Ŵeruzgi 9:6 - Tonga Bible 1986

⁶ Ndipo wose ŵakuja mu Shekemu ŵanguwungana pamoza ndi Betemilo yose, ndipo wanguruta ndi ŵangumumika kuŵa karonga, pafupi ndi chimuti cha mkundi cha mzati pa Shekemu.

Ŵeruzgi 9:6 ပူးပေါင်းရင်းမြစ်များ

2 Samuele 5:9

Ndipo Davidi wanguja mu linga, ndi wangulidana linga la msumba waku Davidi, ndipo Davidi wanguzenga msumba zingirizge kutuwa ku Milo mpaka mukati.

1 ŴaKaronga 12:1

Rehoboamu wanguruta ku Shekemu, kweniko ŵaYisraele wose ŵanguungana kumuvwarika ufumu.

1 ŴaKaronga 12:20

Ndipo ŵaYisraele wose ŵanguti ŵavwa kuti Yeroboamu wakuwe, ŵangutuma ndi ŵangumudana kuza ku unganu ndipo ŵangumuserezga ufumu wapaku Yisraele yose. Pengavi nanga njumoza yo wangurondo nyumba yaku Davidi, kweni mtundu waku Yuda pe.

1 ŴaKaronga 12:25

Pavuli Yeroboamu wanguzenga Shekemu mu charu cha mitunthu chaku Efraimu; wanguja mwenimuwa, ndipo wanguruta wanguzenga so Penuele.

2 ŴaKaronga 12:20

Ŵateŵeti ŵake ŵangumuyukiya ndipo ŵangubaya Yoashi mu nyumba yaku Milo, panthowa yakuya ku Sila.

Yoswa 24:26

Yoswa wangulemba makani yagha ghose mu buku la dangu laku Chiuta; ndipo wanguto mwa ukuru, wanguwumika musina mu muti wa mkongwe mu malo ghakupaturika gha Ambuya.

Ŵeruzgi 9:5

Ndipo wanguruta ku nyumba ya awiske ku Ofra wangubaya ŵana ŵanyake ŵana ŵaku Yerubala, machumi ghankhonde ndi ghaŵi (70) pa mwa umoza; kweni Yotamu mwana wakumaliya waku Yerubala wangurekeka, pakuti wangujibisa.

Ŵeruzgi 9:7

Ŵanguti ŵamunene ichi Yotamu, wanguruta ndi wanguma pachanya pa phiri Gerizimu, wangukambula ukongwa ndiwanguti kwaku wo, “Tegherezgani kwangu, mwa ŵanthu ŵamu Shekemu, kuti Chiuta wategherezge kwinu.