Ŵeruzgi 8:24 - Tonga Bible 1986

²⁴ Ndipo Gideoni wanguti kwaku wo, “Ndirekeni ndikupempheni; munthu we yose wandipaske ndeŵeleŵi zakuskoŵeka.” (Pakuti ŵenga ndi ndeŵeleŵi za golide, chifukwa ŵenga ŵaIshimaele.)

Ŵeruzgi 8:24 ပူးပေါင်းရင်းမြစ်များ

Chiyambo 24:22

Po ŵagamila ŵangumara kumwa, munthu yo wanguto mphete ya golide yo uzitu wake wenga nusu wa uzitu wa shekelo, ndi makoza ghaŵi gha pa manja ghake, uzitu wake wa ndrama chumi za golide;

Chiyambo 24:53

Ndipo muŵanda yo wangutuzga vigwenjere vya siliva ndi golide ndi vyakuvwala, ndi wanguvipaska kwaku Rebeka: wangupaska so ku mzichi wake ndi ku anyina vyakuzganga vya mitengo yikuru.

Chiyambo 25:12

Izi ndi mphapu zaku Yishumaele, mwana waku Abrahamu, mweniyo Hagara muEgipiti, muŵanda waku Sara, wangupapiya Abrahamu,

Chiyambo 25:13

yagha ndi mazina gha ŵana ŵanthurumi ŵaku Yishumaele ŵakuzumbulika mu mundondomeko wa kawi kawo. Nebiyoti wa umwali waku Yishumaele, ndi Kedara, Adibele, Mibishama,

Chiyambo 35:4

Viyo ŵangupereka kwaku Yakobe ŵachiuta wose ŵachilendo ŵeniwo ŵenga nawo, ndi ndeŵeleŵe zo zenga mu makutu ghawo; ndipo wangubisa kusi ku chimuti cha nthunthu cho chenga pafupi ndi Shekemu.

Chiyambo 37:25

Sono ŵanguteka pasi ŵarghanga, ndipo ŵati ŵayunuska maso ŵanguwona mpingu wa ŵamaronda ŵa ŵaYishumaele ŵakuturiya ku Gileada pamoza ndi ŵagamila ŵawo ŵakupinga vyema, maziu, ndi muro ŵarutanga navyo ku Egipiti.

Chiyambo 37:28

Sono ŵamaronda ŵa Midiani ŵangudumuwapo; ndipo ŵangumuskoska Yosefe ndi ŵangumutuzgiya kubwalo kwa zenje lo, ndi ŵangumuguliska ku ŵaYishumaele pa mashekelo gha siliva machumi ghaŵi; ndipo ŵanguruta nayo Yosefe ku Egipiti.

1 ŴaKaronga 20:11

Ndipo karonga wa ŵaYisraele, wangwamuka wanguti, “Kamukambiyeni, ‘Wakuvwara vidya vyankhondo wareke kujikuzga nge ngwakuvizuwa.’ ”

Chituwa 12:35

ŴaYisraele ŵanguchita so uli ndimo Mosese wanguŵanene, pakuti ŵangupempha ku ŵaEgipiti vijewere vya siliva ndi golide, ndi vyakuvwara;

Chituwa 32:3

Viyo ŵanthu wose ŵangutuzga ndeŵereŵi za golide zo zenga mu makutu ghawo, ndi wanguza nazo kwaku Aroni.

Chituwa 32:4

Ndipo wanguronda golide ku manja ghawo, ndipo wanguchita ndi chidya chakuzotole wangwenguwa, ndi wanguchita thole la ng'ombe. Ndipo wanguti, “Yaŵa ndiwo ŵachiuta ŵinu mwa ŵaYisraele, wo wangumutoliyani kuno kutuwa mu charu cha Egipiti.”

Chituwa 32:8

Ŵapatuka ruŵi-ruŵi kutuwa mu nthowa yo ndinguŵalanguliya ŵajichitiya thole la ng'ombe yakuwumbika, ndipo ŵalilambiya ndi ŵalipaska sembe, ndipo ŵakati, ‘Yaŵa mbachiuta ŵinu, mwa ŵaYisraele ŵeniwo ŵangumutoliyani kuno kutuwa mu charu cha Egipiti.’ ”

Ezekiele 7:20

Chitowero chawo chakujeduka ŵanguchitiya unkhankhu wa ŵaka, ndipo ŵanguchita vikozgu vyawo vya maunyakazi ndi vinthu vyawo vya maukazuzi, mu chifukwa cho ndikachichitanga kuŵa chinthu cha mwikhu kwaku iwo.

Ŵeruzgi 8:25

Ndipo ŵangwamuka, “Tikakupaskanga izi ndi mtima wose.” Ndipo wangutandika saru, munthu yose wangupong'apo ndeŵeleŵi zo zakuskoŵeka.

1 Samuele 25:11

Kumbi ndingato chiŵande changu, maji ghangu, nyama yangu, yo ndabayiya ŵakusenga ŵangu, kupaska ŵanthu wo ndireka kuŵaziŵa ko ŵatuliya?”