Ŵeruzgi 8:30 - Tonga Bible 1986

³⁰ Sono Gideoni wenga ndi ŵana machumi ghankhonde ndi ghaŵi (70) wa mphapu yake, pakuti wenga ndi ŵanthukazi ŵanandi.

Ŵeruzgi 8:30 ပူးပေါင်းရင်းမြစ်များ

Chiyambo 2:24

Chifukwa chenichi munthurumi wasiya awiske ndi anyina ndi watijibatika ku muwoli wake, ndipo ŵatuŵa nyama yimoza.

Chiyambo 46:26

Ŵanthu wose ŵaku Yakobe wo ŵangusere mu Egipiti wo ŵenga mphapu yapa mtima wake, kwambura kusazgiyako ŵawoli ŵa ŵana ŵaku Yakobe, ŵenga machumi ghankhonde ndi limoza pachanya ŵankhonde ndi yumoza (66);

Chiyambo 7:7

Ndipo Nowa, ŵana ŵake ŵanthurumi, ndi muwoli wake, ndi ŵawoli ŵa ŵana ŵake pamoza nayo ŵangusere mu ngaraŵa, kuthaŵa maji gha zandi.

1 ŴaKaronga 11:3

Wenga ndi ŵawoli machumi pe chumi ghankhonde pachanya ghaŵi (700), ŵana ŵa mafumu, ndi machumi pe chumi ghatatu (300); mabwezi ghanthukazi.

2 ŴaKaronga 10:1

Ahabu wenga ndi ŵana ŵanthurumi machumi ghankhonde ndi ghaŵi muSamaria, viyo Yehu wangulemba ŵakarata, ndi wanguŵatuma ku Samaria, ku ŵeruzgi ŵa msumba ndi ku ŵaraŵara, ndi ku ŵakusunga ŵana ŵaku Ahabu, kunena kuti,

Chituwa 1:5

Wose ŵa mphapu yaku Yakobe ŵenga ŵanthu machumi ghankhonde ndi ghaŵi (70), Yosefe wenga kale mu Egipiti.

Malaki 2:15

Kuti ndi Chiuta yumoza cha yo wakwata ndi kusungirizgiya ifwe mzimu wa umoyo? Ndipo nchine cho wakhumba? Mphapu yirunji. Viyo chenjeni, paulevi nanga njumoza waŵe wambura kugomekezgeka ku muwoli wa uhurwa wake.

Marangu 17:17

Ndipo wangaŵanga ndi ŵawoli ŵanandi cha, vinu mtima wake ungang'anamukiya pa dondo, chingana nkhuti wajandaniskiyenge ndrama za golide ndi siliva cha.

Ŵeruzgi 10:4

Wenga ndi ŵana ŵanthurumi machumi ghatatu (30) wo ŵakweranga pa mbunda machumi ghatatu (30); ndipo wenga ndi misumba machumi ghatatu (30), yakudanika Havotiyairo mpaka zuŵa lino, wo ŵemu charu cha Gileada.

Ŵeruzgi 12:14

Wenga ndi ŵana ŵanthurumi machumi ghanayi ndi ŵazuku ŵanthurumi machumi ghatatu, wo ŵakweranga pa zimbunda machumi ghankhonde ndi ghaŵi (70); ndipo wangweruzga Yisraele virimika vinkhonde ndi vitatu.

Ŵeruzgi 12:9

Wenga ndi ŵana ŵanthurumi machumi ghatatu (30); ndi ŵana ŵanthukazi machumi ghatatu wanguŵaŵirwiska kubwalo ku khamu lake, ndipo ŵana ŵanthukazi machumi ghatatu wanguŵaserezga kutuliya kubwalo kutorana ndi ŵana ŵake ŵanthurumi, ndipo wangweruzga Yisraele virimika vinkhonde ndi viŵi.

Ŵeruzgi 8:31

Ndipo mbiligha yake yo yenga mu Shekemu yingumupapiya mwana yumoza, wangumudana zina lake Abimeleke.

Ŵeruzgi 9:1

Sono Abimeleke mwana waku Yerubala wanguruta ku Shekemu ku ŵabali ŵa anyina ndi wanguti kwaku wo ndi ku khamu lose la ŵamu nyumba ya anyina,

Ŵeruzgi 9:18

kweni imwe mwayigadabukiya nyumba ya ada msana wale, mwabaya ŵana ŵawo, ŵanthu machumi ghankhonde ndi ghaŵi (70) pa mwa umoza, ndipo Abimeleke, mwana wa mteweti munthukazi wawo mwamuvwalika ukaronga pa wakuja mu Shekemu, chifukwa chakuti ndi mbali winu,

Ŵeruzgi 9:2

“Mukambe mu makutu ghaku wose ŵakuja mu Shekemu, ‘Cho nchamampha ndi nichi kwaku imwe, kuti ŵana wose machumi nkhonde ndi ghaŵi (70) ŵaku Yerubala ŵakuwuseni, pamwenga kuti yumoza ndiyo wakuwuseni?’ Kumbukani so kuti ine nde chiwanga chinu ndi nyama yinu.”

Ŵeruzgi 9:5

Ndipo wanguruta ku nyumba ya awiske ku Ofra wangubaya ŵana ŵanyake ŵana ŵaku Yerubala, machumi ghankhonde ndi ghaŵi (70) pa mwa umoza; kweni Yotamu mwana wakumaliya waku Yerubala wangurekeka, pakuti wangujibisa.