankhu wo.

Yakobe 2:5

Vwani, mwa ŵabali ŵangu ŵakwanjiwa, asi Chiuta wajisankhiya ŵakavu mu charu kuŵa ŵasambasi mu chivwanu, ndi ŵakuhara ufumu weniwo wangupangana ku ŵakumwanja?

Yakobe 3:10

mu mlomo weniwo pe mutuliya thumbiku ndi thembu! Mwa ŵabali ŵangu, vyenivi kuti vitenere kuŵa viyo cha.

Yakobe 4:11

Munganenana cha, mwa ŵabali. Mweniyo wasuza mbali, pamwenga wateruzga mbali wake, wasuza dangu, ndi wateruzga dangu: kweni asani uteruzga dangu, kuti we mchita wa dangu cha, kweni mweruzgi.

Yakobe 5:12

Kwakuruska vyose, mwa ŵabali, mungarapanga cha, chingana ndi kuchanya, chingana ndi charu, chingana ndi rapu lose lamwenga: kweni inya winu wawe inya mbwenu, ndi cha winu, cha; kuti mungawanga pasi pa cheruzgu cha.

Yakobe 5:19

Mwa ŵabali ŵangu, yumoza wa mwaku imwe wangarandizgika ku uneneska ndipo yumoza wangamunyongo;

1 Yohane 2:21

Ndikulembiyani kuti nchifukwa mureka kuziŵa cha uneneska wo; kweni muwuziŵa, chifukwa palivi utesi wo ngwakutuliya ku uneneska.