Yakobe 1:17 - Tonga Bible 1986

¹⁷ Mpasku wose wamampha ndi chawezi chose chizirima nchakutuwa kuchanya chakusika kutuwa ku Dada wa maukweru, mwaku mweniyo mulive ching'anamuka chingana nchiduzi cha ching'anamuka.

Yakobe 1:17 ပူးပေါင်းရင်းမြစ်များ

Chiyambo 41:16

Yosefe wangwamuka Farao, “Ichi kuti che mwangu cha; Chiuta ndiyo wakapaskanga Farao kwamuka kwakwenere.”

1 Mikoka 22:12

Viyo Ambuya ŵija akupaske vinjeru ndi kuwamu, mwakuti achikupaska ulongozgi paku Yisraele, usungenge dangu la Ambuya Chiuta wako.

1 Mikoka 29:19

Mupaske kwaku Solomoni mwana wangu mtima wakufikapo kusunga marangu ghinu, visimikizgu vinu, ndi vilayizgu vinu ndi kuchita vyose ivi ndi kuti wazenge nyumba yo ndalongosole limu vya nchitu yake.”

Sumu 102:27

Kweni imwe nyengo yose mwe nge ndimo muliri, umoyo winu ulivi chigoti.

Sumu 122:6

Rombiyani chimangu ku Yerusalemu. Ŵasakate wose ŵakwanja iwe.

Sumu 136:7

wakwata lumwi ndi mwezi, chifukwa nchamuyaya chifundu chake;

Sumu 84:11

Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.

Sumu 85:12

Inya, Ambuya akatisakatiskanga, ndipo charu chidu chipaskenge usambasi wa vuna.

Nthanthi 2:6

Pakuti Ambuya apaska zeru; ku mlomo wawo kutuwa zeru ndi kuwamo;

Yesaya 28:26

Pakuti wapangizgika umampha, Chiuta wake watimurunguchizga.

Yesaya 45:7

Ndiumba ukweru ndi kulenga mdima, ndiŵika umampha ndilenga soka, ndine Ambuya mweniyo wachita vinthu ivi vyose.

Yesaya 46:10

kutaula vya umari kwamba ku vyaru mtendeko kutuliya ku vyanyengo zamwaka mpaka ku vinthu vyo vindachitike, kunena kuti, ‘Fundu yangu vikamanga, ndipo ndikafiskanga vyose vyo ndakhumba kufiska.’

Yesaya 60:19

Lumwi kuti likaŵanga ukweru winu cha ndi msana nanga mwezi ungaŵala kuti ukapaskanga imwe ukweru cha ndi usiku; kweni Ambuya akaŵanga ukweru winu wa muyaya, ndipo Chiuta winu ndiyu wakaŵanga unkhankhu winu.

Malaki 3:6

“Chifukwa ine Chiuta kuti ndisintha cha, imwe mose, ŵana ŵaku Yakobe mulivi kumara.

Maŵerengedu 11:17

Nkhasikanga kwazirongoro nawe penipo; ndipo nkhatongako mzimu wo we mwako ndi kuwuŵika mwaku iwo; ndipo ŵakanyamuwanga uzitu wa ŵanthu pamoza nawe, alinga kuti ureke kuwunyamuwa wija.

Maŵerengedu 11:25

Ndipo Ambuya angusikiya mu mtambo kurongoro nayo, ndipo angutoko mzimu wo wenga mukati mwake ndi kuwupaska ku ŵara wo machumi ghankhonde ndi ghaŵi (70) penipo mzimu unguja paku iwo, ŵanguchima. Kweni pavuli kuti ŵanguchima so cha.

Maŵerengedu 23:19

Chiuta kuti ndi munthu cha, kuti waname, pamwenga mwana wa munthu, kuti wang'anamuke. Kumbi cho wakamba, kuti wakachitanga cha? Pamwenga cho wanena, kuti wakachifiskanga cha?

Mateyu 7:11

Viyo asani imwe chingana mwe ŵaheni, muziŵa kupaska mipasku yamampha ku ŵana ŵinu, na uli ukongwa Auskemwe ŵakuchanya ŵapaskenge vyamampha ku ŵakuŵapempha?

Luka 11:13

Viyo asani imwe, mwaŵakuŵa ŵaheni, muziŵa kupaska mipasku yamampha ku ŵana ŵinu, uli ukongwaku Ada wo ŵakuchanya ŵapaskenge Mzimu Wakupaturika ku ŵakuŵapempha?”

Yohane 1:9

Kungweruka kwenecho, kwakungweruska munthu yose kwazanga mu charu.

Yohane 3:27

Wangwamuka Yohane ndi wanguti, “Kuti munthu wangaronde kanthu cha, kwambura kuti kapaskika kwaku iyo kutuwa kuchanya.

Yohane 3:3

Wangwamuka Yesu wangumnene, “Nadi, nadi, ndikuneneske, munthu kuti waziŵa cha kuwona Ufumu waku Chiuta kwambura kuti wapapika so.”

