Ŵeruzgi 7:2 - Tonga Bible 1986

² Ambuya anguti kwaku Gideoni, “Wo ŵanthu ŵendi iwe mbanandi kuti ndiŵapaske ŵaMidiyani mu janja lawo, vinu Yisraele wangajikuzga paku ine, kunena kuti ‘Ndi janja laku ndamwene landipozomoska.’

Ŵeruzgi 7:2 ပူးပေါင်းရင်းမြစ်များ

Chiyambo 46:2

Ndipo Chiuta wangukamba ndi Yisraele mu vyakuwona vya usiku ndi wanguti, “Yakobe, Yakobe,” ndipo iyo wanguti, “Ndine nde pano.”

2 Mikoka 14:11

Ndipo Asa wanguririya kwa Ambuya Chiuta wake kuti, “Ambuya Chiuta, wakulingana ndi imwe nkhulivi, kovya pakati pa ŵanthazi ndi ŵambura nthazi. Tovyeni Ambuya Chiuta widu, pakuti tiyegeme kwinu, ndipo mu zina linu tizirwi ndi chimzinda ichi. Ambuya ndimwe Chiuta widu munthu kuti wangamtondani cha.”

Yesaya 10:13

Pakuti watiti: “Ndi nthazi za janja langu ndachichita ichi, ndipo ndi zeru zangu, pakuti nde ndi kuwamo; ndanderezga maliri gha ŵanthu, ndipo ndakwamphuwa mausambasi ghawo, uli ndi nkhuzi ndasiskiya pasi wo ŵanguja pa vitengo vya ufumu.

Yesaya 2:11

Mawonekedu ghakujikuzga gha munthu ghakasiskikiyanga pasi, ndi kujikuzga kwa ŵanthu kukasiskikanga, ndipo Ambuya pe ŵija akakuzgikanga mu zuŵa lo.

Yesaya 2:17

Kujikuzga kwa munthu kukabwanthukiyanga pasi, ndipo kujikuzga kwa ŵanthu kukasiskikiyanga pasi, ndipo Ambuya pe ŵija ŵakakuzgikanga mu zuŵa lo.

Yeremiya 9:23

Viyo atiti Ambuya, “Munthu wazeru wareke kutumbwiya mu zeru zake, wakulimba wareke kutumbwiya mu kulimba kwake, musambasi wareke kutumbwiya mu usambasi wake;

Ezekiele 28:17

Chifukwa cha kutowa kwako mtima wako ungujikuzga; unguvundiska vinjeru vyako chifukwa cha kugadima kwako. Ndingukupong'a pasi; ndingukujarika nkhuli paurongo pa ŵakaronga, kugutiska maso ghawo paku iwe.

Ezekiele 28:2

“Mwana wa munthu, kamba ndi karonga waku Turo, Viyo atiti Ambuya Chiuta: Chifukwa cha kujikuzga kwa mtima wako, ndipo wakamba kuti ‘Ndine chiuta, ndija pa chitengo cha ŵachiuta, mukati mu zinyanja,’ kweni ndiwe munthu, kuti we chiuta cha, nanga wamweni utijipima kuŵa wazeru nge ndi chiuta.

Danyele 4:30

ndipo wanguti, “Asi uyu ndiyo Babiloni mukuru yo ndazenga ndi nthazi zangu zikuru kuŵa msumba wa ufumu, kuwoneskiyamo unkhankhu wa mazaza ghangu?”

Habakuku 1:16

Chifukwa ichi wachitiya chirepa chake sembe, ndi kocha vyachema mu chirepa chake, chifukwa mŵaku ivi ndimo wasakata; ndi vyakurgha vyake vyamampha.

Zekariya 12:7

“Ambuya apaskenge danga upundi ku mahema ghaku Yuda, mwakuti unkhankhu wa nyumba yaku Davidi ndi unkhankhu waku wo ŵaja mu Yerusalemu ureke kurumbika kuruska waku Yuda.

Zekariya 4:6

Viyo wangunena nane, “Yagha ndi mazu gha Ambuya kwaku Zerubabele; ndi nkhondo cha, pamwenga ndi nthazi cha, kweni ndi Mzimu wangu, atiti Ambuya ŵa maŵanja.

Maŵerengedu 31:4

Mu fuku la ŵaYisraele, ŵaruteko ŵanthu chikwi chimoza (1,000) ku nkhondo.”

ŴaRoma 11:18

ungatumbwiyanga pa mphanda zo cha: kweni asani utumbwa, kuti ndiwe upinga nkhorozu cha kweni nkhorozu zipinga iwe.

ŴaRoma 3:27

Viyo na, kwe pani kutumbwa? Kukanizgikiya limu. Ndi langulu lakutinji? La zinchitu kumbi? Awa; kweni ndi langulu la chivwanu.

2 ŴaKorinte 4:7

Kweni mbiku yeniyi te nayo mu viyaŵi vyadongo, kurongo kuti nthazi yo yijumpha vinthu vyose njakutuliya kwaku Chiuta, kuti njaku taŵeni cha.

ŴaEfeso 2:9

chakutuwa ku zinchitu cha, kuti wareke munthu kujikuzga.

Marangu 32:27

Asani ndengavi kopa kusosomo kwa ŵakupindikana, kuti vinu ŵarwani ŵawo ŵangeruzga kwa ujira, vinu ŵangakamba kuti, “Janja lidu lapunda, Ambuya alivi kuchita ivi vyose.” ’

Marangu 8:17

Chenjeni vinu mungati mu mtima, ‘Nthazi yangu ndi nthazi ya janja langu vyanditore usambasi uwu.’

Marangu 8:18

Mukumbuke Ambuya Chiuta winu, chifukwa ndiyo wamupaskani nthazi zakusaniriya usambasi, kuti wakhozge phanganu lenilo wangurapa kwa auskemwe, nge ndimo kulilizuŵa lino.

Yakobe 4:6

Kweni wapaska wezi ukuruku: viyo ŵatiti, “Chiuta wamikirana ndi wakujana, kweni wapaska wezi ku ŵakujiyuyuwa.”

1 Samuele 14:6

Ndipo Jonafani wangukamba ndi munyamata wakupinga vidya vyake, “Tiye tambukiye ku linga la ŵanthu ŵambura kuchinjika yaŵa panyake Ambuya atichitiyenge nchitu; chifukwa palivi ko kangakanizga Ambuya kureka kutaska, manyi mpha unandi pamwenga pa umana.”