Yakobe 1:14 - Tonga Bible 1986

¹⁴ kweni munthu we yose wateseka, pakuguguzika ndi likhumbira laku yija.

Yakobe 1:14 ပူးပေါင်းရင်းမြစ်များ

Chiyambo 3:6

Viyo penipo munthukazi wanguwona kuti muti wo wenga wamampha kurgha, ndi so kuti wenga wamanyanda mu maso, ndi kuti muti wenga wakukhumbikwa kupaska zeru, wanguto chipasi ndi wangurgha; ndipo wangupaskako so murumi wake, ndipo wangurgha.

Chiyambo 6:5

Ambuya anguwona kuti utimbanizi wa munthu wenga ukuru mu charu ndiso mateskedu ghose gha maghanaghano gha mu mtima ghenga ghaheni pe nyengo zose.

Chiyambo 8:21

Ndipo penipo Ambuya angunuska fungu la kukondweska, Ambuya anguti mu mtima wawo, “Kuti ndiwerezgengepo so cha kutemba charu chifukwa cha munthu, chifukwa cha maghanaghano ghaheni ghamu mtima wa munthu kuturiya ku uhurwa wake; ndipo so kuti ndikawerezgangapo cha kumara chinthu chose chamoyo uli ndimo ndachitiya.

2 Samuele 11:4

Sono Davidi wangutuma mathenga, ŵangumuto; ndipo wanguza kwaku iyo, ndipo wangulakwa nayo. Pakuti wangutozgeka ku masambi ghake, ndipo wanguwere ku nyumba yake.

Jobu 31:27

ndi mtima wangu ungunyengeka muubende, mlomo wangu wafyofyontha janja langu;

Jobu 31:9

“Asani mtima wangu warandizgikiya ku munthukazi, ndipo ndagona pa khomo la mzengezgani wangu;

Nthanthi 4:23

Sunga mtima wako ndi kulereska kose, pakuti kwaku gho kupopoma tumisinje twa umoyo.

Yesaya 44:20

Waturgha chakurgha cha choto mtima wakujipusika wamurongozge kwawaka, ndipo kuti waziŵa kujipozomoska cha pamwenga kunena, “Kumbi kuti mwe utesi cha mu janja langu la marghe?”

Hoseya 13:9

Ndikuparghang'enge iwe, Yisraele; ndiyani wangakovya?

Mateyu 15:18

Kweni vyakutuwa mu mlomo vituliya mu mtima; ndipo ndivyo vikazuzga munthu.

Mateyu 15:20

Ivi ndivyo vyakukazuzga munthu; kweni kurgha ndi manja ghambura kusamba kuti kukazuzga munthu cha.”

Mateyu 4:1

Sono Yesu wangukwezgeke ku bozwa ndi Mzimu, kwacheseka ndi diabolo.

Mateyu 5:28

Kweni ine ndikuneniyani, kuti yose wakulereska munthukazi kumkhumbira, wareŵa nayo kali mu mtima wake.

ŴaRoma 7:11

Chifukwa ulakwi wo, pakutendeke mu langulu lo, ungundifuvya, ndipo mwaku lo ungundibaya.

ŴaRoma 7:13

Viyo kumbi cho nchamampha chingundiŵiya nyifwa? Kungaŵa viyo cha! Kweni ulakwi ndi wo, wakuchitiya nyifwa mwaku ine mwaku cho nchamampha, mwakuti ulakwi uwoneke kuti mbulakwi, kuti ulakwi mwa langulu lo ungaŵadi ulakwi ukuru.

ŴaEfeso 4:22

muzuwe kendedu kinu kakudanga, munthu yo wakali, yo ngwakukazuzgika kwakuyana ndi maulakalaka gha fuzi;

ŴaHebere 3:13

Kweni chiskanani zuŵa ndi zuŵa kweche kuzumbulika “Le,” vinu yumoza waku imwe wangangangamiskika ndi fuvyu la ulakwi:

Yakobe 1:13

Wareke kose yumoza wakweseka kukamba kuti, “Nditeseka ndi Chiuta;” chifukwa Chiuta ngwamburameseka ndi viheni, ndipo kuti iyo watesa chingana njumoza cha:

Yakobe 1:15

Pavuli penipo likhumbira lo, lati lakuwa, lipapa ulakwi, ndipo ulakwi wo wati wakuwa ukongwa, upapa nyifwa.