Ŵeruzgi 9:15 - Tonga Bible 1986

¹⁵ Kankhande wanguti ku miti, ‘Asani mutindivwalika ukaronga mu uneneska, iku zaninga muzichibisama mu mduzi wangu, ndipo asani kuti ndi viyo cha, iku moto utuwe mu kankhande upirizge milanji yaku Lebanoni.’

Ŵeruzgi 9:15 ပူးပေါင်းရင်းမြစ်များ

2 ŴaKaronga 14:9

Ndipo Jehoashi karonga waku Yisraele wanguwezge mazu Amaziya karonga waku Yuda, ghakuti, “Nthula yaku Lebanoni yingutuma thenga ku muti wa sidara waku Lebanoni, la kuti, ‘Upereke mwana wako munthukazi ku mwana wangu munthurumi waŵe muwoli wake’, ndipo chikoko cha mu dondo chaku Lebanoni chingudumuwapo ndi kupwatiya pasi nthula yo.

Sumu 104:16

Milanji yaku Lebanoni yironde vuwa yinandi, miti ya Ambuya, yo iwo angupanda.

Sumu 29:5

Mazu gha Ambuya ghatuswa ma sidara, Ambuya atuswa masidara ghaku Lebanoni.

Yesaya 1:31

Ndipo wanthazi wakaŵanga nge nchingwi cha wazi, nchitu yake yikaŵanga muthovu wa ŵaka, ndipo vyose viŵi vifyiyenge pamoza, ndipo paulengevi wakuvizimwa.

Yesaya 2:13

lakumikana ndi miti ya milanji yaku Lebanoni, yakujikuzga ndi yakukwezgeka pachanya lakumikana ndi miti ya mkundi yaku Bashani,

Yesaya 30:2

wo ŵasoka kuya ku Egipiti, kwambura kufumba fundu yangu, kwachibisama mu kuvikirika kwaku Farao, kwachipenja msasa mu mduzi wa Egipiti!

Yesaya 37:24

Mu ŵateŵeti wako wayeyiyamo Ambuya, ndipo wanena kuti, Ndi magareta ghangu ghanandi ndakwera pachanya pa mapiri, ku malo gha kutali gha Lebanoni. Ndingudumuliya pasi milanji yake yitali ukongwa, ndi miti yake yinyake yakunozga; ndinguza ku songo yake yakuruska zose mu utali, lisuwa lake lakukho miti kwakuruska.

Chitenje 4:20

Muvuchi wamu mphunu zidu ifwe tawakupakika wa Ambuya, ungutoleka mu mazenje ghako, iyo mweniyo tingumukamba, “Pasi pa chiduzi chake tikawanga wamoyo mu wamitundu.”

Ezekiele 19:14

Ndipo moto watuwa mu liŵavu lake, wapirizga mphanda ndi vipasi vyake, mwakuti kuti wajamo so muti wanthazi cha, ndodo ya chifumu ya wakweruzga mulivi. Ichi nchitenje, ndipo chaŵa chitenje mbwenu.

Ezekiele 31:3

Ehe, ndikulinganizgenge ndi sidaramu Lebanoni, ndi mphanda zamampha ndi mduzi wa mulisuwa, wa msinkhu utali, kusongo kwake kwe mukati mu mitambo.

Danyele 4:12

Mani ghake ghenga ghamampha ndi vipasi vyake vyenga vinandi, ndipo mwaku cho mwenga chakurgha chaku wose. Nyama zamu dondo zingusaniya mduzi musi mwake, ndi viyuni vya mude vyajanga mu mphanda zake, ndipo nyama yose yinguleleka mwaku cho.

Hoseya 14:7

Wakawenga ndi kuja mu muduzi wangu, watipitiyenge umampha nge ndi munda, wamenge maluŵa nge ndi mphereska, kununkhira kwawo kuŵenge nge ndi vinyo waku Lebanoni.

Maŵerengedu 21:28

Chifukwa moto ungutuwa mu Heshiboni, mlipu wa moto kutuliya mu msumba waku Sihoni, ungocha Ara waku Moabu ŵakaronga ŵamu mitunthu yaku Arnoni.

Mateyu 13:32

yo nadi njidokudoku ku mbeu zose; kweni yati yakuwa, njikuruku ya tusungwi, ndipo yituwa chivwati, viyo kuti tuyuni twamude tuzenga vivimbu vyawo mu mphanda zake.”

Ŵeruzgi 9:14

Sono miti yose yinguti ku kankhande, ‘Zanga iwe utiwuse.’

Ŵeruzgi 9:16

“Sono chifukwa cho, asani mwachita mwa uneneska ndi ulemu pakuvwalika Abimeleke ukaronga, ndipo asani mwachita umampha ndi Yerubala ndi nyumba yake, ndipo mwachita kwaku iyo kwakuyana ndi vyo vingwenere nchitu zake.

Ŵeruzgi 9:20

kweni asani kuti ndi viyo cha, iku moto utuwe kwaku Abimeleke, uwoche ŵakuja mu Shekemu, ndi Betemilo, ndipo moto utuwe ku ŵakuja mu Shekemu ndi Betemilo, uwoche Abimeleke.”

Ŵeruzgi 9:44

Abimeleke ndi mpingu wo wenga nayo pamoza wanguchimbiriya ku nthazi ndi wanguma pakuserere pa likomo la msumba wo, penipo mipingu yiŵi yinguchimbiriya paku wo wenga mu minda wanguŵabaya.

Ŵeruzgi 9:49

Viyo munthu yose waku wo wangudumuwa chifinga chake, ndipo wachilondo Abimeleke wanguchiyegamiska ku linga, ndipo wangocha linga lo, viyo kuti ŵanthu wose ŵamu sonjo wa Shekemu ŵangufwa, ŵanthu akhumba chikwi chimoza (1,000) ŵanthurumi ndi ŵanthukazi.