Ŵeruzgi 9:24 - Tonga Bible 1986

²⁴ mwakuti nkhaza zo zinguchitika ku ŵana machumi ghankhonde ndi ghaŵi ŵaku Yerubala zitenere kuza, ndi kuti ndopa zawo zisikiye paku Abimeleke mwana munyawo, yo wanguŵabaya, ndi paŵanthu ŵamu Shekemu wo ŵangukhozga manja ghake kuti wabaye ŵabali ŵake.

Ŵeruzgi 9:24 ပူးပေါင်းရင်းမြစ်များ

1 ŴaKaronga 2:32

Ambuya akawezgiyanga nchitu zake za ndopa pa mutu wa mweneko, chifukwa, kwambura kuziŵa ada Davidi, wangukoso ndi wangubaya ndi lipanga ŵanthu ŵaŵi ŵarunji kwakuruska iyo, ndi ŵamampha kwakuruska iyo, Abneri mwana waku Neri mura wa nkhondo yaku Yisraele, ndi Amasa mwana waku Jeteri, mura wa nkhondo yaku Yuda.

1 ŴaKaronga 2:33

Viyo ndopa zawo zikawerenga pa mutu waku Yoabu ndi pa mutu wa mphapu yake muyaya; kweni kwaku Davidi, ndi ku mphapu yake, ndi ku nyumba yake, ndi ku chitengo chake, kukaŵanga chimangu chakutuliya ku Ambuya muyaya swi.”

Estere 9:25

kweni penipo Estere wanguza paurongo pa karonga wangulangula mu ŵakalata kuti chiŵembu chiheni cho wanguchitiya ŵaYuda chiwere pa mutu wa mweneko, ndi kuti iyo ndi ŵana ŵake ŵapayikike pa muti.

Sumu 7:16

Uheni wake uwere pa mutu waku iyo mweneko, ndipo nkhaza zake zisikiya pa liwombo la mweneko.

Sumu 7:17

Ndiperekenge viwongo kwaku Chiuta kwakuyana ndi urunji wake, ndipo ndikoŵeriyenge ku zina la Ambuya apachanya ukongwa.

Maŵerengedu 35:33

Viyo mureke kukazuzga charu cho mujamo; pakuti ndopa zikazuzga charu, ndipo palivi thumba lo lingaziŵa kuwombo charu pa chifukwa cha ndopa zo zidikamo, kweni ndi ndopa zakumweniyo pe wanguzidira.

Marangu 27:25

“ ‘Watembeke yo waronde chimbundi kubaya munthu wambura kafukwa.’ Ndipo ŵanthu wose ŵanenenge, ‘Ameni.’

Ŵeruzgi 1:7

Ndipo Adonibezeki wanguti, “Ŵakaronga machumi ghankhonde ndi ghaŵi (70) ŵakudumulika vikumbu vyawo vikuru vyaku manja ndi ku marundi ŵatondonga livivu kusi ku gome langu; nge ndimo ndinguchitiya, viyo Chiuta wanditayiya thayu.” Ndipo ŵanguza nayo ku Yerusalemu, wangufwiya kwenikuwa.

Ŵeruzgi 9:25

Ndipo ŵanthu ŵamu Shekemu ŵanguŵika ŵanthu ŵakumukhazga pachanya pa mapiri, ndipo ŵakwamphuwanga vinthu vyaku wose wo ŵajumphanga, mu nthowa yeniyiya; ndipo ŵangumunene Abimeleke.

1 Samuele 15:33

Ndipo Samuele wanguti, “Nge ndimo lipanga lako lachitiskiya ŵanthukazi kuŵa ŵambura ŵana, viyo ndimu anyoko ŵaŵiyenge ŵambura mwana mukati mu ŵanthukazi.” Ndipo Samuele wangudumuwa Agagi tuvipitika paurongo pa Ambuya mu Gilgala.