Ŵeruzgi 6:5 - Tonga Bible 1986

⁵ Pakuti ŵazanga ndi ng'ombe zawo ndi mahema ghawo, ŵazanga nge ndi zombe mu unandi, ŵanthu pamoza ndi ŵagamila ŵawo, ŵenga ŵambura maŵerengeka, viyo kuti ŵachiza mwenimo charu chinguzgoka chiparamba.

Ŵeruzgi 6:5 ပူးပေါင်းရင်းမြစ်များ

Sumu ya Zisumu 1:5

Nde mufipa ukongwa, kweni wakutowa, mwaŵana ŵanthukazi ŵaku Yerusalemu, nge ndi mahema ghaku Kedara, nge ndi saru zakuchinga zaku Solomoni.

Yesaya 13:20

Kuti ŵakajangamo so cha ŵanthu pamwenga kujamo mu migonezi yose, paulengevi mu Nasara wakumika hema lake muwa, paulengevi mliska wakuutiska viŵetu vyake muwa.

Yesaya 60:6

Mzinda wa ŵagamila ukakuvimbanga, ŵagamila ŵampupuka ŵaku Midiyani ndi Efa; wose ŵakutuwa ku Sheba nawo wakazanga. Ŵakazanga ndi golide ndi vyachema, ndipo ŵazamtaula marumbu gha Ambuya.

Yeremiya 46:23

Ŵadumuliyenge pasi lisuwa lake; atiti Ambuya, nanga munthu kuti waziŵa kuporotamo cha, chifukwa mbanandi kwakuruska zombe; mbambura maŵerengeka.

Yeremiya 49:29

Mahema ghawo ndi viŵetu vyawo vikatolekanga, saru zawo zakuchinga ndi vinthu vyawo vyose; ŵagamila ŵawo ŵakatolekanga kwaku wo, ndipo ŵanthu ŵakaliyanga kwaku iwo: ‘Mantha ghe kose kose!’

Yeremiya 49:32

Ŵagamila ŵawo ŵakaŵanga ŵakuskoŵeka miskambu yawo ya ng'ombe yikarondekanga. Ndikambininiskiyanga ku mphepo zose wo ŵameta visongo vya sisi lawo, ndipo ndikatolenga uyowe wawo kutuwa ku mbegheka zawo zose, atiti Ambuya.

Yeremiya 51:14

Ambuya ŵa maŵanja ajirapiya pa zina lawo: Kwakuneneska ndikakuzazaninga ndi ŵanthu, unandi nge ndi zombe, ndipo ŵakawawatanga pa kumuthereskani imwe.

Marangu 28:33

Mtundu wo mulivi kuziŵa ukarghanga vipasi vya nyata yinu ndi vya kutakataka kwinu kose. Ndipo mukazitiskikanga ndi kuphwanyika rutaruta;

Ŵeruzgi 7:12

Ndipo ŵaMidiyani ndi Amaleke ndi ŵanthu wose ŵaku Vuma ŵangula kundondoloska dambo uli ndi zombe mu unandi; ndipo ŵagamila ŵawo ŵenga ŵambura maŵerengeka nge ndi mchenga wapa likumba la nyanja mu unandi.

Ŵeruzgi 8:10

Sono Zeba ndi Zalmuna ŵenga mu Karkoro pamoza ndi liŵanja lawo la nkhondo, akhumba ŵanthu vikwi chumi ndi vinkhonde (15,000), ŵeniwo pe ndi wo ŵangujapo ŵaliŵanja la nkhondo la ŵanthu ŵakuvuma; pakuti vikwi machumi pe chumi ndi machumi ghaŵi (120,000) wo ŵenga ŵakuko malipanga ŵangubayika

Ŵeruzgi 8:21

Sono Zeba ndi Zalmuna wanguti, “Soka wamwene utikoso, pakuti mwenimo waliri munthu, ndimo yiliri nthazi yake.” Ndipo Gideoni wangusoka wangubaya Zeba ndi Zalmuna: ndipo wanguto mapheska gho ghenga mu makhosi gha ŵagamila ŵawo.

1 Samuele 30:17

Davidi wanguŵapuma kwamba ndi chivivivi mpaka ku mazulo gha zuŵa linyake; ndipo kuti wangupozomokapo waku iwo nanga njumoza cha, kupatuwako ŵanthu machumi pe chumi ghanayi (400) wo ŵanguthaŵa pa ŵagamila.