Ŵeruzgi 7:16 - Tonga Bible 1986

¹⁶ Ndipo wangugaŵa ŵanthu wo machumi pe chumi ghatatu (300) mu mawumba ghatatu, wanguŵika zimbata mu manja ghaku wo wose ndi tuvipindi twambura kanthu mukati, ndi malumbuni mukati mu tuvipindi.

Ŵeruzgi 7:16 ပူးပေါင်းရင်းမြစ်များ

Chiyambo 14:15

Ndipo wangugaŵa pakati maŵanja ghake kurwana nawo ndi usiku, iyo ndi ŵaŵanda ŵake; ndipo ŵanguŵambininiska ndi ŵanguŵandondoloska mpaka ku Hoba ku nkhonde kwa Damasko.

2 Samuele 18:2

Ndipo Davidi wangutuma nkhondo, chigaŵa chimoza cha vigaŵa vitatu pasi paurongozgi waku Yoabu, chigaŵa chimoza cha vigaŵa vitatu pasi paurongozgi waku Abishai mwana waku Zeruya, mwana munyake ndi Yoabu, ndi chigaŵa chimoza cha vigaŵa vitatu pasi paurongozgi waku Itai muGiti. Ndipo karonga wanguŵanene ŵanthu, “Ine ndamweni nane nkharutanga namwe.”

2 ŴaKorinte 4:7

Kweni mbiku yeniyi te nayo mu viyaŵi vyadongo, kurongo kuti nthazi yo yijumpha vinthu vyose njakutuliya kwaku Chiuta, kuti njaku taŵeni cha.

Ŵeruzgi 7:15

Po Gideoni wanguvwa kakambidu ka loto lo ndi kang'anamulidu kake, wangusoka, ndi wanguwere ku ugoŵi waku Yisraele, wanguti. “Sokani; pakuti Ambuya apereka liŵanja laku Midiyani mu janja linu.”

Ŵeruzgi 7:17

Wanguti kwaku iwo, “Ndilereskeni, ndipo muchite kwakukozgana; asani ndaza mu mphepete mwa ugoŵi wo, muchite nge ndimo ndichitiyenge ine.

1 Samuele 11:11

Ndi mlenji Sauli wanguŵika ŵanthu mu maliŵanja ghatatu; ndipo ŵangusere mukati mu ugoŵi kumatandakucha, wanguŵabaya ŵaAmoni mpaka pa nyengo yakufunda kwa lumwi; ndipo ŵaku japo ŵanguthaŵa, mwakuti chingana mbanthu ŵaŵi kuti ŵanguziŵa kuma pamoza cha.