Ŵeruzgi 9:4 - Tonga Bible 1986

⁴ Ndipo ŵangumpaska machumi ghankhonde ndi ghaŵi (70) gha vimbanduka vya siliva vyo wangutuzga mu nyumba yaku Bala-beriti vyo Abimeleke wangulembere ŵanthu ŵauliuli ndi ŵambura kuphwere, wo ŵangumulondo.

Ŵeruzgi 9:4 ပူးပေါင်းရင်းမြစ်များ

2 Samuele 6:20

Davidi wanguwe kwazitumbika ŵamu nyumba yake. Mikala mwana munthukazi waku Sauli wangutuwa ku kumana ndi Davidi, wanguti, “A! Nako nkhukuzgika ko karonga wa ŵaYisraele wajikuzga nako msana wale kujizuwa mweneko pa maso pa ŵasungwana ŵa ŵateŵeti ŵake, nge njumoza wa ŵanthu ŵazereza kujizuwa iyo mweneko kwambura soni!”

2 Mikoka 13:7

ndipo ŵanthu ŵanyake ŵaŵakaŵaka ŵawungana kwaku iyo ndi kujikwimiska kumikana ndi Rehoboamu mwana waku Solomoni, penipo Rehoboamu weche mwana wa mtima uteta wambura nthazi kulimbana nawo kuti wajitaski.

Jobu 30:8

Ŵana ŵa vindere, ŵana ŵa mbiri yiheni, ŵathyapulika ndi kuchimbizgikiya kutali kutuwa mu charu.

Nthanthi 12:11

Mweniyo walima munda wake wakaŵanga ndi viŵande vinandi, kweni mweniyo wandondoloska vyambura kanthu walivi chinjeru.

Zefaniya 3:4

Ŵamchimi ŵake mbanthu ŵakupusika; ŵambura magomekezgeka; ŵazukuru ŵake ŵafipiska malo ghatuŵa, ŵabendezga dangu.

Machitidu gha Ŵakutumika 17:5

Kweni ŵaYuda, pakukoreka sanji, ŵangujitole ŵanthurumi ŵanyake ŵatimbanizi ndi ŵaheni, ndipo pakonganiska mzinda, ŵatimbanizganga muzi, ndipo pakudumiya nyumba yaku Jasone, ŵalembenga kuŵatole ku khamu lo.

Ŵeruzgi 11:3

Sono Jefta wanguthaŵa ku ŵana ŵanyake, ndi wajanga mu charu cha Tobo, ndipo ŵanthu ŵa uliuli ŵangujiwungang'a kwaku Jefta ndipo ŵarutanga nayo kwachichita vivwamba.

Ŵeruzgi 8:33

Wati wafwa Gideoni, ŵaYisraele ŵangung'anamuka so ŵanguchita uheni wakundondoloska ŵaBala, ndipo ŵanguchita Bala-beriti kuŵa chiuta wawo.

Ŵeruzgi 9:27

Mwakuti, ŵanguwunjika vipasi kutuwa mu minda yawo ya mphereska ndipo ŵangupinga, ndi ŵanguchita dghera, ŵangusere mu nyumba yaku chiuta wawo, ndipo ŵangurgha ndi kumwa ndi kumutuka Abimeleke.

1 Samuele 22:2

Munthu yose yo wanguŵa mu masuzgu ndi yose yo wanguŵa ndi mlandu wangungole, ndi yose yo wangupwetekeka mtima, ŵanguwunjikana kwaku iyo; ndipo wanguŵa nduna yawo. Ndipo kwenga pamoza nayo ŵanthu akhumba machumi pe chumi ghanayi (400).