Ŵeruzgi 8:10 - Tonga Bible 1986

¹⁰ Sono Zeba ndi Zalmuna ŵenga mu Karkoro pamoza ndi liŵanja lawo la nkhondo, akhumba ŵanthu vikwi chumi ndi vinkhonde (15,000), ŵeniwo pe ndi wo ŵangujapo ŵaliŵanja la nkhondo la ŵanthu ŵakuvuma; pakuti vikwi machumi pe chumi ndi machumi ghaŵi (120,000) wo ŵenga ŵakuko malipanga ŵangubayika

Ŵeruzgi 8:10 ပူးပေါင်းရင်းမြစ်များ

2 ŴaKaronga 3:26

Penipo karonga wa Moabu wanguwona kuti nkhondo yamuvivya, wangutole pamoza nayo ŵanthurumi ŵakuko malipanga machumi pe chumi nkhonde ndi ghaŵi kuti ŵaporote pakutghana ndi karonga wa Edomu, kweni wangutondeka.

2 Mikoka 13:17

Abija ndi ŵanthu ŵake ŵanguŵakoso, kukoso kukuru; wo ŵanguwa pasi ndi kubayika ŵa ŵaYisraele ŵenga vikwi machumi pe chumi ghankhonde, ŵanthurumi ŵakusankhika (500,000).

2 Mikoka 28:6

Chifukwa Peka mwana waku Remaliya wangubaya ŵanthu machumi pe chumi pachanya machumi ghaŵi (120,000) mu Yuda pa zuŵa limoza, wose ŵanthu ŵanthazi, chifukwa ŵanguŵasiya Ambuya, Chiuta wa auskeu.

2 Mikoka 28:8

Ŵanthu ŵaku Yisraele wanguko umkoli vikwi machumi pe chumi ghaŵi (200,000) vya ŵabali ŵawo, ŵanthukazi, ŵana ŵanthurumi, ndi ŵana ŵanthukazi, ndipo so wanguto vyakuskoŵa vinandi ndi wanguza navyo ku Samaria.

Yesaya 37:36

Ndipo mungelo wa Ambuya wanguruta, wangubaya vikwi machumi pe chumi ndi machumi ghankhonde ndi ghatatu (185,000) mu ugoŵi wa ŵaAsiriya; ndipo penipo ŵanthu ŵanguyuka ndi mlenjilenji, ehe, yaŵa wose ŵenga viŵanda.

Yesaya 9:4

Pakuti gori la mphingu yake, ndi katundu wapa pheŵa lake, ndodo ya wakumusuzga iyo, imwe mwafyo ulaka mpha zuŵa liya laku Midiani.

Ŵeruzgi 20:15

Ndipo ŵaBenjamini ŵanguŵerenga kutuwa mu misumba yawo pa zuŵa leniliya ŵanthu vikwi machumi ghaŵi ndi vinkhonde ndi chimoza (26,000) ŵakuko lipanga, pade pa ŵakuja mu Gibea, wo ŵanguŵerengeka ŵanthu ŵakusankhika pe machumi pe chumi ghankhonde ndi ghaŵi (700).

Ŵeruzgi 20:17

Ndipo ŵaYisraele, ŵapade kwaku Benjamini, ŵanguŵerenga ŵanthu vikwi machumi pe chumi ghanayi (400,000) ŵakusolo lipanga; wose yaŵa ŵenga ŵakuziŵa nkhondo.

Ŵeruzgi 20:2

Ndipo mafumu gha ŵanthu wose, gha mafuku ghose ghaku Yisraele, ŵangujirongo ŵija mu unganu wa ŵanthu ŵaku Chiuta vikwi machumi pe chumi, ghanayi (400,000) ŵakwenda pasi ŵakuwewepuwa lipanga.

Ŵeruzgi 20:25

Benjamini nayo ŵanguruta so kwachirwana nawo ndipo ŵangubayiya pasi, vikwi chumi pachanya vinkhonde ndi vitatu (18,000) vya ŵanthu ŵaku Yisraele; yaŵa wose ŵenga ŵanthu ŵakuziŵa kurwa.

Ŵeruzgi 20:35

Ndipo Ambuya anguthereska Benjamini paurongo paku Yisraele; ndipo ŵaYisraele ŵangubaya ŵaBenjamini vikwi machumi ghaŵi ndi vinkhonde, pachanya machumi pe chumi (25,100) zuŵa liya, wose yaŵa ŵenga ŵanthu ŵakusolo lipanga.

Ŵeruzgi 20:46

Viyo wose wo ŵangufwa mu zuŵa liya ŵaku Benjamini ŵenga vikwi machumi ghaŵi ndi vinkhonde (25,000) yaŵa wose ŵenga zingwazi.

Ŵeruzgi 6:5

Pakuti ŵazanga ndi ng'ombe zawo ndi mahema ghawo, ŵazanga nge ndi zombe mu unandi, ŵanthu pamoza ndi ŵagamila ŵawo, ŵenga ŵambura maŵerengeka, viyo kuti ŵachiza mwenimo charu chinguzgoka chiparamba.

Ŵeruzgi 7:12

Ndipo ŵaMidiyani ndi Amaleke ndi ŵanthu wose ŵaku Vuma ŵangula kundondoloska dambo uli ndi zombe mu unandi; ndipo ŵagamila ŵawo ŵenga ŵambura maŵerengeka nge ndi mchenga wapa likumba la nyanja mu unandi.

Ŵeruzgi 7:13

Penipo Gideoni wanguza, munthu wakambanga loto ku munyake; ndipo watinge, “Ehe, ndalota loto; loto ndakuti, keke wa chiŵande cha barile wangugadabukiya mu ugoŵi waku Midiyani, wanguza ku hema, wanguligunyuwa ndipo linguwa, ndi wanguligadabuwa mwakuti hema lingutambala pasi,”

Ŵeruzgi 7:22

Penipo ŵanthu machumi pe chumi ghatatu (300), ŵangumba mbata zo Ambuya anguchitiska kuti lipanga la munthu yose lingulasa munyake kuzunguliya ugoŵi wose; ndipo liŵanja la nkhondo linguthaŵa kwachifika ku Beteshita kurata ku Zerera, kwachifika ku mphaka ya Abele-mehola, pafupi ndi Tabata.

Ŵeruzgi 8:11

Gideoni wangukwere ku vuma kwa Noba ndi Yogbeha, mu nthowa ya ŵamalonda, ndi wangukoso liŵanja la nkhondo, pakuti liŵanja lo lingutuwako ku ulonda wake.