Ŵeruzgi 7:20 - Tonga Bible 1986

²⁰ Ndipo mawumba ghatatu ghangumba zimbata ndi ŵanguswa tuvipindi, ŵangukoleze mu manja ghawo gha maze tumalumbuni, ndi mu manja ghawo gha marghe zimbata zakumba; ndipo ŵangudanirizga, “Lipanga la Ambuya ndi laku Gideoni.”

Ŵeruzgi 7:20 ပူးပေါင်းရင်းမြစ်များ

Yesaya 27:13

Ndipo mu zuŵa liya mbata yikuru yikambikanga, sono wo ŵangusoŵe mu charu cha Asiriya ndi wo wangudikiskikiya ku charu cha Egipiti wakazanga ndi kusopa Ambuya pa phiri lakupaturika mu Yerusalemu.

Yeremiya 47:6

Aha, walipanga la Ambuya! Mpaka zuŵanji weche kuja cheti? Jiserezgi wija mu chibazi, pumuwa uje chisisi!

1 ŴaKorinte 15:52

mu ka nyengo kamanavi mu kukupiya kwa jiso, pa mbata yakumariya. Chifukwa mbata yamkumba, ndipo ŵakufwa ŵamyuskika ŵambura-chivuzi, ndipo ifwe tamsanduskika.

2 ŴaKorinte 4:7

Kweni mbiku yeniyi te nayo mu viyaŵi vyadongo, kurongo kuti nthazi yo yijumpha vinthu vyose njakutuliya kwaku Chiuta, kuti njaku taŵeni cha.

1 ŴaTesalonika 4:16

Pakuti Ambuya ŵeneko ŵakasikanga kutuwa kuchanya ndi mdanu, ndi mazu gha mungelo-mura, ndi ndi mbata yaku Chiuta; ndipo ŵakufwiya mwaku Kristu ŵakayukanga danga:

ŴaHebere 11:4

Ndi chivwanu Abelu wangupereka kwaku Chiuta mpasku wamamphako kwakuruska Kaini, mwaku weniwo wangusimikizgikiya kuŵa murunji, Chiuta iyo wachimsimikizgiya pa mipasku yake; mwaku chenicho nacho chingana wakufwa wacharongoro.

Yoswa 6:16

Pa nyengo ya chinkhonde ndi chiŵi ŵazukuru ŵanguti ŵamba zimbata Yoswa wanguŵanene ŵanthu, “Kamburani; pakuti Ambuya akupaskani muzi wo.

Yoswa 6:20

Viyo ŵanthu ŵangukambura, zimbata zingumbika. Ndipo ŵanthu ŵanguti ŵavwa chizoza cha mbata, ruŵi ŵangukambura ukongwa, ndipo linga linguwa pasi ske-ske-ske, mwakuti ŵanthu ŵangukwere mu msumba, munthu yose po wangurazga maso ghake, ndipo ŵanguto muzi wo.

Yoswa 6:4

Ndipo ŵazukuru ŵankhonde ndi ŵaŵi ŵapingenge mbata zinkhonde ndi ziŵi za masengwe gha ŵabira paurongo pa bokosi la phanganu; ndipo pa zuŵa la chinkhonde ndi chiŵi mukendanga kuzunguliya msumba kankhonde ndi kaŵi, ŵazukuru ŵakambanga mbata zo.

2 Petro 1:15

Ndipo so ndesenge kuti pavuli pa kuruta kwangu mwenda-mchita nyengo zose chinkhumbo chaku vyenivi.

Ŵeruzgi 7:19

Viyo Gideoni ndi ŵanthu machumi pe chumi (100) wo ŵenga pamoza nayo ŵanguza mu mphepete mwa ugoŵi wo pa kwamba kwa ulinda wa usiku pakati, penipo ŵangutaka ŵikepo ŵalonda; ŵangumba zimbata ndipo ŵanguswa tuvipindi to twenga mu manja ghawo.

Ŵeruzgi 7:21

Ŵanguma munthu we yose mu malo ghake kwakuzunguliya ugoŵi wo; ndipo liŵanja lose la nkhondo linguthaŵa; ŵangubongo ndi kuthaŵa.

1 Samuele 11:11

Ndi mlenji Sauli wanguŵika ŵanthu mu maliŵanja ghatatu; ndipo ŵangusere mukati mu ugoŵi kumatandakucha, wanguŵabaya ŵaAmoni mpaka pa nyengo yakufunda kwa lumwi; ndipo ŵaku japo ŵanguthaŵa, mwakuti chingana mbanthu ŵaŵi kuti ŵanguziŵa kuma pamoza cha.