Ŵeruzgi 9:54 - Tonga Bible 1986

⁵⁴ Ndipo wangudanirizga ruŵi ku munyamata wakupinga nguru yake, wanguti, “Soro lipanga lako ndi undibaye, vinu ŵanthu pakukamba ghaku ine ŵakatinge ‘Wangumubaya ndi munthukazi.’ ” Ndipo munyamata wake wangumulasa, ndi wangufwa.

Ŵeruzgi 9:54 ပူးပေါင်းရင်းမြစ်များ

2 Samuele 1:10

Viyo ndinguma pafupi nayo ndingumugwaza, chifukwa ndenga muneneska kuti, kuti wakaŵanga so ndi umoyo cha po wawa pasi; ndipo ndinguto mphumphu yo yenga ku mutu wake ndi goza lo lenga pa janja lake, ivi ndapinga kuzachipaska mbuyangu.”

2 Samuele 1:7

Ndipo wanguti walereska kuvuli kwake, wangundiwona ndi wangundidana, ine ndingwamuka, ‘Ndine pano,’

2 Samuele 1:9

Wangunena nane, ‘Iza pafupi nane undibayi; pakuti urwirwi wandifyeka, kweni ndeche wamoyo.’

2 Samuele 23:37

Zeleke muAmoni, Naharayi waku Beroto, wakupinga vidya vyaku Yoabu, mwana waku Zeruya,

1 Mikoka 10:4

Sono Sauli wangunene wakupinga vidya vyake, wanguti, “Solo lipanga lako undigwazi nalo, vinu ŵambura kuchinjika yaŵa ŵangaza ndi kunditombozga.” Kweni wakupinga vidya wangukana; chifukwa wangopa ukongwa. Viyo Sauli wanguto lipanga la mweneko ndipo wanguwiya paku lo, wangufwa.

1 Mikoka 10:5

Penipo wakupinga vidya vyake wanguwona kuti Sauli wafwa, nayo wanguwa pa lipanga lake ndi wangufwa.

1 Mikoka 11:39

Zeleki mu Amoni, Naharayi waku Beroto, wakupinga vidya vyaku Yoabu mwana waku Zeruya,

Ŵeruzgi 4:9

Ndipo iyo wanguti, “Kwakuneneska ndikarutanga nawe, kweni ulendo uwu kuti ukakutoriyanga unkhankhu iwe cha, chifukwa Ambuya akaperekanga Sisera mu janja la munthukazi.” Sono Debora wangusoka, wanguruta ndi Baraki ku Kedeshi.

Ŵeruzgi 9:55

Po ŵaYisraele ŵanguwona kuti Abimeleke wafwa, ŵangutuwapo munthu yose wanguya ku muzi wake.

1 Samuele 14:12

Ndipo ŵanthu ŵamu linga pa kwamuka Jonafani ndi munyamata wakupinga vidya, ŵanguti, “Kweriyani kuno, ndipo timurongoninga kanthu.” Jonafani wangunene wakupinga vidya, “Zanga kuvuli kwangu; pakuti Ambuya aŵapereka mu janja la ŵaYisraele.”

1 Samuele 14:13

Jonafani wangukwere manja ndi marundi, ndi wakupinga vidya pavuli pake. Ndipo ŵanguwa pa nthazi paku Jonafani, sono wakupinga vidya vyake wanguŵabaya.

1 Samuele 14:14

Viyo kubayika kuwa kwakudanga ko Jonafani ndi wakupinga vidya ŵanguchita, kwenga akhumba ŵanthu machumi ghaŵi pa malo ghafinyi gha.

1 Samuele 14:17

Sono Sauli wangunena ndi ŵanthu wo ŵenga nayo, “Ŵerengani ndi muwone wo ŵatuwako kwidu.” Po ŵanguti ŵaŵerengeka, awonani, Jonafani ndi wakupinga vidya vyake pengavi.

1 Samuele 14:7

Wakupinga vidya wanguti, “Chitani chose cho mtima winu unweka; awonani, ine nde namwe, mo mtima winu uliri ndimu wangu nawo uliri.”

1 Samuele 16:21

Davidi wanguti wafika kwaku Sauli wangwamba kumuteŵete. Sauli wangumwanja ukongwa Davidi, ndipo wangumuŵika kuŵa wakupinga vidya vyake.

1 Samuele 31:6

Viyo ndimu wangufwiya Sauli, ndi ŵana ŵake ŵatatu, pamoza ndi wakupinga vidya vyake, ndi ŵanthu ŵake wose pamoza zuŵa leniliya.