Ŵeruzgi 9:5 - Tonga Bible 1986

⁵ Ndipo wanguruta ku nyumba ya awiske ku Ofra wangubaya ŵana ŵanyake ŵana ŵaku Yerubala, machumi ghankhonde ndi ghaŵi (70) pa mwa umoza; kweni Yotamu mwana wakumaliya waku Yerubala wangurekeka, pakuti wangujibisa.

Ŵeruzgi 9:5 ပူးပေါင်းရင်းမြစ်များ

1 ŴaKaronga 1:12

Viyo sono zanga, ndikupange fundu, alinga kuti utaske umoyo waku wamweni ndi umoyo wa mwana wako Solomoni.

1 ŴaKaronga 1:21

Vinu kukaŵanga, watakuti wala pasi mbuyangu karonga pamoza ndi awiske, ine ndi mwana wangu Solomoni tikakambikanga kuti te ŵachiguŵisku.”

2 ŴaKaronga 10:17

Ndipo penipo ŵanguza ku Samaria wangubaya wose wo ŵangujapo ŵaku Ahabu mu Samaria, mpaka penipo wanguŵapeya wose, kwakuyana ndi mazu gha Ambuya gho angukamba kwaku Eliya.

2 ŴaKaronga 10:7

Ndipo penipo karata wanguŵafika, ŵanguko ŵana ŵa karonga ndi ŵanguŵika mitu yawo mu zisokola, ndi ŵanguyituma kwaku iyo ku Yezerele.

2 ŴaKaronga 11:3

ndipo wanguja ndi iyo virimika nkhonde ndi chimoza, wakubisika mu nyumba ya Ambuya, nyengu yo Ataliya wawusiyanga pa charu cho.

2 Mikoka 21:4

Wanguti wakwera Yehoramu pachitengo cha awiske, ndikukhozgeka, wangubaya ŵabali ŵake wose ndi lipanga, ndi ŵakaronga ŵanyake viyo mwaku Yisraele.

Mateyu 2:16

Herode, pakuwona kuti wapusikika ndi ŵaukwi, wangukaripa ukongwa, ndipo wangutuma ndi wangukoso ŵana ŵanthurumi wose mu Betelehemu ndi mu mphaka zake zose, ŵa virimika viŵi ndi pasi pake, kwakulingana ndi nyengo yo ŵanguziya ŵaukwi wo.

Mateyu 2:20

“Yuka, to mwana yo ndi nyina, kanga ku charu chaku Yisraele, chifukwa ŵafwa wo ŵapenjenga umoyo wa mwana yo.”

Ŵeruzgi 6:11

Sono mungelo wa Ambuya wanguza ndi wanguja musina mu chimuti cha mkundi pa Ofra, cho chenga chaku Joashi mu Abiezeri penipo mwana wake Gideoni wapwanthanga trigu pa mbuli, kubisa trigu ku ŵaMidiyani.

Ŵeruzgi 6:24

Sono Gideoni wanguzenga jochero penipa ku Ambuya, ndipo wangulidana, Ambuya nchimangu. Mpaka ku zuŵa line leche kuma pa Ofra, yo ngwa ŵa Abiezeri.

Ŵeruzgi 8:30

Sono Gideoni wenga ndi ŵana machumi ghankhonde ndi ghaŵi (70) wa mphapu yake, pakuti wenga ndi ŵanthukazi ŵanandi.

Ŵeruzgi 9:18

kweni imwe mwayigadabukiya nyumba ya ada msana wale, mwabaya ŵana ŵawo, ŵanthu machumi ghankhonde ndi ghaŵi (70) pa mwa umoza, ndipo Abimeleke, mwana wa mteweti munthukazi wawo mwamuvwalika ukaronga pa wakuja mu Shekemu, chifukwa chakuti ndi mbali winu,

Ŵeruzgi 9:2

“Mukambe mu makutu ghaku wose ŵakuja mu Shekemu, ‘Cho nchamampha ndi nichi kwaku imwe, kuti ŵana wose machumi nkhonde ndi ghaŵi (70) ŵaku Yerubala ŵakuwuseni, pamwenga kuti yumoza ndiyo wakuwuseni?’ Kumbukani so kuti ine nde chiwanga chinu ndi nyama yinu.”

Ŵeruzgi 9:6

Ndipo wose ŵakuja mu Shekemu ŵanguwungana pamoza ndi Betemilo yose, ndipo wanguruta ndi ŵangumumika kuŵa karonga, pafupi ndi chimuti cha mkundi cha mzati pa Shekemu.