Yohane 8:12

Viyo Yesu wangurongoro so nawo, wakuti, “Ine ndine Kungweruka kwa charu: wakurondo ine kuti wakendanga mu mdima cha, kweni waŵenge ndi kungweruka kwa umoyo.”

Machitidu gha Ŵakutumika 11:18

Ndipo ŵachivwa vyenivi, ŵanguchetama, ndipo ŵangumkankhuska Chiuta ŵakuti, “Ndipo ku ŵaMitundu nawo Chiuta wapaska ching'anamuka cha mu mtima ku umoyo.”

Machitidu gha Ŵakutumika 5:31

Mweniyo Chiuta wamkwezge ku marghe ghake, Chirongozgi ndi Mtaski, kwachipaska Yisraele chipe ndi chireke cha vilakwa.

ŴaRoma 6:23

Chifukwa mphotu ya ulakwi ndi nyifwa; kweni chawezi chaku Chiuta mbumoyo wamuyaya mwaku Kristu Yesu Ambuyafwe.

1 ŴaKorinte 4:7

Chifukwa njani yo wawona kupambana kwinu? Ndipo we ndi chine iwe cho ulive kuronde? Kweni asani ukuchita kuronde, utumbwiyanji na nge kuti nchawanangwa cha?

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

ŴaEfeso 1:18

ngati ghangweruskika maso gha mtima winu, alinga kuti muziŵe imwe cho nchigomekezgu cha mdanu wake, wo mbusambasi wa unkhankhuwa chihara chake mu ŵakupaturika wo,

ŴaEfeso 2:8

chifukwa ndi wezi mwataskikiya mu chivwanu: ndipo chenicho kuti nchakutuwa kwaku mwaŵeni cha; ndi mpasku waku Chiuta;

Marangu 4:19

Ndipo muchenje vinu mungayunuskiya maso ghinu kuchanya, ndipo penipo mungawona dazi, mwezi, nyenyezi, ndi vya liŵanja lose lakuchanya, mungang'anamukiyaku ndi kuvisopa ndi kuviteŵete vinthu vyenivyo Ambuya Chiuta winu wavipereka ku ŵanthu wose ŵa pasi pa mtambo wose.

ŴaFilipi 1:29

Pakuti kwaku imwe kwapaskika kwawezi pa chifwa chaku Kristu kuvwaniya mwake pe cha, kweni so kukomwe pa chifukwa chaku iyo,

1 Timote 6:16

mweniyo yija we ndi uwuranyifwa wakuja mu ukweru wambura maŵandikika, mweniyo palive munthu wamwona chingana waziŵa kumwona: kwaku mweniyo kuŵiye thamu ndi mazaza ghamuyaya. Ameni.

ŴaHebere 13:8

Yesu Kristu zana ndi le ndi mweniyo pe, ndi so ku muyaya.

Yakobe 1:5

Ndipo asani yumoza waku imwe wapere mu zeru, wapemphe kwaku Chiuta, mweniyo wapaska kwaku wose kwawanangwa, ndi kwambura kusinginika; ndipo yikapaskikanga kwaku iyo.

Yakobe 3:15

Zeru yeniyo kuti njakusikiya kutuwa kuchanya cha, kweni njapasi, yaviŵaru, ya udemone.

Yakobe 3:17

Kweni zeru yo njakutuwa kuchanya njikhovu danga, pavuli njachimangu, yakoroŵa yakupemberezgeka wenguwengu, yakuzara lisungu ndi vipasi vyamampha, yambura gangang'u, yizira ufyali.

1 Yohane 1:5

Ndipo wenuwu mbuthenga weniwo tavwa kwaku iyo, ndi timtauliyani, kuti Chiuta iyo nkhungweruka, ndipo mwaku iyo mdima mulive mbwenu.

1 Yohane 4:10

Mwaku chenichi mwe chanju, mwakuti ifwe tingumwanja Chiuta cha, kweni mwakuti iyo wangwanja ifwe, ndi wangutitumiya Mwana wake kuŵa mphepeska yapa vilakwa vidu.

Chivumbuzi 21:23

Ndipo msumba wo ulivi kukavuka dazi, chingana ndi mwezi, kuti viuŵaliye: chifukwa unkhankhu waku Chiuta nkhungweruka kwake, ndipo Mwana-mberere yo ndi limbuni lake.

Chivumbuzi 22:5

Ndipo usiku kuti ukaŵangapo so cha; ndipo ŵalivi kukavuka ukweru wa limbuni, chingana ngwa dazi; pakuti Mbuya Chiuta waŵaŵaliyenge; ndipo ŵausenge muyaya ndi muyaya.

1 Samuele 15:29

Chiuta yo mbunkhankhu waku Yisraele kuti wapusikenge pamwenga kusintha cha; pakuti Iyo kuti ndi munthu cha kuti wasinthe.”